JOEL 2:18 - BUKUIT NE TILIIL Sireet ne Dutero Kanon

¹⁸ Ki am ng'etkong' anyun Kamuktaindet ne Toroor amu emennyi, ak ki riiree piikyik.

Bukuit Ne Tilil

¹⁸ Ki am ng'etkong' anyun Kamuktaindet ne Toroor amu emennyi, ak ki riiree piikyik.

BUKUIT NE TILIL

¹⁸ Kiam ng’etkong’ anyun Jehovah amu emennyi, ak kirire bikyik.

JOEL 2:18 Iomraidhean Croise

2 LAITORINIK 19:31

Amu mandoi eng' Jerusalem che kang'et, ak chilildos eng' tulweetap Zion. Yaei niito kagiiletapkei ne po Kamuktaindet ne Toroor.

TIENWOGIKAL 103:13

Ko uu ye riiree kwanda lagokyik, ko uu nooto riiree `Kamuktaindet ne Toroor icheek che iywei ineendet.

TIENWOGIKAL 103:17

Ago tebyei rireenetap Kamuktaindet ne Toroor koigeny ak koigeny eng' icheek che iywei ineendet, ak imandanyi eng' lagogap lagok,

ISAIAH 37:32

Amu mandoi eng' Jerusalem che kang'et, ak chilildos eng' tulweetap Zion: yaei niito kagiiletapkei ne po Kamuktaindet ne Toroor ne po lugoosyek.

ISAIAH 42:13

Mandoi Kamuktaindet ne Toroor ko uu chiito ne kiim; ing'eeti nereegek ko uu chiitap lugeet; polei, ee waachei miising'; iboorchin puunikyik kamugennyi.

ISAIAH 60:10

Ak koteech toek irimoiguk, ak koboisyeun laitorinikwak: amu ki abirin eng' nereegekyuk, ago ki ariirenen amu chamennyu.

ISAIAH 63:15

Keer anyun ng'wony eng' kipsengwet, ak igeer eng' meng'ootetap tiliilindang'ung' ak ko po toroornateng'ung'. Mi ano kagiileng'ung' pogei ak poisyoniguk che po kamuktaet? Kaietena rireenetap muguleldang'ung' ak rireenosyeguk.

ISAIAH 63:9

Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

JEREMIA 31:20

Tos weeriitnnyu ne achame, Ephraim? Tos ineendet ko lakweet ne kiboiboitune? Amu ye ang'alaali kotugul areenye ineendet, abwaati ineendet miising' kora: iima moennyu amu ineendet; ariiree ineendet iman, mwaei Kamuktaindet ne Toroor.

RIREKAB JEREMIA 3:22

Ki rireenosyegap Kamuktaindet ne Toroor kityo si ma kigeswech, amu mararu rireenosyekyik.

SEKARIA 1:14

Ki leenjo anyun malaikaiyandanooto ki ng'alaalwo: “Ititenji ileenji, Mwaei Kamuktaindet ne Toroor ne po lugoosyek kole; ‘Ama ng'etkong' agobo Jerusalem ak agobo Zion eng' ng'etkonda ne oo.

SEKARIA 8:2

Mwaei Kamuktaindet ne Toroor ne po lugoosyek kole: “Amo ng'etkong' agobo Zion, ng'etkonda ne oo, ak amo ng'etkong' agobo ineendet eng' nereegek che ng'woneen miising'.

LUKA 15:20

Ki ng'eet anyun kwo kapkwandanyi. Ago, ye kita komi ole loo, kogeer ineendet kwandanyi, ak koriiree ineendet, ak kilabat kwo kosuup kaatit, ak kong'utut.

NG'ATUTIK 32:16

Ki igoochi koam ng'etkonda amu kamuktaik che teer, kitach eng' kanamonik che kiwechei.

NG'ATUTIK 32:36

Eng' iman ko irwookyinechin `Kamuktaindet ne Toroor piikyik, ak koriir moo agobo otwogikyik, ye keer kole kagowandagei kimnateennywa, Ama mi ne kong'et ne rataat anan ne ma rataat.

NG'ATUTIK 32:43

“Oboiboitu okweek pororyosyek, kobooto piikyik: amu yaaktoi mugetuut che po korotiigap otwogikyik, yaakyin mugetuut puunikyik, Ak koyai kagaigaet agobo emennyi ak piikyik.”

JAKOBO 5:11

Ogeero, kiguure che kimuita che poiboen: ki ogas agobo muitaetap Job, ak ki ogeer kiit ne ki yai Kiptaiyat eng' let, ole nyiitaat rireenet Kiptaiyat, ak koriiregei.

KIRUOGIK 10:16

Ki isto anyun kanamonik che too eng' kwenunnywa ak koot Kamuktaindet ne Toroor. Ak ki iimak saboondanyi amu nyalildap Israel.