JEREMIA 8:3 - BUKUIT NE TILIIL Sireet ne Dutero Kanon

³ Igaigai kolewen meet kosiir sabeet piik tugul che ng'etu, che ng'etune koiito ya, che ng'etu eng' komoswek tugul che ki aoonji, mwaei Kamuktaindet ne Toroor ne po lugoosyek.

Bukuit Ne Tilil

³ Igaigai kolewen meet kosiir sabeet piik tugul che ng'etu, che ng'etune koiito ya, che ng'etu eng' komoswek tugul che ki aoonji, mwaei Kamuktaindet ne Toroor ne po lugoosyek.

BUKUIT NE TILIL

³ Ak kolewen meet kosiir sobet bik tugul che ng’etu, che ng’etune goito ya, che ng’etu eng’ komoswek tugul che kiaonji, mwaei Jehovah ne bo lugosiek.

JEREMIA 8:3 Iomraidhean Croise

1 LAITORINIK 19:4

Ago ki wo ineendet pandap peetuut agenge kochut surkwen. Ki it ole mi keetiigap junipa, ak kotebi ng'wony eng' keetoto keel. Ki soom eng' yooto kole kome, ak ki le, “Kogoyam! Ara anyun, ee Kamuktaindet ne Toroor, ip saboondanyu nguno. Ma aa myee anee asiir kwanisyekyuk.”

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 23:8

Ago, mwaei kole, ko uu ye sabei Kamuktaindet ne Toroor, ne ki imut iyoteetap kootap Israel komong' eng' emet ne po murot kaataam, ak eng' emotinwek tugul ole kigaonji icheek, ak komeny emennywa.

JEREMIA 29:14

Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.

JEREMIA 29:28

amu ko uu ye kagoyokwech ineendet ng'aleek eng' Babilon, koleenjech, Punjin peetuusyek che chaang' luuleng'wong': oteech kooriik ak omeny; ak ogol mbareenik, si oam logoekwak?

JEREMIA 40:12

koweek anyun Yahudik tugul eng' komoswek tugul ole kiga ki oonji, ak ki pwa emetap Judah, ole mi Gedalia, eng' Mispa, ak ki iyum divaik ak logoek che chaang' che po kemei.

JEREMIA 44:2

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ki ogeer yaityet tugul ne ki apchi Jerusalem, ak nganasook tugul che po Judah; ak ogeero, karatwek rani nganasochooto, ama mi chii ne menyei olooto;

JEREMIA 44:6

Kirong'kei anyun nereegekyuk che ng'woneen, ak kong'waanityi nganasoogap Judah ak eng' ortinwek che po Jerusalem; ak ki koek karatwek ak kigoguber ko uu kiit ne uu peetuusyechu.

JEREMIA 6:9

Mwaei Kamuktaindet ne Toroor ne po lugoosyek kole; “Ingeturot icheek che ng'etunotiin che po Israel komyee, ingeturot ko uu keetitap sabibuk. Ketyi eung'ung' kogeny kitongok, ko uu ineendet ne putei sabibuk.”

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

AMOS 3:1

Ogas ng'olyoondoni kagomwa Kamuktaindet ne Toroor agobo okweek, ee piigap Israel, agobo koot komugul ne po Israel ne ki amutu kotogos eng' emetap Misiri:

JONAH 4:3

Ara anyun, ee Kamuktaindet ne Toroor, asoomin miising' ale, istoena saboondanyu; amu kaigai eng' anee ame kosiir asap.”

MIKAH 2:3

Mwaei anyun Kamuktaindet ne Toroor kole: Ogeero, achobe yaityet agobo kooi, ne moistoe kaatwekwok anan obendate menoteet; amu yaacheen peetuusyechooto.

NG'ATUTIK 30:1

“Ye pwaanjin anyun tuguuchu tugul ki ande taing'ung'; perurto ak chubisyet, ak ingibwaat anyun eng' kwenutap pororyosyek tugul ole ki koonjin Kamuktaindet ne Toroor Kamuktaindeng'ung',

NG'ATUTIK 30:4

Ngo mi che ki iyestoochi tabanwegap kipsengwet, koyumin ak komutun eng' olooto Kamuktaindet ne Toroor Kamuktaindeng'ung'.

NG'ANG'UTYET 6:16

Ki leenji tuloonook ak rwandosyek, “Oluuljech ak ounyech eng' togeetap ineendet ne tebee ng'echereetap laitornatet, ak eng' nereegegap Aarwet;

NG'ANG'UTYET 9:6

Ak tuun cheeng'ei piik meet eng' peetuusyechooto ago ma nyooru; ak machei kole kobek, ago mweei meet eng' icheek.