JOHANA 10:3 - BUKUIT NE TILIIL Sireet ne Dutero Kanon

³ Yaatyin ineendet riibindetap kurgeet; ak kasei keechiirek kutinnyi: ak kuurei keechiirekyik eng' kainaikwak, ak kondoe icheek.

Bukuit Ne Tilil

³ Yaatyin ineendet riibindetap kurgeet; ak kasei keechiirek kutinnyi: ak kuurei keechiirekyik eng' kainaikwak, ak kondoe icheek.

BUKUIT NE TILIL

³ Yatyin inendet ribindetab kurget; ak kasei kechirek kutinnyi: ak kuurei kechirekyik eng’ kainaikwak, ak kondoe ichek.

JOHANA 10:3 Iomraidhean Croise

TIENWOGIKAL 80:1

Ep iit, ee Mestowotap Israel, Inyee ne indochini Joseph ko uu akweetap keechiirek; Iluu, inyee ne itebee kerubisyek.

KOMONG'U 33:17

Ki leenji `Kamuktaindet ne Toroor Musa, “Ayae anee ng'olyoondoni kesoom. Amu kenyooru chameet eng' tainnyu ak angen kaineng'ung'.”

KALEWANAIK 27:23

Igiilgei si inai ole teptoi akwotisyegap keechiireguk, riip komyee akwotisyegap tuguuk.

TYENDO NE SIIREI TUGUL 8:13

Inyee ne imenye mbareenik, epchin iit choronok kuting'ung'; koono agas kutinooto.

ISAIAH 40:11

Paei keechiirekyik ko uu mestowot, iyumi eunnyi aaregap keechiir, ak komute tegeennyi, ak kondochi mutyo che aboen.

ISAIAH 42:16

Ak amutune kipkoratinik ooreet ne ma naei; andochini eng' ortinwek che ma naei: awale mesundeito koek lapkeiyet eng' tainnywa, ak alitit komoswek che kunuuren. Ayae tuguuchuuto, amabagaaktoi.

JOHANA 10:14

Aa mestowot ne myee. Angen chechuuk ak kongeno chechuuk,

JOHANA 10:16

Ak atinye keechiirek alak, che ma po piuni: kanyool aget chooto ak icheek, si kogas kutinnyu: ak koek akweet agenge, ak mestowot agenge.

JOHANA 10:4

Ak ye kagomaanda ineendet chechiget tugul koba saang', kondoe, ak koosup keechiirek ineendet: amu ingen kutinnyi.

JOHANA 10:9

Aa kurgeet: ngwo chii age tugul ko ne puna anee, kesaru, ak kwo ko, ak komanda saang', ak konyoor ole kiyage.

JOHANA 6:37

Pwonjino tugul che koono Kwanda; ak ineendet ne nyoonjino koma oone matiny.

JOHANA 6:45

Ki kisir eng' maotik, ak kineeti tugul eng' Kamuktaindet. Age tugul ne kagogas eng' Kwanda, ak kagonetkei, konyonjino.

ROMANIK 8:30

ak icheeget che kisip kolewen, koguur chooto; ak chooto che kiguur, ko ki ityi imanda: ak chooto che kiityi imanda, ko ki itoroor.

1 KORINTOEK 16:9

amu kogiyatwa kurgeet ne oo ne nyoljin poisyonik, ak mi puunik che chaang'.

PILIPIK 4:3

Ee, asoomin aginye, kiboityot ne po iman kobooto, ale toret kobogoryosyechu, amu ki kiboisyei tugul eng' logoiywek che myach, kobooto Klement agine, ak chuun alak che ki kiboitiinik tugul, che mi kainaikwak bukuitap saboondo.

KOLOSAIK 4:3

osaiywech ak acheek, si koyatwech Kamuktaindet kurgeet ne po ng'olyoot, kemwa ung'ootyetap Kristo; ki kirata agobo nooto;

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

1 JOHANA 4:6

Kiboo Kamuktaindet `acheek. Ineendet ne ingen Kamuktaindet kogaseech; ineendet ne ma po Kamuktaindet koma kaseech. Kingen eng' niito muguleldap imanit, ak muguleldap keniisyet.

3 JOHANA 1:14

ago amang'u ageerin ko neegit, ak keng'alaal togoch eng' togoch.

NG'ANG'UTYET 20:15

Ak ngot kenyoor chii age tugul ne ki ma kisirchi bukuitap saboondo, kewiirchin araraitap maat.

NG'ANG'UTYET 3:20

Keero, atononi eng' kurgeet ak agongonyi; ngo kas chii kutinnyu ak koyaat kurgeet, awendi ole mi ineendet ak aamisye kobooto ineendet, ak koamis ineendet kobooto.

NG'ANG'UTYET 7:17

amu egu Mestowonnywa Aarwet ne mi kwenutap ng'echereetap laitornatet, ak kondochin icheek koba kong'igap peek che saptos. Ak kouus Kamuktaindet peegap kong' alak tugul eng' konyekwak.”