JOHANA 11:19 - BUKUIT NE TILIIL Sireet ne Dutero Kanon

¹⁹ ak kigabwonji che chaang' che po Yahudik Marta ak Maria si kogaigai icheek agobo ng'eetap kamet.

Bukuit Ne Tilil

¹⁹ ak kigabwonji che chaang' che po Yahudik Marta ak Maria si kogaigai icheek agobo ng'eetap kamet.

BUKUIT NE TILIL

¹⁹ ak kigabwanji che chang’ che bo Yahudik Marta ak Maria si kogaigai ichek agobo ng’etab kamet.

JOHANA 11:19 Iomraidhean Croise

TAUNET 37:35

Ki ng'eetyo weeriikyik tugul ak tiibiikyik tugul kole kogaigai ineendet, ago kiesyo ineendet kigaigai, ak ki le, “Eng' nooto anyun, ariirchini weeriinnyu agoi ait ye mi che ki kobek.” Ki riirchi anyun kwandanyi ineendet.

2 SAMUEL 10:2

Ki le anyun `Daudi, “Ayachini ne myee Hanun weeriitap Nahas, ko uu ye ki yaiywo ne myee kwandanyi.” Ara anyun ki iyookto `Daudi piik koba kogaigai ineendet amu kwandanyi. Ago kingo it otwogigap Daudi emetap lagogap Ammon,

1 ATEPTAP PEETUUSYEK 10:12

kong'eetyo piik tugul che nyigoonen, ak koba koip poortap Saulo ak che po weeriikyik, ak koip kobwa Jabes. Kitup kawekwak eng' keetit keel eng' Jabes, ak korugutkei peetuusyek tisap.

Kitabuutap JOB 2:11

Kingo kas anyun choronok somogu che po Job, agobo yaityoni tugul ki nyoonji ineendet, konyo age tugul kobunu oldanyi. Ki icheeget ko ki: Eliphas Temanindet, Bildad Suindet ak Zophar Naamatindet. Ki iyomiskei tugul kobwa koriirchi Job ak kogaigai ineendet.

Kitabuutap JOB 42:11

Kobwa weeriik tugul che tupcho, chepkametwagik tugul ak piik tugul che ki ingengei ak koamisye koonnyi kobooto ineendet. Ki riirchi ak kogaigai ineendet agobo yaityet tugul ne ki ipchi `Kamuktaindet ne Toroor ineendet. Ki igoochi chii age tugul fedhaiyat ak kogoochi chii age tugul peteitap thahabu.

AMDOINDET 7:2

Kaigai keba koot ne kiteiye, kosiir keba koot ne mi igoorta. Amu nooto kagesunetap piik tugul, ak konori nooto eng' muguleldanyi chiito ne sabei.

ISAIAH 51:19

Kagobutyin tuguuchuuto aeng'u; ng'oo anyun ne riirchinin? Kubernateet ak ng'emisyet, ak rubeet kobooto rotwetap chok; agoigoitoin ano anyun?

RIREKAB JEREMIA 1:16

Ariire anyun agobo tuguuchuuto; saitoi peegap kong' eng' konyekyuk; amu loo eng' anee kagaigaindet ne kata isoobi saboondanyu. Ki koek lagokyuk kibananook, amu ki koterteeris puunyoot.

RIREKAB JEREMIA 1:2

Riirei miising' kemoi, ak korang'ugei peegap kong' eng' matang'wekyik. Ma mi agot agenge ne igoigoi ineendet eng' chamanikyik tugul. Ki koberber choronokyik tugul ineendet, ki koek puunikyik.

RIREKAB JEREMIA 1:21

Ki kogas icheek ole atigendoi; ma mi chii ne igoigoa. Ki kogas puunikyuk tugul agobo nyalildanyu; poiboi icheek amu ki iyai ko uu nooto. Tuun iibu peetuut ne ki imwaite, si kegergeitu ak icheek.

RIREKAB JEREMIA 1:9

Ki mi simdanyi ngoroikyik; ma ibwaat kagesunennyi ne po let. Katururgei anyun eng' kwong'eet; ma tinyei kagaigaindet: Ee Kamuktaindet ne Toroor, keero nyalildanyu; amu kogotoroorgei puunyoot.

RIREKAB JEREMIA 2:13

Abaoryanun aleen nee? Aragenen nee, ee cheptap Jerusalem? Aaechindosin ak nee, si kobiit agaigain, ee pergeiyat cheptap Zion? Amu oo ko uu nyanjet ole ki putok eng' inyee; ng'oo ne imuuchi konyain?

LUKA 10:39

Ak ki tinyei chepkamet ne kiguure Maria, ne kitebyei eng' ole po keelyegap Kiptaiyat, kogasei ng'olyoondennyi.

LUKA 10:42

ago kiit agenge ne kemachei: amu kagolewen Maria kebeberta ne myee, ne ma kirebe.”

JOHANA 1:19

Ak ni ko paornateetap Johana, ye kingo yook `Yahudik Tisiik ak Lawiik eng' Jerusalem koba koteebe kole, “Ii ng'oo inyee?”

JOHANA 11:1

Ak kimyan chiito age ne kiguure Lazaro, ne po Bethania, ne po nganaseetap Maria ak chepkamet Marta.

JOHANA 11:31

Ki isup anyun Yahudik chebooto, icheeget che ki mi kobooto ineendet eng' ko kogoigoi, ye kingo keer kong'eet Maria, ak kochaakta komanda saang', koleen wendi kererit koriirei eng' olooto.

JOHANA 11:33

Ye kingo keer Jeso anyun ineendet koriirei, ak koriirtos ak icheek Yahudik che kigabwa kobooto ineendet, kogas king'wan eng' muguleldo, koaragen,

JOHANA 11:36

Kole anyun Yahudik, “Ogeer anyuno ole ki chamdoi ineendet!”

JOHANA 11:45

Ki iyan anyun ineendet che chaang' che po Yahudik che kigabwa ole mi Maria, ak kogeer tuguuk che kayai Jeso.

JOHANA 11:8

Koleenji kasubik, “Rabbi, kocheeng'ei Yahudik kolachin eng' koik; ak iwendi oliindo kogeny?”

ROMANIK 12:15

Oboiboitu kobooto che poiboi; oriirye kobooto che riirtos.

2 KORINTOEK 1:4

ne igoigoech eng' pichiindanyo tugul, si kimuuch kigaigai icheeget che mi pichiin age tugul, eng' kagaigaet ne igoigoenech Kamuktaindet.

1 THESSALONIKEK 4:18

Nooto anyun ogaigaigei okweegei eng' ng'aleechuuto.

1 THESSALONIKEK 5:11

Nooto anyun ogaigaige okweegei eng' okweegei, oteechkei okweegei eng' okweegei, agot ko uu ye oyae ak okweek.

1 SAMUEL 31:13

Yeityo koip kawekwak ak kotupchi keetit keel eng' Jabes, ak korugutkei peetuusyek tisap.