JOHANA 11:27 - BUKUIT NE TILIIL Sireet ne Dutero Kanon

²⁷ Koleenji, “Wee Kiptaiyat; kaayan ale ii Kristo, Weeriitap Kamuktaindet, ne nyoonei ng'wony.”

Bukuit Ne Tilil

²⁷ Koleenji, “Wee Kiptaiyat; kaayan ale ii Kristo, Weeriitap Kamuktaindet, ne nyoonei ng'wony.”

BUKUIT NE TILIL

²⁷ Kolenji, We, Kiptaiyandani; kaayan ale i Kristo, Weritab Jehovah, ne nyonei ng’ony.

JOHANA 11:27 Iomraidhean Croise

MALAKI 3:1

Ogeero, ayoogu chiinyu, kayooktoin si kochop ooreet eng' tainnyu. Ak nyoonei matiny hekalunnyi `Kiptaiyat ne ocheeng'e. Nyoonei kayooktoin ne po arorutyet ne oboiboitune, mwaei Kamuktaindet ne Toroor ne po lugoosyek.

MATAYO 11:3

ak koteebe ineendet kole, “Tos ii ineendet ne nyoonei, anan kiganye age?”

MATAYO 16:16

Ki wol Simion Petero kole, “Ii Kristo, weeriitap Kamuktaindet ne sabei.”

MATAYO 16:20

Ki ng'at kasubik kole amat komwachi chii kole ineendet ko Kristo.

LUKA 2:11

amu kagisikwok Yetindet rani, eng' nganaseet ne po Daudi, nooto Kristo Kiptaiyat.

JOHANA 1:49

Kowolji Nathanael kole, “Rabbi, ii Weeriitap Kamuktaindet; ii Laitoryatap Israel!”

JOHANA 4:42

ak ki leenji kobogoryot, “Kiyani nguno, ma amu ng'alaaleng'ung': amu kagegasyige; ak kingen iman keele niito ko Yetindetap ng'wony.”

JOHANA 6:14

Ye kingo keer anyun pichooto kaboorunet ne kayai, kole, “Ni maotyot iman ne nyoonjin ng'wony.”

JOHANA 6:69

Ak ki kiyan ak kingen keele ii Ne Tiliil ne po Kamuktaindet.”

POISYONIGAP CHE KIYOKTOI 8:36

Ye kingo ta kobendi eng' ooreet, koit ye mi peek, kole chiichooto, “Keer peek o; nee ne kera si ma kibatisana?”

POISYONIGAP CHE KIYOKTOI 8:37

Ak ki le Philipu, “Ngiyan eng' muguleldang'ung' tugul, kimuuchi kibatisanin.” Ak ki wol kole, “Ayani ale Jeso Kristo ko Weeriitap Kamuktaindet.”

1 JOHANA 5:1

Age tugul ne iyani kole Jeso ko Kristo kogigesich eng' Kamuktaindet: ak age tugul ne chamei ineendet ne kisichei, kochamei agine ineendet ne ki kisichei eng' ineendet.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.