JOEL 2:1 - BUKUIT NE TILIIL Sireet ne Dutero Kanon

¹ Oguut iryageet eng' Zion, ak owaach eng' tulweennyu ne tiliil! Ingobotanso piik tugul che menyei emet, amu nyoonei peetuutap Kamuktaindet ne Toroor, ee kagoriik,

Bukuit Ne Tilil

¹ Oguut iryageet eng' Zion, ak owaach eng' tulweennyu ne tiliil! Ingobotanso piik tugul che menyei emet, amu nyoonei peetuutap Kamuktaindet ne Toroor, ee kagoriik,

BUKUIT NE TILIL

¹ Oguut iriaget eng’ Sion, ak owaach eng’ tulwennyu ne tilil; ingobotanso bik tugul che menyei emet: amu nyonei betutab Jehovah, amu kagorik,

JOEL 2:1 Iomraidhean Croise

1 ATEPTAP PEETUUSYEK 15:28

Koip anyun `Israel tugul moingetap arorutyetap Kamuktaindet ne Toroor kotogos kogasanugei eng' tuugeet ne oo, ak koguutonu iryagook, ak kobironu sanisyek che po sugunonik, ak kobutonu kibugandinik ak ketubosyek.

TIENWOGIKAL 119:120

Potani poortanyu amu aiywein; ak aiywei kirwoogutiguk.

TIENWOGIKAL 87:1

Mi lumeiywondennyi tuloonook che tiliileen.

KOMONG'U 10:14

Ki togos chereng'endet kobookyi emet komugul ne po Misiri, ak ki ru eng' ng'wonyutap emet tugul ne po Misiri. Ki koroomen kot ak ki tomo kobiitu chereng'endet ne uu nooto, ama kobiitu kogeny ne uu nooto.

ISAIAH 13:6

Oteiye, amu kagoriik peetuutap Kamuktaindet ne Toroor; nyoonei ko uu ng'emisyet ne punu Ineendet Ne po Kamuktaet.

ISAIAH 13:9

Ogeero, nyoonei peetuutap Kamuktaindet ne Toroor, ne koroom, kobooto nereeknateet ak nereegek che ng'woneen, si kobiit koyai emet koguber, ak kong'em kiptengeginik kogees eng' yooto.

ISAIAH 2:12

Amu tuun piitu peetuutap Kamuktaindet ne Toroor ne po lugoosyek, eng' icheek tugul che mendos ak che ieetigei; ak eng' icheek tugul che itoroorigei, ak kiming'ini tugul;

ISAIAH 66:2

Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

ISAIAH 66:5

Ogas ng'olyootap Kamuktaindet ne Toroor, okweek che obotandosi amu ng'olyoondennyi: Ki komwa che otupche icheeget che wechok, che kitimdak agobo kainennyu, kole, ingitoroor Kamuktaindet ne Toroor, si kobiit kegeer poiboiyeng'wong'; ago ililandos.

JEREMIA 16:10

Ak ye tuun iboorchi pichu ng'aleechuuto tugul, ak koleenjin, Amu nee si komwa Kamuktaindet ne Toroor yaityoni oo agobo acheek? Anan nee yaityennyo? Anan nee tengektonyo ne kigeyachi Kamuktaindet ne Toroor, Kamuktaindennyo?

JEREMIA 16:7

ama putuli piik magatiinik agobo icheek amu riirek, si kogaigai icheek amu piik che kabek; ama igoochin koe kigombetap kagaigaet agobo kwanisyekwak ak kametisyekwak.

JEREMIA 4:5

Omwaite eng' Judah, ak obaraste eng' Jerusalem: oguut iryageet eng' emet! Owaach miising' ak omwa ole: Oyumgei, ak ongebe agoi nganasook che ng'ootaatiin!”

JEREMIA 5:22

Amu nee asi moiywea? Mwaei Kamuktaindet ne Toroor. Amu nee si mobotandosi eng' tainnyu? Tos ma anee ne ki ande ng'aniek koek kiwotetap nyanjet, eng' ng'atuutyet ne tebyei agoi ne ma imuuchi nyanjet kosiir? Nganda mildoegei peek miising', koma imuuchi kotil kiy, agot ngo moror, koma imuuchi kosiir.

EZEKIEL 12:23

Mwachi anyun icheek ileenji, mwaei Kiptaiyat Kamuktaindet ne Toroor ko uu ni kole: Ageesu kalewenoni, si ma koboisyee kogeny koek kalewenet eng' Israel; ago mwachi ileenji, kagoriik peetuusyek, ak kasuldaetap ng'ang'utyet age tugul.

EZEKIEL 21:12

Waach ak ite, ee, weeriitap chii: amu kagong'urur piikyuk, kobooto pounik tugul che po Israel: kagigoito icheek kobar rotwetap chok kobooto piikyuk: irabaach anyun kubestang'ung'.

EZEKIEL 30:3

Amu kagoriik peetuunooto, kagoriik peetuutap Kamuktaindet ne Toroor, peetuutap tulugenet; peetuusyegap pororyosyek.

EZEKIEL 33:3

ak ngo keer ineendet rotwetap chok konyonjin emonooto, koguut iryageet ak koteechi piik;

EZEKIEL 33:6

Ago ngot kogeer riibindet konyonei rotwetap chok, ama kuut iryageet, ama kiteechi piik, ak konyo rotwetap chok, ak kobar chii age tugul eng' kwenunnywa; kebare amu tengektanyi, ago amage korotiikyik eutap riibindet.

EZEKIEL 7:10

Keer peetuut o, keero, nyoonei: kagonyo kagikyineng'ung'; kagoyesyo taaptogap kirokto, kagong'at menoteet.

EZEKIEL 7:12

Kagoit peetuusyek, riigu peetuut: amat kobaibait alindet, anan koaragen aldaindet: amu miitei nereegek eng' chaang'indonywa tugul.

HOSEA 5:8

Oguut igoondit eng' Gibea, ak oguut iryageet eng' Ramah. Owaach eng' Beth-aben; keer ole po let eng' inyee, ee Benjamin.

HOSEA 8:1

Kuut iryageet. Nyoonji kootap Kamuktaindet ne Toroor ko uu kipsiichit: amu ki kobistoe icheek kayomisennyu, ak kongelelji ng'atuutikyuk.

JOEL 1:15

Pwo amu peetuunooto! Amu kagoriik peetuutap Kamuktaindet ne Toroor, ak nyoonei ko uu ng'emisyet ne punu Ineendet Ne po Kamuktaet.

JOEL 2:11

Ak kotwek Kamuktaindet ne Toroor eng' taitap lugeennyi; amu oo kabuureitanyi; amu kiim ineendet ne yaei ng'olyoondennyi kosulda; amu oo peetuutap Kamuktaindet ne Toroor ak komuisei miising'; ng'oo ne imuuchi komuita?

JOEL 2:15

Oguut iryageet eng' Zion, otabaan karugutetapkei, oguur tuiyet ne po kaming'inetapkei:

JOEL 2:31

Ak koimenit asiista, ak koigei korotiik arawet, kotom koit peetuut ne oo ne imuisei ne po Kamuktaindet ne Toroor.

JOEL 3:14

Piik che chaang', piik che chaang' che mi atebweet ne kitilee ng'aleek! Amu kagoriikyi peetuutap Kamuktaindet ne Toroor eng' atebweet ne kitile ng'aleek.

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

AMOS 3:6

Tos kiguutei iryageet eng' nganaseet, ama iyweis piik? Tos nyoonjin yaityet nganaseet, ama iyookyi Kamuktaindet ne Toroor?

AMOS 5:18

Pwo eng' okweek che omache peetuutap Kamuktaindet ne Toroor! Amu nee si omache peetuutap Kamuktaindet ne Toroor? Mesundeito peetuunooto, ma lapkeiyet;

AMOS 8:2

Ak ki leenjo, “Amos, igeere nee?” Ak ki aleenji, “Ageere kitongetap logoek che po kemeut.” Ki leenjo anyun Kamuktaindet ne Toroor, kanyonji kagesunet piikyuk Israel; ma abune kogeny ole mi icheek.

OBADIA 1:15

Amu kariikyi `peetuutap Kamuktaindet ne Toroor pororyosyek tugul. Ko uu ye ki iyai, keyaun ko uu nooto; weekyingei meting'ung' poisyoniguk.

SEPANIA 1:14

Kariik peetuut ne oo ne po Kamuktaindet ne Toroor, neegit ak kochogu miising', ak ko ng'waan tweguunet ne po peetuutap Kamuktaindet ne Toroor; riirei eng' olooto nyiganeet eng' tuugeet ne oo.

SEPANIA 1:16

Peetuutap iryageet ak waagaat, agobo nganasook che ng'ootaatiin, ak irimoik che torooreen.

SEPANIA 1:7

Osisye eng' taitap Kiptaiyat Kamuktaindet ne Toroor: amu kagoriik peetuutap Kamuktaindet ne Toroor: amu kagochop Kamuktaindet ne Toroor tiseiywot, kagoanyiny toekyik.

SEPANIA 3:11

Ma tuun ililani eng' peetuunooto amu poisyoniguk tugul che ki iyaiywo eng' pistoet. Tuun aistoi komong' eng' kwenung'ung' menotik ak che itoroorigei, si ma ichaugei kogeny eng' tulweennyu ne tiliil.

SEKARIA 14:1

Ogeero, nyoonei peetuutap Kamuktaindet ne Toroor, ye tuun kipcheei paruneniguk eng' kwenung'ung'.

SEKARIA 8:3

Mwaei Kamuktaindet ne Toroor kole: Kaaweekyigei Zion, ak ameny kwenutap Jerusalem: ak keguure Jerusalem ‘Nganaseet ne po iman’; ak keguure tulweetap Kamuktaindet ne Toroor ne po lugoosyek, ‘Tulweet ne tiliil.’

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

KAITOSYEK 10:2

“Yachigei igondisyek aeng'; yae che po fedha che kitaanyi si iboisyee tuguuchooto ye iguure tuiyet ak eng' panwegap nganasook.

KAITOSYEK 10:3

Ak ye kuut icheek tuguuchooto tuwai koyumjigei tuiyet komugul ole imi, eng' kurgeetap emait ne kituiyechin.

1 KORINTOEK 14:8

Amu ngo chei iryageet cheet ne ma kiguitos, ko ng'oo ne chobegei agobo lugeet?

PILIPIK 2:12

Nooto anyun, chamanikyuk, ko uu ye koogase iit kotugul, ma ye ami kityo, ago nguno ye ma mi ogase iit kosiir, oboisyee yetuneng'wong' kosulda eng' kaiyweisyet ak potanet;

1 THESSALONIKEK 5:2

Amu ongen okweeget komyee ole nyoonei peetuutap Kiptaiyat ko uu choriin ne nyoonei kemoi.

JAKOBO 5:8

Omuite anyun ak okweek; ogimiit mugulelwekwok: amu kagoneegitit nyonunetap Kiptaiyat.

1 PETERO 4:7

Ago kagoriik kagesunetap tuguuk tugul; nooto anyun oegu che oriibegei, ak oriipse eng' saaet:

NG'ANG'UTYET 6:17

amu kagoit peetuut ne po nereegekwak; ak ng'oo ne imuuchi kotonon?”