JEREMIA 9:2 - BUKUIT NE TILIIL Sireet ne Dutero Kanon

² Kata myee nda katinye eng' surkwen ole ruei kipruitoinik, si kobiit abagaakta piikyuk ak awechigei! Amu icheeget tugul koyaei ibeetapkei, ak ko tuiyetap piik che iberberisyei.

Bukuit Ne Tilil

² Kata myee nda katinye eng' surkwen ole ruei kipruitoinik, si kobiit abagaakta piikyuk ak awechigei! Amu icheeget tugul koyaei ibeetapkei, ak ko tuiyetap piik che iberberisyei.

BUKUIT NE TILIL

² Kata mie nda katinye eng’ ong’atet ole menyei bik che rutoi; si kobiit abagakta bikyuk, ak awe! Amu icheget tugul koyaei ibetab ge, tuiyetab bik che iberberisiei.

JEREMIA 9:2 Iomraidhean Croise

ISAIAH 59:3

Amu murwonen eunekwok eng' korotiik, ak ko murwonen morikwok eng' tengekto; kogomwa kutusweekwok lembechek, ng'alaali ng'elyebwekwok yaityet.

JEREMIA 12:1

Ii po iman, ee Kamuktaindet ne Toroor, ye ariirchinin, nga amache atebeenen agobo ng'olyoondoni: Amu nee anyun si kiberuur ooreetap kiptengeginik? Amu nee si komuunyi icheek tugul che yaei kaberberisyet?

JEREMIA 12:6

Ki koyaun kaberberisyet tupchosyeguk ak kootap kwandang'ung'. Ki koriirchin miising'. Ameyan icheek, agot nda mwaun ng'aleek che korooron.

JEREMIA 13:22

Ak ngot imwa eng' muguleldang'ung' ile, amu nee anyun si kobwanjo tuguuchuuto? Kageng'aany ngoroiguk amu ooindap tengektong'ung', ak kagonyoor kwariniguk ng'wanindo.

JEREMIA 23:10

Amu nyiitaat emet piik che yaei ibeetapkei; amu riirei emet amu kayasyoet; ki koyaam ole agete akwotisyek eng' surkwen; ya pandanywa, ak ma po iman kimnateennywa.

JEREMIA 4:22

Amu perber piikyuk, ak koma ingeno; lagok che uueen metowek icheek, che ma iguitos kiy. Chepchep koyai yaityet, ama ingen koyai ne myee.

JEREMIA 5:1

Orwaate ortinwegap Jerusalem si ogeer ak onai, ocheeng' eng' komoswekyik che paraen, ngot omuuchi onyooru chii agenge, ne yaei imanda ak ne cheeng'ei imanit, si ngot komi, anyochi kaat nganasanooto.

JEREMIA 5:11

Ee, kootap Israel ak kootap Judah, koma kotinyei kayaneet, mwaei Kamuktaindet ne Toroor.

JEREMIA 5:2

Agot nga imurtoi icheek koleen, “Ko uu ye sabei Kamuktaindet ne Toroor,” ko iyastos icheek eng' lembech.

HOSEA 4:2

Ma mi kiit age kobatee chubisyet, lembechek ak rumisyet, choorseet ak ibeetapkei, tesoksei ak isubegei rumisyet.

HOSEA 5:7

Kigoberber `icheek Kamuktaindet ne Toroor; amu kigosich lagok che kipsagarek. Amei `arawet ne kaleel icheek kobooto mbareenikwak.

HOSEA 6:7

Ago ki kobistoe icheek kayomiset ko uu Adam: ki koberbera eng' olooto.

HOSEA 7:4

Icheek tugul ko piik che yaei ibeetapkei; uu kapkoima ole ilaali peelindetap magatiinik; ma iywokyin maat kobooch kityo kokwonykwonyi magatyat agoi koguut.

MIKAH 6:12

Amu nyiitaat koroomnateet mogorekyik, ak kogomwa lembechek piik che menyei olooto, ak kong'aalsei ng'elyebwekwak.

SEPANIA 3:4

Piik che tangusen ak koberberisyei maotikyik: ki komurwon tisiikyik ole-tiliil, Ki kong'em ng'atuutik.

MALAKI 2:11

Kigong'em Judah kayaneet, ye kingo yai kiit ne kiwechei eng' Israel ak eng' Jerusalem; amu ki kong'wanit tiliilindap Kamuktaindet ne Toroor ne chamei, ak kotun cheptap kamuktaik che teer.

MALAKI 2:14

Ago oteebe ole, “Amu nee si ma kotaachei?” Amu kogoek Kamuktaindet ne Toroor paoryat eng' kwenung'wong', inyee ak osotyotap ming'inateng'ung' ne ki iberber, nganda ineendet ko chamaneng'ung' ak ko osotyotap kayomisutyeng'ung'.

JAKOBO 4:4

Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.

KIRUOGIK 2:10

Ki pek ak icheek tugul che po ibinato ak ki kiyumji kapkwanisyekwak. Ki piit ibinda age eng' let ne ki ma kongen Kamuktaindet ne Toroor, anan ko poisyet ne kiga koyai ineendet agobo Israel.