JOEL 2:27 - BUKUIT NE TILIIL Sireet ne Dutero Kanon

²⁷ Ak onai ole ami kwenutap Israel, ak onai ole aa Kamuktaindet ne Toroor Kamuktaindeng'wong', ama mi age: ak ma kolilaandos piikyuk kogeny.

Bukuit Ne Tilil

²⁷ Ak onai ole ami kwenutap Israel, ak onai ole aa Kamuktaindet ne Toroor Kamuktaindeng'wong', ama mi age: ak ma kolilaandos piikyuk kogeny.

BUKUIT NE TILIL

²⁷ Ak onai ole ami kwenutab Israel, ak onai ole a Jehovah Kamuktaindeng’wong’, ama mi age: ak ma kolilandos bikyuk kogeny.

JOEL 2:27 Iomraidhean Croise

TIENWOGIKAL 46:5

Mi Kamuktaindet kwenutap nganaseet, ama ki istoi; toreti Kamuktaindet yooto ye kaeech.

TIENWOGIKAL 68:18

Ki itogoste parak, ki imut luulenik che ki iluul; Ki itaach piik koek kagoochinoik, Ee, agot ngelelik ak icheek, si kobiit komeng'iis Kamuktaindet ne Toroor.

KALEWANAIK 1:23

Ogas oriip kateunennyu, ogeero, aroong'wok kabwaatutikyuk, ak ang'ang'wok ng'aleekyuk.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 44:3

Amu aroong'jini peek ne amei melel, aroong'jini ainoosyek emet ne yaamaat: aroong'jini Kabuusennyu iyoteng'ung', ak aroong'jini perurtanyu lagoguk:

ISAIAH 44:8

Amoiywei, anan oaragense: tos ma amwaun niito keny, aboorun? Oo paorinikyuk. Tos mi Kamuktaindet age kobatena? Ee, ma miitei Rwandet; mangen age.

ISAIAH 45:18

Amu mwaei Kamuktaindet ne Toroor ne ki toi koyai kipsengwet kole, Ineendet ko Kamuktaindet ne kimimii ng'wony ak koyai; ki igimit, ki ma yai koek puch, ki yai si kobiit kemeny: aa Kamuktaindet ne Toroor; ama mi age.

ISAIAH 45:5

Aa Kamuktaindet ne Toroor, ama mi age; ma mi Kamuktaindet age kobatena: agermenin, nganda tomo inaa:

ISAIAH 45:6

si kobiit konai icheek kobooch ko kachor asiis, ak kobooch cherongo, kole ma mi age kobatena: aa Kamuktaindet ne Toroor, ama mi age.

ISAIAH 46:9

Obwaat tuguuk che po tai che po keny; amu aa Kamuktaindet, ama mi age; aa Kamuktaindet, ama mi age ne kegerge;

ISAIAH 49:23

Ak koek laitorinik kwanisyeguk che iguin, ak koek osotigap laitorinik kametwogiguk che iguin: kutung'jinin icheek kot koit togoochikwak ng'wony, ak komel temburyek che mi keelyeguk; ak inai ile aa Kamuktaindet ne Toroor, ma ililandos icheek che igeno.

ISAIAH 53:6

Ki uu acheek tugul keechiirek che ki kobetyo; kigosup age tugul eng' acheek ooreennyi; ak kigonde `Kamuktaindet ne Toroor ineendet tengekwogikyok acheek tugul.

EZEKIEL 37:6

Andeok inoik ak alaakwok panyeek ak atugenok iriryot, yeityo andeok kabuuset, si osapche; si onai ole aa Kamuktaindet ne Toroor.

EZEKIEL 39:22

Konai anyun kootap Israel kole aa Kamuktaindet ne Toroor Kamuktaindennywa, kobooch peetuunooto ak kwo tai.

EZEKIEL 39:28

Ak konai icheek kole aa Kamuktaindet ne Toroor Kamuktaindennywa, amu ki agoite icheek keluul koba pororyosyek, ak koayumji icheek emennywa: ama abagakyini agot agenge olooto kogeny;

EZEKIEL 39:29

ama aung'e icheek togeennyu kogeny; amu kaaroong'ji Kabuusennyu kootap Israel, mwaei Kiptaiyat Kamuktaindet ne Toroor.

JOEL 2:26

Ak oam che chaang' ak obiyong'se, ak olasu kainetap Kamuktaindet ne Toroor Kamuktaindeng'wong', ne kiyaiywok tuguuk che kikwong'ee: ak ma kolilaandos piikyuk kogeny.

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

JOEL 3:21

Ak aanyiny korotiikwak che tomo aanyiny: amu menyei Kamuktaindet ne Toroor Zion.

SEPANIA 3:11

Ma tuun ililani eng' peetuunooto amu poisyoniguk tugul che ki iyaiywo eng' pistoet. Tuun aistoi komong' eng' kwenung'ung' menotik ak che itoroorigei, si ma ichaugei kogeny eng' tulweennyu ne tiliil.

SEPANIA 3:17

Mi kwenung'ung' Kamuktaindet ne Toroor Kamuktaindeng'ung', ineendet Kiplugotyot ne koonu katerteerisyet. Poiboitunenen eng' poiboiyet, siisei eng' chamyennyi. Poiboitunenen eng' tyendo,

SEKARIA 2:9

Ogeero, ang'warii icheek, ak koek luulenigap otiikwak icheek.” Niito ne onae ole ki iyookwo Kamuktaindet ne Toroor ne po lugoosyek.

KAITOSYEK 11:29

Ago ki leenji `Musa ineendet, “Kaamin ng'et kong' agobo anee? Myee nda egu maotik piik tugul che po `Kamuktaindet ne Toroor ak myee nda indoi Kamuktaindet ne Toroor Kabuusennyi ne Tiliil kotebee icheek!”

KAITOSYEK 23:21

Tomo kogeerchi Jakobo tengekto, ama keerchi Israel kiy ne imaasat. Mi kobooto ineendet Kamuktaindet ne Toroor Kamuktaindennyi, ak mi cheetap laitoryat kwenunnywa.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

NG'ATUTIK 23:14

Amu wendote `Kamuktaindet ne Toroor Kamuktaindeng'ung' kwenutap nganaseng'ung' kosaruun ak koon puuniguk eng' taing'ung'. Amu niito, ko ingotiliilit anyun nganaseng'ung' si ma keerchin kiy ne ma tiliil eng' inyee ak koweek kometen.

1 PETERO 2:6

Amu mi eng' sireet kole, Ogeero, kande Zion koita, koita ne po luuita ne lewenot ak ne chamat miising': Ak ineendet ne iyani, koma ililani.

NG'ANG'UTYET 21:3

Ak ki agas kutit ne oo komang'une ng'echereetap laitornatet kole, “Ogeero, mi emaitap Kamuktaindet ak piik, ak kotebyei kobooto icheek, ak koek icheek piikyik, ak kotebyei Kamuktaindet ineendet ak icheek, ak koek Kamuktaindet nenywa;