JOHANA 13:14 - BUKUIT NE TILIIL Sireet ne Dutero Kanon

¹⁴ Ngo anee anyun ne aa Kiptaiyat ak Kaneetindet, ne kaun keelyekwok, ko kanyoljok ak okweek ounjige keelyek.

Bukuit Ne Tilil

¹⁴ Ngo anee anyun ne aa Kiptaiyat ak Kaneetindet, ne kaun keelyekwok, ko kanyoljok ak okweek ounjige keelyek.

BUKUIT NE TILIL

¹⁴ Ngo ane anyun ne a Kiptaiyat ak Konetindet, ne kaun kelyekwok, ko kanyoljok ak okwek ounjige kelyek.

JOHANA 13:14 Iomraidhean Croise

JOHANA 11:2

Ak ki Maria niito ne ki iil Kiptaiyat eng' mwaita, ak kouuse keelyekyik suumeekyik, ne ki tinyei ng'eetap kamet, Lazaro, ne kimyan.

POISYONIGAP CHE KIYOKTOI 20:35

Ki agoonok kaboorunet eng' tuguuk tugul, ale ye oboisyei ko nyolu otoret che ma tinyei kimnateet, ak obwaati ng'aleegap Kiptaiyat Jeso, ko uu ye ki mwa ineendet kole ‘Tinyei poiboiyet kagoitoet kosiir taaget.’ ”

ROMANIK 12:10

Ochamyee eng' chamyet ne uu ne po tupchosyek; ingoiit chiito age chiito age kosiir ineendet eng' teegisto;

ROMANIK 12:16

Oegu che tinyei kabwaatet agenge okweegei eng' okweegei. Among'asyige tuguuk che torooreen, ago onamge ak che iming'inegei. Moiityige ole oo ng'oomen eng' loseng'wong' pogei.

1 KORINTOEK 12:3

Nooto anyun agoonok oguiye ole, ma mi chii ne ng'alaali eng' Kabuusetap Kamuktaindet ne mwaei kole, “Jeso ko chuboot!” ama mi chii ne imuuchi komwa kole, “Jeso ko Kiptaiyat,” kobatee eng' Kabuuset ne Tiliil.

1 KORINTOEK 8:13

Nooto anyun, ngot konachi amitwogik ne kitupche, koma aame panyeek agoi, si ma nach ne kitupche.

2 KORINTOEK 10:1

Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

2 KORINTOEK 8:9

Amu ongen myeeindap Kiptaiyandennyo Jeso Kristo ole, agot nganda ki mogoryo, ko ki ek kibanania agobo okweek, si kobiit oegu mogoreek eng' panandanyi.

GALATYEK 5:13

Amu okweek che kitupche, ko ki kiguurchok katyaget; ago moboisyee katyageng'wong' koek poroindo ne po poorto, ago oboisyechigei okweegei eng' okweegei eng' chamyet.

PILIPIK 2:11

si kong'aany ng'elyepta age tugul kole Jeso Kristo ko Kiptaiyat, agoi toroornatetap Kamuktaindet Kwanda.

1 TIMOTEO 5:10

ne kimwaitae ineendet poisyonik che myach; ngo kigo pai lagok, ngo ki kotaach toek, ngo kigoun keelyegap che tiliileen, ngo ki kotoret che nyalildos, ngo kigogiilgei eng' poisyet age tugul ne myee.

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

1 PETERO 4:1

Nooto anyun ko uu ye kinyalil Kristo eng' poorto, ogermenge anyun eng' kabwaatonooto; amu ki kityaach eng' tengekto ineendet ne kinyalil eng' poorto;

1 PETERO 5:5

Ko uu nooto ak okweek che oo mengeechen, ogas iit poisyek. Ee, ogermenge okweek tugul eng' kaming'inetapkei si kobiit oboisyechigei okweegei eng' okweegei: amu kirindoi Kamuktaindet menotik, ak kogoochin myeeindo che iming'inegei.