JOHANA 1:29 - BUKUIT NE TILIIL Sireet ne Dutero Kanon

²⁹ Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!

Bukuit Ne Tilil

²⁹ Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!

BUKUIT NE TILIL

²⁹ Eng’ betut ne bo aeng’ kogeer Johana Jesu konyonjin, ak kole, Ogeero, Aruet ne bo Jehovah, ne ibei tengektab ng’ony!

JOHANA 1:29 Iomraidhean Croise

KOMONG'U 28:38

Tebee togeetap Aron ak koibot Aron tengektap tuguuk che tiliileen, che itabaani piigap Israel eng' kagoochinoikwak tugul che tiliileen. Ak kotebee nooto togeetap Aron kotugul si kobiit kochamogis eng' taitap Kamuktaindet ne Toroor.

ISAIAH 53:10

Ago ki cham Kamuktaindet ne Toroor koguoten ineendet; ki igoochi arageneet; ye tuun iyai saboondanyi koek kagoochinet agobo tengekto, tuun keerei iyotennyi, tuun tesei peetuusyekyik, ak kotesak chametap Kamuktaindet ne Toroor eng' eunnyi.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

ISAIAH 53:7

Ki kinyalil, ago ki iming'ingei, ma twek; ki igei ineendet aarwetap keechiir ne ki kweryei kwo ole kieng'e, ko uu keechiiryet ne siisei eng' taitap piik che tilei koroorikyik; ee, ma twek.

HOSEA 14:2

Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.

ATEPTAP LAWIK 10:17

“Amu nee si moam kagoochinetap tengekto eng' ole-tiliil? Amu tiliil miising' kot; kagogoonok ineendet nooto koip tengektap tuiyet, si koyai kagaigaet agobo icheek eng' taitap Kamuktaindet ne Toroor.

SEKARIA 13:1

Tuun kiyaatyin kootap Daudi ak piik che menyei Jerusalem, kondametutap peek eng' peetuunooto, amu tengekto ak murwoonindo.

KAITOSYEK 18:1

Ki leenji `Kamuktaindet ne Toroor Aron, “Oibe tengektap ole-tiliil, inyee ak weeriiguk ak kootap kwanisyeguk. Oibe okweegei tengektap tiseinateng'wong', inyee ak weeriiguk.

KAITOSYEK 18:23

Ago yaei Lawiik poisyetap emait ne kituiyechin, ak koip tengektonywa. Egu niito ng'atuutyet ne po koigeny eng' ibinwekwok tugul. Ago ma nyooru poroteet icheek eng' piigap Israel.

KAITOSYEK 21:9

Ki itaany anyun `Musa ereneet ne po sugunwet ak ki inde keetit ak kootonon. Ngo sus ereneet chii age tugul, ak konyal erenanooto po sugunwet, kosap.

KAITOSYEK 7:27

kirgit agenge ne neran, mengit, ak mengit agenge ne ma siirei kenyiit agenge, kobunji kagoochinet ne kibeelei;

KAITOSYEK 7:39

kirgit agenge ne neran, mengit agenge ak mengit agenge ne ma siirei kenyiit agenge kobunji kagoochinet ne kibeelei;

MATAYO 1:21

Tuun sichei ineendet weeriit ak iguure kainennyi Jeso, amu ineendet ne tuun saru piikyik eng' tengekwogikwak.”

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

JOHANA 1:35

Kogeny eng' peetuut ne ki isubu peetuunooto, ko kitononi Johana, ak aeng' che po kasubikyik;

JOHANA 1:36

ak ki keerot `ineendet Jeso kowendoti, ak kole, “Ogeero, Aarwet ne po Kamuktaindet!”

JOHANA 1:43

Eng' peetuut ne ki isubi ko kimach anyun Jeso kwo Galilaya. Ki nyoor `ineendet Philipu ak koleenji, “Isubwo.”

JOHANA 2:1

Eng' peetuut ne po somok ko ki mi katunisyet eng' Kana ne po Galilaya; ak ki mi olooto kametap Jeso.

JOHANA 3:16

Amu ki cham Kamuktaindet ng'wony miising', kot kogoito Weeriinnyi ne ki kisich ineegei, si ma lus age tugul ne iyani ineendet, ago si konyoor saboondap koigeny.

JOHANA 4:42

ak ki leenji kobogoryot, “Kiyani nguno, ma amu ng'alaaleng'ung': amu kagegasyige; ak kingen iman keele niito ko Yetindetap ng'wony.”

JOHANA 6:51

Aa magatyat ne sabei ne ki choorgei eng' kipsengwet: ngo am chii age tugul magatyandani, kosabei koigeny: ee, ak poortanyu ko magatyat ne agoitoi agobo saboondo ne po ng'wony.”

POISYONIGAP CHE KIYOKTOI 13:39

ak kiityin imanda eng' ineendet age tugul ne iyani, eng' tuguuk tugul, che koma komuuchi koiityok imanda ng'atuutyetap Musa.

POISYONIGAP CHE KIYOKTOI 8:32

Ak chu siruutik che kisomanoti, “Ki kimut ko uu keechiiryet ne ki kweryei kwo eng'seet; ak ko uu aarwetap keechiiryet ne siisei eng' taitap chiito ne tilei koroorikyik, uu nooto agine mang'aany kutinnyi.

1 KORINTOEK 15:3

Amu ki agoonok eng' tai nooto ki ataach agane, ale kime Kristo agobo tengekwogikyok, ko uu ye mwaei siruutik,

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

GALATYEK 1:4

ne ki igoitogei agobo tengekwogikyok, si kobiit kosarwech eng' peetuusyechu yaacheen, ko uu mageetap Kamuktaindet nenyo ak ko Kwandanyo:

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

1 TIMOTEO 2:6

ne ki igoitogei koek ne kityage tugul; ne tuun kibaoryanjin eng' peetuusyekyik;

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 1:3

ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;

HEBRANIK 2:17

Eng' nooto anyun kinyolji keyai ineendet eng' tuguuk tugul kogergeit ak tupchosyekyik, si kobiit koek tisiindet ne oo ne po rireenetapkei ak ko po iman eng' tuguuk che tokyingei Kamuktaindet, si kobiit koyai tisiisyet agobo tengekwogigap piik.

HEBRANIK 9:28

ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

1 PETERO 1:19

ago eng' korotiik che po kamanuutyet ne oo, ko uu che po aarwet ne ma tinyei peruut ak ne ma tinyei tisya, chooto ko korotiigap Kristo:

1 PETERO 2:24

ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.

1 JOHANA 3:5

Ak ongen ole ki king'aany ineendet si kobiit koip tengekwogik; ama mi tengek eng' ineendet.

1 JOHANA 4:10

Niito chamyet, ma keele ki kicham Kamuktaindet, ago ki chamech ineendet ak koyook Weeriinnyi koek tiseiywot agobo tengekwogikyok.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 12:11

Ak ki iterteer `icheek ineendet amu korotiigap Aarwet, ak amu ng'olyootap paornatennywa; ama cham saboonwekwak agoi meet.

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 14:1

Ki ageer, ak ogeero, tononi Aarwet eng' tulweetap Zion, ak komi kobooto `ineendet piik eliphuusyek pogol ak artam ak ang'wan, che tinyei kainennyi, ak kainetap Kwandanyi, che ki kisirchi togoochikwak.

NG'ANG'UTYET 14:10

koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet:

NG'ANG'UTYET 14:4

Chuuto ko icheeget che ma imurwongei eng' kobogorisyek; amu pergeinik icheeget. Chuuto ko icheeget che isubi Aarwet eng' oldo tugul ole wendi. Ki kial chuuto eng' kwenutap piik, koek tongoanik eng' Kamuktaindet ak eng' Aarwet.

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 19:7

Ongeboiboitu ak kigaske miising', ak kigoochi toroornatet ineendet. Amu kagoit katunisyetap Aarwet, ak kagochopkei osotyonnyi.

NG'ANG'UTYET 19:9

Ak koleenjo, “Sir ile: Poiboen icheek che keguurchin igoortap katunisyetap Aarwet.” Ak ki leenjo, “Chu ko ng'aleegap iman che po Kamuktaindet.”

NG'ANG'UTYET 21:14

Ak ki tinyei irimeetap nganaseet lumeiywek taman ak aeng', ak ki mi kainaik tamanu ak aeng' che po che kiyooktoi taman ak aeng' che po Aarwet.

NG'ANG'UTYET 21:27

Ak ma koi wo oriit kiy age tugul ne murwoon, anan ko ne yaei kiy ne kiwechei, ak lembeita, kobatee icheek che ki kisirchi bukuitap saboondo ne po Aarwet.

NG'ANG'UTYET 21:9

Ak ki nyo age eng' malaikaisyechooto tisap che ki tinyei taabook tisap, che kinyiitotin korotwek tisabu che po let; ak kong'alaalwo kole, “Nyoo yu, si aboorun murereet, osotyotap Aarwet.”

NG'ANG'UTYET 5:6

Ak ki ageer eng' kwenutap ng'echeranooto po laitornatet ak tyong'ichooto ang'wan saptos, ak eng' kwenutap poisyechooto, kotonone Aarwet ko uu ne kageeny, kotinyei kuinoik tisap, ak koonyek tisap, che saboonwek tisap che po Kamuktaindet, che ki kiyookto koba ng'wony komugul.

NG'ANG'UTYET 5:8

Ak ye kingo kagoip bukuinooto, kobutyi taitap Aarwet `tyong'ichooto ang'wanu saptos ak poisyechooto tiptem ak ang'wan, kotinyei age tugul ketubet, ak taabook che po thahabu che nyiitootiin nyamdutik che kebeelei, che chooto ko saautigap piik che tiliileen.

NG'ANG'UTYET 6:1

Ki ageer anyun Aarwet ye kiyaate agenge eng' ng'ooksosyechooto tisap. Ki agas age eng' tyong'ichooto ang'wan saptos komwaei eng' cheet ne uu tuleet, kole, “Nyoo!”

NG'ANG'UTYET 6:16

Ki leenji tuloonook ak rwandosyek, “Oluuljech ak ounyech eng' togeetap ineendet ne tebee ng'echereetap laitornatet, ak eng' nereegegap Aarwet;

NG'ANG'UTYET 7:14

Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.

NG'ANG'UTYET 7:17

amu egu Mestowonnywa Aarwet ne mi kwenutap ng'echereetap laitornatet, ak kondochin icheek koba kong'igap peek che saptos. Ak kouus Kamuktaindet peegap kong' alak tugul eng' konyekwak.”