JOHANA 1:34 - BUKUIT NE TILIIL Sireet ne Dutero Kanon

³⁴ Ak ki ageer, ak ki abaoryan ale niito ko Weeriitap Kamuktaindet.”

Bukuit Ne Tilil

³⁴ Ak ki ageer, ak ki abaoryan ale niito ko Weeriitap Kamuktaindet.”

BUKUIT NE TILIL

³⁴ Ak kiageer, ak kiabaorian ale nito ko Weritab Jehovah.

JOHANA 1:34 Iomraidhean Croise

TIENWOGIKAL 2:7

Abartoi ng'atuutyetap Kamuktaindet. Ki leenjo Kamuktaindet ne Toroor, “Ii weeriinnyu; kaasichin rani.

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

MATAYO 16:16

Ki wol Simion Petero kole, “Ii Kristo, weeriitap Kamuktaindet ne sabei.”

MATAYO 17:5

Kingo ta kong'alaali, ogeero, kouur icheek pooldet ne iluu: ak ogeero, ki mang'une kutit pooldet, kole, “Ni ko Weeriinnyu, chamanennyu, ineendet ne agasegei miising'; ogas okweek ineendet.”

MATAYO 26:63

Ago ki siis Jeso. Ki leenji tisiindet ne oo, “Ayosyeun eng' Kamuktaindet ne sabei ale, mwaiwech ngo ii Kristo, Weeriitap Kamuktaindet.”

MATAYO 27:40

koleen, “Inyee ne ing'eme Hekaluut ak iteech eng' peetuusyek somok, sarugei! Ngo ii Weeriitap Kamuktaindet, ichoorugei eng' kimurtoiyot.”

MATAYO 27:43

Imang'u Kamuktaindet; ingosar ineendet nguno ngot komachei amu ki le, ‘Aa Weeriitap Kamuktaindet.’ ”

MATAYO 27:54

Ye kingo keer chemogetap kiplugotinik pogol ak icheeget che ki mi kobooto ineendet koriibei Jeso potaneetap ng'wony, ak tuguuk che kayaagiis, koywei miising' ak kole, “Iman Weeriitap Kamuktaindet chiichi.”

MATAYO 3:17

Ak ki mang'une tuugeet kipsengwet, kole, “Ni ko Weeriinnyu, chamanennyu, agasegei ineendet.”

MATAYO 4:3

Ak ki nyo yoomindet ak koleenji, “Ngo ii Weeriitap Kamuktaindet, ing'at koichu koek magatiinik.”

MATAYO 4:6

ak koleenji, “Ngo ii Weeriitap Kamuktaindet, iwiirchigei ng'wony; amu siraat kole, ‘Iyogu malaikaisyekyik agobo inyee: Ak kotaachin eng' eunekwak, si ma rus koita keeldong'ung'.’ ”

MATAYO 8:29

Ak ogeero, kiwaach, kole, “Kiting'egei nee ak inyee, Weeriitap Kamuktaindet? Kenyo yu inyalilech kotom koit peetuut?”

MARIKO 1:1

Taunetap logoiywek che myach che po Jeso Kristo, Weeriitap Kamuktaindet.

MARIKO 1:11

Ak ki mong' tuugeet eng' kipsengwet kole, “Ii Weeriinnyu chamanennyu, agasenengei.”

LUKA 1:35

Ak ki wolji malaikaiyat koleenji, “Nyonjinin Kabuuset ne Tiliil ak kouurin kamuktaetap Ineendet Ne Toroor Miising'; nooto anyun kiguure ne tiliil, Weeriitap Kamuktaindet, ineendet ne tuun kisichei.

LUKA 3:22

ak kochoorchigei ineendet Kabuuset ne Tiliil, eng' kergeindap cheptuget, ak komang'une kutit kipsengwet kole, “Inyeendet ko ii Weeriinnyu chamanennyu; agasenengei.”

JOHANA 1:18

Ma mi chii ne ki keer Kamuktaindet ole kigoi; kigong'ang'wech Kamuktaindet Weeriit ne ki kisich ineegei, ne mi tegetap Kwanda.

JOHANA 1:49

Kowolji Nathanael kole, “Rabbi, ii Weeriitap Kamuktaindet; ii Laitoryatap Israel!”

JOHANA 10:30

Anee ak Kwanda, ko ki agenge.”

JOHANA 10:36

tos omwae agobo ineendet, ne kiitabaan Kwanda ak koyookto kwo ng'wony, oleenjini, ichotisyei; amu ki ale, ‘Aa Weeriitap Kamuktaindet?’

JOHANA 11:27

Koleenji, “Wee Kiptaiyat; kaayan ale ii Kristo, Weeriitap Kamuktaindet, ne nyoonei ng'wony.”

JOHANA 19:7

Kowolji Yahudik koleenji, “Ki tinyei ng'atuutyet, ak kanyool kome amu ng'atuutyonooto, amu ki yaigei koek Weeriitap Kamuktaindet.”

JOHANA 20:28

Kowolji Thomas koleenji, “Kiptaiyandennyu ak ko Kamuktaindet nenyu!”

JOHANA 20:31

ago ki kisir chu, si kobiit oyan ole Jeso ko Kristo, Weeriitap Kamuktaindet; ak si kobiit ye oyani onyooru saboondo eng' kainennyi.

JOHANA 6:69

Ak ki kiyan ak kingen keele ii Ne Tiliil ne po Kamuktaindet.”

ROMANIK 1:4

ne ki kimwaita keele Weeriitap Kamuktaindet eng' kimnateet, ko uu Kabuuset ne po tiliilindo, eng' ng'eetyeetap che ki pek; Jeso Kristo Kiptaiyandennyo,

2 KORINTOEK 1:19

Amu Weeriitap Kamuktaindet, Jeso Kristo, ne ki kiamde eng' kwenung'wong', anee ak Silvano ak Timoteo, ne ki ma ko “ee” ak “achicha”, ago eng' ineendet ko “wei” kipchulyo.

HEBRANIK 7:3

ne ma tinyei kwanda, ama tinyei kamet, ama tinyei ooreenywa, ama tinyei taunetap peetuusyek anan kagesunetap saboondo, ago ki kiyai kogergeit ak Weeriitap Kamuktaindet, tebyei ko tisiindet koigeny.

1 JOHANA 2:23

Age tugul ne eesyoi Weeriit, koma tinyei nooto Kwanda: ineendet ne ng'aanyei Weeriit kotinyei Kwanda agine.

1 JOHANA 3:8

ineendet ne yaei tengek ko po chesawil; amu ki yai chesawilyet tengek kobooch taunet. Kigeng'aany Weeriitap Kamuktaindet amu nooto, si kobiit kong'em poisyonigap chesawilyet.

1 JOHANA 4:9

Kigeng'aany eng' niito chamyetap Kamuktaindet eng' acheek, keele ki koyook `Kamuktaindet Weeriinnyi ne ki kisich ineegei konyo ng'wony, si kobiit kesapchee eng' ineendet.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

2 JOHANA 1:9

Chii age tugul ne indoi ama tebyei eng' kaneetisyetap Kristo koma tinyei Kamuktaindet; ago ineendet ne tebyei eng' kaneetisyet kotinyei tuwai, Kwanda ak Weeriit.

NG'ANG'UTYET 2:18

“Ak isirchi malaikaiyatap kaniset ne mi Thyatira, ileenji: “Mwaei tuguuchu Weeriitap Kamuktaindet, ne tinyei koonyek che uu liplibenetap maat, ak ko uu keelyekyik sugunwet ne sitaat.