JEREMIA 7:25 - BUKUIT NE TILIIL Sireet ne Dutero Kanon

²⁵ Kobooch peetuut ne ki mong' kwanisyekwok eng' emetap Misiri agoi rani, ko ki ayookwok otwogikyuk tugul che maotik ang'eete kotugul karon ak ayoogu icheek.

Bukuit Ne Tilil

²⁵ Kobooch peetuut ne ki mong' kwanisyekwok eng' emetap Misiri agoi rani, ko ki ayookwok otwogikyuk tugul che maotik ang'eete kotugul karon ak ayoogu icheek.

BUKUIT NE TILIL

²⁵ Koboch betut ne kimong’ kwanisiekwok eng’ emetab Misri agoi rani, ko kiayokwok otwogikyuk tugul che maotik ang’eete kotugul karon ak ayogu ichek:

JEREMIA 7:25 Iomraidhean Croise

2 ATEPTAP PEETUUSYEK 24:19

Agos ki iyookyi icheek maotik kole komut icheek koweekyi Kamuktaindet ne Toroor; ak kibaoryan kogirinda icheek, ago ma cham kogas.

2 ATEPTAP PEETUUSYEK 36:15

Ak ki iyooktoi Kamuktaindet ne Toroor, Kamuktaindetap kwanisyekwak, piikyik, komusta koba ole mi icheek; amu ki riiree piikyik, ak ole menyei ineendet.

EZRAH 9:7

Ki keegu kiptengegiinik miising' kobooch peetuusyegap kwanisyekyok agoi rani, ak ki kindeech eunegap laitorinik che po emotinwek agobo tengekwogikyok acheek, laitorinikyok ak tisiikyok, kebarech eng' rotwetap chok, keluulech, ng'emisyet ak kalilanet, ko uu rani.

NEEMIA 9:26

Ago ma kasin iit ak ki ingeleljin. Ki wiirta Ng'atuutiguk kotuktoochi patai ak kobar maotiguk che kibaoryanji, icheek kole koweech icheek kobwanjin, ak koyai tagisyosyek che eecheen.

NEEMIA 9:30

Ki imuitoochi icheek eng' kenyiisyek che chaang'. Ki iteechine icheek Kabuuseng'ung' kobun maotiguk, ago ma cham kogas. Ara ki inde anyun icheek eunegap piigap emotinwek.

ISAIAH 5:4

Nee ne kita ta keyaei ne siirei eng' mbareennyu ne po sabibuk, ne ma ayai? Amu nee anyun, ye kinga leen yiei sabibuk, koi sabibuk che yaacheen?

JEREMIA 11:7

Amu ki abaoryanji kwanisyekwok eng' kagiiletapkei, kobooch peetuut ne ki amutu icheek komong' eng' emetap Misiri, agoi ra, ang'eete karon ak abaoryanjini, aleenjini, ogas iit kutinnyu.

JEREMIA 25:3

Ki nyoonjo ng'olyootap Kamuktaindet ne Toroor kobooch kenyiitap taman ak somok ne po Josiah weeriitap Ammon, laitoryatap Judah, agoi ra, kenyisyechu tiptem ak somok, ak ki amwaiwok, ang'eete karon miising' ak ang'alaalwok; ago ma ogas.

JEREMIA 25:4

Ak ki koyokwok Kamuktaindet ne Toroor otwogikyik tugul che maotik, kong'eetei karon miising' ak koyogu icheek; ago ma ogas, anan oep iit, si kobiit ogas;

JEREMIA 29:19

amu ma kas ng'aleekyuk, mwaei Kamuktaindet ne Toroor, che ki ayooktochine icheek otwogikyuk maotik, ang'eete karon miising' ak ayookte icheek; ago ma ocham ogas, mwaei Kamuktaindet ne Toroor.

JEREMIA 35:14

Kagosulda ng'aleegap Jonadab weeriitap Regap, che ki ng'at weeriikyik koleenji amoee divaik, ak tomo koe icheek agoi peetuuni, amu kase iit ng'atuutyetap kwandanywa: ago ki ang'alaalwok, ang'eete karon miising' ak ang'alaali, ago ma oepcha iit.

JEREMIA 35:15

Ak ki ayookwok kogeny otwogikyuk tugul che maotik, ang'eete karon miising' ak ayoogu icheek, amwae ale, Oweege anyun chii age tugul eng' ooreennyi ne ya, ak olitit poisyonikwok, amosup kamuktaik che teer oot icheek, si omeny emet ne ki agoonok kobooto kwanisyekwok: ago ma oep iit, anan ogasa iit.

JEREMIA 44:4

Ago ki ayookwok otwogikyuk tugul, che maotik, ang'eete karon miising' ak ayoogu, aleenjinok, “Amat oyai kiito samis ne aweche.”

JEREMIA 7:13

Ara anyun, amu ki oyai poisyonichuuto tugul, mwaei Kamuktaindet ne Toroor, ak ki ang'alaalwok, ang'eete karon miising' ak ang'alaali, ago ma ogas, ak ki aguurok, ago ma owolu,

EZEKIEL 2:3

Kimwaiwo koleenjo, Ee, weeriitap chii, kayookten iwe emetap piigap Israel, ye mi pororyosyek che ngelelik, che ki kongelelja; ki kongelelja icheek kobooto kwanisyekwak agoi peetuuni.

HOSEA 11:7

Kagobegechi piikyuk kochuchuigei kometaa: agot ngo kuurso icheek koguurchi icheek ineendet ne mi parak, koma piitu ne itoroori ineendet.

HOSEA 12:10

Ki ang'alaalji maotik, ak ki ates ng'ang'utik; ak ki aboisyee kalewenaik eng' poisyetap maotik.

AMOS 2:11

Ki ande alak eng' weeriikwok koek maotik, ak ande alak eng' murenikwok koek Nasiritik. Tos ma uu nooto, ee okweek piigap Israel? Mwaei Kamuktaindet ne Toroor.

MALAKI 3:7

Ki omaste kobooch peetuusyegap kwanisyekwok, omete kayomisutikyuk ama oriip. Oweekyage anyun, si aweekyogei, mwaei Kamuktaindet ne Toroor ne po lugoosyek. Ago oteebe ole, “Kiweegundoige ano?”

LUKA 11:49

Ki le anyun `utaatyetap Kamuktaindet amu nooto, ‘Tuun ayookyini maotik ak che kiyooktoi; ak kobar alak eng' icheek ak kousaus alak,’

NG'ATUTIK 9:7

Ibwaat ameutyee tagisyet ne ki itach Kamuktaindet ne Toroor Kamuktaindeng'ung' eng' surkwen, ki ongelelji Kamuktaindet ne Toroor kobooch peetuut omong'u eng' emetap Misiri agoi oitu yu.