JOHANA 1:33 - BUKUIT NE TILIIL Sireet ne Dutero Kanon

³³ Ak ki ma angen ineendet: ago ineendet ne ki iyookwo abatisane peek, ko ineendet ne kimwaiwo koleenjo, ‘Chiichooto igeere kochorchingei Kabuuset ne Tiliil, ak koteebee ineendet, ko nooto ne ibatisane Kabuuset ne Tiliil.’

Bukuit Ne Tilil

³³ Ak ki ma angen ineendet: ago ineendet ne ki iyookwo abatisane peek, ko ineendet ne kimwaiwo koleenjo, ‘Chiichooto igeere kochorchingei Kabuuset ne Tiliil, ak koteebee ineendet, ko nooto ne ibatisane Kabuuset ne Tiliil.’

BUKUIT NE TILIL

³³ Ak kima angen inendet: ago inendet ne kiiyokwa abatisane beek, ko inendet ne kimwawa kolenja, Chichoto igeere kochorjingei Tamirmiriet, ak kotebe inendet, ko noto ne ibatisane Tamirmiriet ne Tilil.

JOHANA 1:33 Iomraidhean Croise

MATAYO 3:11

Abatisanook eng' peek agobo siguunet; ineendet ne isubwo ko tinyei kimnateet kosiiro, ma nyolu aipchinot kweonikyik. Ibatisanook ineendet eng' Kabuuset ne Tiliil ak maat.

LUKA 3:16

kowolji Johana icheek tugul koleenji, “Abatisanook eng' peek iman; ago nyoonei ineendet ne kiim kosiiro, ne ma nyoljino atyach anoogap kweonikyik. Ibatisanook ineendet eng' Kabuuset ne Tiliil ak maat.

JOHANA 1:31

Ak ki ma angen anee ineendet; ago si kobiit kibarta ineendet eng' Israel, ki anyoo anyun amu nooto abatisane peek.”

JOHANA 14:26

Ago ineetook tuguuk tugul Kagaigaindet, Kabuuset ne Tiliil, ne iyoogu Kwanda eng' kainennyu, ak kobwaatwok tugul che kaamwaiwok.

JOHANA 3:34

Amu ng'alaali ng'aleegap Kamuktaindet ineendet ne ki iyoogu Kamuktaindet; amu ma koonu ineendet Kabuuset ne Tiliil eng' karagendoet.

JOHANA 3:5

Kowolji Jeso koleenji, “Amwaun, iman, iman ale, ngot koma ki sich chii eng' peek ak Kabuuset ne Tiliil, koma koi imuuch komong'ji laitornatetap Kamuktaindet.

JOHANA 7:39

Ago ki mwaei niito agobo Kabuuset ne Tiliil, ne tuun taachei icheek che iyani ineendet: amu ki tom kegon Kabuuset ne Tiliil; amu kitom kitoroor Jeso.”

POISYONIGAP CHE KIYOKTOI 1:5

Ki ibatisanis Johana iman eng' peek; ago kotom kogeskei peetuusyek che chaang' kibatisanook eng' Kabuuset ne Tiliil.”

POISYONIGAP CHE KIYOKTOI 2:4

Ki nyi icheek tugul Kabuuset ne Tiliil ak ki toi kong'alaale kutusweek alak, ko uu ye ki igoochi Kabuuset ne Tiliil icheek kamuget kong'alaal.

1 KORINTOEK 12:13

Amu eng' Kabuuset ne Tiliil agenge ko ki kibatisanech acheek tugul keegu poorto agenge, ngo Yahudik anan Yunanik, ngo ratotiin, anan kotyagotin, ak ki kigoonech acheek tugul kee eng' Kabuuset ne Tiliil agenge.