JEREMIA 50:2 - BUKUIT NE TILIIL Sireet ne Dutero Kanon

² Omwaite eng' pororyosyek ak obarte, ak onamji parak songolyet; obarte, amouny: ole, Kageluul Babilon, kagigoochi Bel kolilaan, kagoaragen Merodak; kagigoochi kanamonikyik kolilaanso, kagoaragenso kanamonikyik.

Bukuit Ne Tilil

² Omwaite eng' pororyosyek ak obarte, ak onamji parak songolyet; obarte, amouny: ole, Kageluul Babilon, kagigoochi Bel kolilaan, kagoaragen Merodak; kagigoochi kanamonikyik kolilaanso, kagoaragenso kanamonikyik.

BUKUIT NE TILIL

² Omwaite eng’ bororiosiek ak obarte, ak onamji barak songoliet; obarte, amouny: ole, Kageluul Babulon, kagigochi Bel kolilan, kagoarogen Merodak; kagigochi kanamonikyik kolilanso, kagoarogenso kanamonikyik.

JEREMIA 50:2 Iomraidhean Croise

TIENWOGIKAL 64:9

Yeityo koiyweis piik tugul; ak komwaita poisyetap Kamuktaindet, ak korwoochi eng' ng'omnateet agobo poisyennyi.

TIENWOGIKAL 96:3

Omwaite toroornatennyi eng' pororyosyek, Ak poisyonikyik che kikwong'ee eng' piik tugul.

TIENWOGIKAL 97:7

Ingolilanso tugul che otei kanamonik che ki kiwai, Che lasegei tuguuk che ma tilei kiy: Ogutung'ji ineendet, okweek kamuktaik tugul.

ISAIAH 12:4

Omwae eng' peetuunooto ole: “Oweekyi Kamuktaindet ne Toroor kongoi, oguur kainennyi, omwaite poisyonikyik eng' pororyosyek, omwa ole kagotororit kainennyi.

ISAIAH 13:2

Olumde penderet eng' tulweet ne churat, owaakyi, onde parak eunekwok ye ong'usei koba komoswek tuwai, si kobiit komandae ormariichogap piik che taagunotiin.

ISAIAH 21:9

Keero, pwoonei piigap lugeet, piik che ketei paraisisyek che pwonune aeng'!” Ak ki wol ineendet kole, “Kagoluul Babilon, kagoluul! Kagoilyo itoonwek tugul che ki kiwai che po kanamonikyik koba ng'wony.”

ISAIAH 37:19

ak ki kowiirchi ma kanamonikwak: amu ki ma ko kamuktaik, ago kiboisyetap eunegap piik, keetit ak koik; king'em anyun icheek tuguuchooto amu nooto.

ISAIAH 39:1

Ki iyookyi eng' peetuusyechooto Merodak-baladan weeriitap Baladen laitoryatap Babilon paronok ak kagoochinet, Hezekiah: amu ki kas kole kiga komyan, ak kigosap.

ISAIAH 46:1

Abuksei Bel, ing'uruuksei Nebo; lae `tyong'ik ak `tuuga kanamonikwak: kagiyai koek mileet tuguuk che ki oiboti, ko uu lautyet eng' tyong'ik che ng'etyotiin.

ISAIAH 48:20

Omande eng' Babilon, omwei eng' Kaldea; obarte eng' cheetap tyendo, omwaite niito, omwa kogasak agoi ole pooch ng'wony: omwa ole, Kigotyach Kamuktaindet ne Toroor Jakobo otwogindennyi.

ISAIAH 48:6

Ki igas niito; keer chuuto tugul o; ak okweek, ko tos momwaitoi? Kaaboorun tuguuk che leelach kobooch nguno, agot tuguuk che ung'ootiin, che tomo inai.

JEREMIA 10:11

Mwachi anyun icheek ko uu ni ileenji, “Petos eng' ng'wony ak eng' kurereetap kipsengwet kamuktaik che ki ma koyaei kipsengwet ak ng'wony.

JEREMIA 10:15

Puch chooto, poisyetap ng'aalseet; petos eng' peetuut ne ityin pirennywa.

JEREMIA 31:10

Ogas ng'olyootap Kamuktaindet ne Toroor, ee okweek pororyosyek, ak omwaite niito eng' ngeguusyek che looen, ole, ineendet ne ki iyeesta Israel, koyumi ak koriip, ko uu ye riibei mestowot akweennyi.

JEREMIA 4:16

Omwachi pororyosyek, obarastachi Jerusalem, oleenji, ibogu piik che ng'eete emet ne loo, ak imuui nganasoogap Judah.

JEREMIA 4:6

Onamji parak songolyet kotokyigei Zion, omwei osarugei, amogagei amu aibu yaityet eng' murot kaataam ak ng'emisyet ne oo.

JEREMIA 46:14

Omwaite eng' Misiri, ak obarte eng' Migdol, ak obarte eng' Nop ak eng' Tapanes: oleenji, Otononse, ochopkei; amu kagoamis rotwetap chok eng' tabanweguk.

JEREMIA 50:46

Potani ng'wony eng' cheetap lugeet ne kiluule Babilon, ak kigasei waagennywa eng' pororyosyek.

JEREMIA 51:12

Onamji parak songolyet, otokyi irimoigap Babilon, ogimiit riipseet, onde riibiik, ochop piik che sapchin: amu kagochop Kamuktaindet ne Toroor ak koyai kiit ne ki mwa agobo piik che menyei Babilon.

JEREMIA 51:27

Onamji parak songolyet eng' emet, oguut iryageet eng' pororyosyek, ochop pororyosyek kobargei ak ineendet, oguur pounatosyegap Ararat, ak che po Mini ak che po Ashkenas, kobargei ak ineendet: olewen kiptaiyat ne paregei ak ineendet; ogetu paraisisyek che uu tinapchet.

JEREMIA 51:31

Labati chiito ne kiyooktoi koip paronok kosubi age ne ibei paronok, ak kosubi kayooktoin kayooktoindet age, si koboorchi laitoryatap Babilon koleenji, kagenam nganasennyi eng' komosta age tugul:

JEREMIA 51:44

Arwookyini Bel eng' Babilon, ak among'u eng' kutinnyi kiit ne ki kolugui; ama korootei pororyosyek ko uu peek kobendi oldanyi kogeny: ee, luulei irimeetap Babilon.

JEREMIA 51:47

Ogeero, pwoonei anyun peetuusyek che tuun arwookyini kanamonik che ki kiwai che po Babilon, ak kolilaan emonooto komugul; ak kobutyo eng' kwenunnyi piikyik tugul che ki kibar.

JEREMIA 51:52

Ogeero, pwoonei anyun peetuusyek, mwaei Kamuktaindet ne Toroor, che karwookyini kanamonikyik che ki kiwai; ak kotigendos eng' emennyi tugul piik che ki kiguoten.

JEREMIA 51:8

Kagobut Babilon kochaakta, ak keng'em: oteeiye amu ineendet; oipchi mwanik che kinyae ng'wanindanyi, tamangap kosap ineendet.

JEREMIA 52:31

Ak eng' kenyiitap sosom ak tisap kobooch ngeluul Jehoiakin laitoryatap Judah, eng' arawetap taman ak aeng', eng' peetuutap tiptem ak muut ne po arawanooto, kotyach Ebil-merodak laitoryatap Babilon eng' kenyiit ne po tai ne po laitornatennyi, Jehoiakin laitoryatap Judah, komong' eng' korgoreet;

JEREMIA 6:18

Ogas anyun, okweek pororyosyek, ak onai, ee okweek tuiyet, kiit ne mi kwenunnywa.

SEPANIA 2:11

Egu Kamuktaindet ne Toroor kamuiset eng' icheek; amu iteenyi `ineendet kamuktaik tugul che po ng'wony, ak kolas piik tugul ineendet, ilasu chii age tugul eng' oldanyi, kobooto ngeguusyek tugul che po pororyosyek.

NG'ANG'UTYET 18:2

Ak kiwaach eng' kutit ne kiim kole, “Kagoluul, kagoluul Babilon ne oo, ak kagoek ole menyei oik, ak irimeetap tamirmiryet age tugul ne murwoon, ak irimeetap toriit age tugul ne murwoon ak ne kiwechei.