JOHANA 10:27 - BUKUIT NE TILIIL Sireet ne Dutero Kanon

²⁷ Kasei kutinnyu keechiirekyuk, ak angen icheek, ak kosuba.

Bukuit Ne Tilil

²⁷ Kasei kutinnyu keechiirekyuk, ak angen icheek, ak kosuba.

BUKUIT NE TILIL

²⁷ Kasei kutinnyu kechirekyuk, ak angen ichek, ak kosuba:

JOHANA 10:27 Iomraidhean Croise

1 LAITORINIK 18:21

Ki nyo Elijah koriikyi piik tugul ak koleenji, “Otebee kabwaatutik aeng' kot kotyanit? Ngot ko Kamuktaindet ne Toroor ko Kamuktaindet, osup ineendet; ago ngot ko Baal, osup anyun ineendet.” Ak ma wolji `piik ineendet ng'olyoo.

ISAIAH 66:22

Amu ko uu ye tebee tainnyu kipsengwet che leelach ak ng'wonyut ne leel, che ta ayae, ko uu nooto tebyei iyoteng'wong' ak kaineng'wong' eng' tainnyu, mwaei Kamuktaindet ne Toroor.

MATAYO 16:24

Kingo pata koleenji Jeso kasubikyik, “Ngo machei chii kosubwo, ko nyolu koeesyogei, ak kosut koip kimurtoiyondennyi, ak kosubwo.

MATAYO 17:5

Kingo ta kong'alaali, ogeero, kouur icheek pooldet ne iluu: ak ogeero, ki mang'une kutit pooldet, kole, “Ni ko Weeriinnyu, chamanennyu, ineendet ne agasegei miising'; ogas okweek ineendet.”

MATAYO 25:12

Ago ki wol kole, ‘Amwaiwok iman ale, mangenok.’ ”

MATAYO 7:23

Ak amwachi anyun icheek eng' yooto kotook aleenji, “Mangenok kobooch agoi; oistoenage okweek che oyae yaityo.”

MARIKO 10:21

Ki keer anyun `Jeso ineendet ak kocham, ak koleenji, “Ta ko rartaat kiit agenge eng' inyee; ui, ialde tuguuk tugul che itinye, ak igoochi kibananook, si inyooru mogornateet eng' kipsengwet: ak inyoo isubwo.”

MARIKO 8:34

Ki kuur anyun tuiyet kobooto kasubikyik ak koleenji icheek, “Ngo machei chii age tugul kosubwo, koeesyogei ak kosut kimurtoiyondennyi ak kosubwo.

LUKA 13:27

Ak tuun mwaei kole, “Mangen ole obunu; oba eng' anee, okweek tugul yaigap tengek!”

LUKA 9:23

Ki mwachi tugul koleenji, “Ngo machei chii age tugul kosubwo, ko ingoeesyogei, ak koip kimurtoiyondennyi peetuut age tugul, ak kosubwo.

JOHANA 10:14

Aa mestowot ne myee. Angen chechuuk ak kongeno chechuuk,

JOHANA 10:16

Ak atinye keechiirek alak, che ma po piuni: kanyool aget chooto ak icheek, si kogas kutinnyu: ak koek akweet agenge, ak mestowot agenge.

JOHANA 10:8

Choriik ak ko rebiik tugul che ki indounena: ago ma kas keechiirek icheek.

JOHANA 12:26

Ngo poisyeiwo chii age tugul, ko nyolu kosubota; ak si ole ami, komi olooto agine kiboityondennyu: ngo poisyeiwo chii, koteechei ineendet Kwanda.

JOHANA 21:22

Koleenji Jeso, Ngot amach kotebi agoi tuun anyo, image nee? Isubwo inyee.

JOHANA 5:25

Amwaiwok, iman, iman, ale, Nyoonei sait, ak kagoit, ye kas che ki kobek kutitap Weeriitap Kamuktaindet; ak saptos icheeget che kasei.

JOHANA 8:12

Ki mwachi Jeso anyun icheek kogeny, koleenji, “Aa lapkeiyet ne po ng'wony: ineendet ne isuba ko ma wendoti eng' mesundeito, ago nyooru lapkeiyetap saboondo.”

JOHANA 8:43

Amu nee si monai chooto amwae? Amu momuuchi ogas ng'olyoondennyu.

POISYONIGAP CHE KIYOKTOI 3:23

Ak tuun king'emei kiwong'u eng' kwenutap piik, chiito age tugul ne magase it maotiondonooto.

1 KORINTOEK 8:3

ago ngo chamei chii age tugul Kamuktaindet, konaat chiichooto eng' ineendet.

GALATYEK 4:9

ago nguno ko kaonai Kamuktaindet, anan ko kagonaak okweek Kamuktaindet, amu nee anyun si oweektegei let kogeny oweekyigei kaneetisyosyek che po tai che nyalulyotin ak che po pananda, eng' chooto omache oweekyigei otwogindennywa kogeny?

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

HEBRANIK 3:7

Nooto anyun, ko uu ye mwaei Kabuuset ne Tiliil kole, Ngot ogas kutinnyi rani,

NG'ANG'UTYET 14:4

Chuuto ko icheeget che ma imurwongei eng' kobogorisyek; amu pergeinik icheeget. Chuuto ko icheeget che isubi Aarwet eng' oldo tugul ole wendi. Ki kial chuuto eng' kwenutap piik, koek tongoanik eng' Kamuktaindet ak eng' Aarwet.

NG'ANG'UTYET 3:20

Keero, atononi eng' kurgeet ak agongonyi; ngo kas chii kutinnyu ak koyaat kurgeet, awendi ole mi ineendet ak aamisye kobooto ineendet, ak koamis ineendet kobooto.