JEREMIA 50:10 - BUKUIT NE TILIIL Sireet ne Dutero Kanon

¹⁰ Ak keluul Kaldea: piyang'dos tugul che luulei, mwaei Kamuktaindet ne Toroor.

Bukuit Ne Tilil

¹⁰ Ak keluul Kaldea: piyang'dos tugul che luulei, mwaei Kamuktaindet ne Toroor.

BUKUIT NE TILIL

¹⁰ Ak keluul Kaldea: biyong’dos tugul che luulei, mwaei Jehovah.

JEREMIA 50:10 Iomraidhean Croise

ISAIAH 33:23

Kagitustus porooniguk; ma imuuch kogimit kelutap toloitap melinnywa, ma imuuch koiito angeetap meeliit. Kipcheak anyun parunenigap tuguuk che chaang' che ki kiluul; ki nam che ing'waldos parunenik.

ISAIAH 33:4

Ak kiyumi parunenik ko uu ye iyumi kuutik; toroombenjin ko uu ye toroombeni chereng'enyinik.

ISAIAH 45:3

ak agoonin konoraigap mesundeito, ak mogornatosyek che ung'ootiin che po komoswegap ung'oot, si kobiit inai ile aa Kamuktaindet ne Toroor ne ki aguurin eng' kaineng'ung', Kamuktaindetap Israel.

JEREMIA 25:12

Ak ye kagobata kenyiisyek tamanwogik tisabu, abir anyun laitoryatap Babilon, ak pororyonooto, mwaei Kamuktaindet ne Toroor, amu yaityennywa, ak emetap Kaldeik; ak ayai koek karaatya agoi.

JEREMIA 27:7

Ak koot pororyosyek tugul ineendet ak weeriitnnyi, agoi koit peetuusyegap emennyi: ak koyae anyun pororyosyek che chaang' ak laitorinik che eecheen ineendet koek otwogindennywa.

JEREMIA 50:26

Obwa obargei ak ineendet che obunu kiwotosyek che looen, oyat chogenikyik: oyum ineendet ko uu karurugutik ak ong'em ogesu: amat kong'et kiy nenyi.

JEREMIA 50:37

Mi rotwetap chok paragutap paraisisyekwak, ak eng' kariisyekwak che po lugeet, ak eng' paragutap piik tugul che kiburuchkei che mi kobooto ineendet, ak koigei icheek kwonyiik: mi rotwetap chok paragutap konoraikyik, ak kerep chooto.

JEREMIA 51:24

Ak ayaakyini Babilon ak piik tugul che menyei Kaldea, yaityennywa tugul ne ki yai eng' Zion eng' taing'wong', mwaei Kamuktaindet ne Toroor.

JEREMIA 51:35

Mwaei chii ne menyei Zion kole, ingotebee paragutap Babilon koroomnateet ne ki kiyaiywo ak ne ki kiyachi piikyuk; ak komwaei Jerusalem kole, ingotebee paragutap piik che menyei Kaldea, korotiikyuk.

EZEKIEL 11:24

Ak kiganaba Kabuuset ne Tiliil, ak komutwaa eng' ng'ang'utyet eng' Kabuusetap Kamuktaindet, anyo Kaldea, agoi ait ole mi icheek che ki kiluul. Ki togosta anyun eng' ole ki ami ng'ang'utyonooto kiga ageer.

HABAKUK 2:8

Amu ki iluul pororyosyek che chaang', luulin aginye piik tugul che ng'etunotiin; amu korotiigap piik, ak amu koroomnateet ne ki kiyachi emet, ak nganaseet ak piik tugul che menyei olooto.

NG'ANG'UTYET 17:16

Ak kuinoichu kegeere taman, ak tyondo, ko tuun wechei chepkugoniot ak kometo kotebi ineegei, komi aach ngor, ak koam panyeekyik, ak kobeel ineendet eng' maat kogeskei.