JOHANA 18:4 - BUKUIT NE TILIIL Sireet ne Dutero Kanon

⁴ Kwo anyun Jeso, ko kagonai tuguuk tugul che pwaanjin ineendet ak koleenji, “Ocheeng'e ng'oo?”

Bukuit Ne Tilil

⁴ Kwo anyun Jeso, ko kagonai tuguuk tugul che pwaanjin ineendet ak koleenji, “Ocheeng'e ng'oo?”

BUKUIT NE TILIL

⁴ Kwo anyun Jesu, ko kagonai tuguk tugul che bwanjin inendet, ak kolenji, Ocheng’e ng’o?

JOHANA 18:4 Iomraidhean Croise

1 LAITORINIK 18:10

Ko uu ye sabei Kamuktaindet ne Toroor Kamuktaindeng'ung', koma mi pororyet anan ko laitornatet, ne tomo koyookto piik kiptaiyandennyu koba kocheeng'in. Ak ngo mwa kole, ‘Ma mi oli’, koleenjin pororyonooto anan ko laitornatanooto koyasyo kole, ‘ma keerin.’

NEEMIA 6:11

Ago ki ale, “Tos nyolu komwei chii ne uu anee? Ak mi ng'oo ne uu anee, ne machei kwo Hekaluut kosar saboondanyi? Ma wendi oriit.”

TIENWOGIKAL 27:3

Agot ngo yiema lugeet, ko manyogoritu muguleldanyu; ngo ng'eetya pooryeet, atese tai kora anyiganitu.

TIENWOGIKAL 3:6

Ma ywei piik tamanusyegap eliphuusyek, che kayiema kotokyagei eng' komoswek tugul.

KALEWANAIK 28:1

Mweei kiptengekyot ye maonei chii, ago nyigoonen che po iman ko uu ng'etundo.

MATAYO 16:21

Kobooch yooto anyun, kotoi Jeso koboorchi kasubikyik kole wendi ineendet Jerusalem, ak nyooru kanyaliilet ne oo eng' eunegap poisyek, tisiik che eecheen ak siriik, ak kebar, ak eng' peetuutap somok, king'eet.

MATAYO 26:2

“Ongen ole ye ibata peetuusyek aeng'u koek igoortap paska, ak keng'wektoi Weeriitap chii si kigartaat.”

MATAYO 26:21

ak ye kita koamisyei, kole, “Amwaiwok iman ale, ng'wektoo agenge eng' okweek.”

MATAYO 26:31

Ki mwachi Jeso icheek koleenji, “Kinachok okweek tugul agobo anee kemouni; amu siraat kole, ‘Tuun abire mestowot, ak koyesta keechiirek che po akweet.’

LUKA 24:44

Ak ki leenji icheek, Chu ko ng'aleekyuk che ki kamwaiwok, ye kingo ta ami kobootok, ko uu ye kanyool kosulda tuguuk tugul, che ki kisir eng' Ng'atuutik che po Musa, ak eng' maotik, ak eng' tyenwogigap kalasunet, agobo anee.

JOHANA 13:1

Ak ye kingo tomo koit igoortap paska, konai Jeso kole kagoit sainnyi ne wendi eng' ng'wony kwo ole mi Kwanda, ko kagocham chechiik che mi ng'wony, kocham anyun agoi peetuutap let.

JOHANA 13:11

Amu ki ingen ne kimachei kong'wekta ineendet; ki mwa amu nooto kole, “Ma ouunootin tugul.”

JOHANA 18:5

Kowolji koleenji, “Jeso ne po Nazareth.” Koleenji Jeso, “Aa ineendet.” Ak ki tononi kobooto icheek Judas agine, ne king'wektoi ineendet.

JOHANA 18:7

Ki teebe anyun icheek kogeny, kole, “Ocheeng'e ng'oo?” Ak kole, “Jeso ne po Nazareth.”

JOHANA 19:28

Kingo pata chooto, ko kagonai Jeso kole kagogeskei tuguuk tugul, si kobiit kosulda siruutyet, komwa kole, “Ama melel.”

JOHANA 6:64

Ago miitei alak eng' okweek che ma iyani.” Amu ki nai Jeso kobooch taunet icheeget che ma iyani, ak ineendet ne kimachei kong'wekta ineendet.

POISYONIGAP CHE KIYOKTOI 2:28

Ki igoono anai ortinwegap saboondo; inyiitwa poiboiyet eng' taing'ung'.’

1 PETERO 4:1

Nooto anyun ko uu ye kinyalil Kristo eng' poorto, ogermenge anyun eng' kabwaatonooto; amu ki kityaach eng' tengekto ineendet ne kinyalil eng' poorto;