JEREMIA 46:22 - BUKUIT NE TILIIL Sireet ne Dutero Kanon

²² Wendi kutinnyi ko uu ereneet; amu pendi ak lugeet, ak kobookyine ineendet aonok, ko uu piik che ebei keetiik.

Bukuit Ne Tilil

²² Wendi kutinnyi ko uu ereneet; amu pendi ak lugeet, ak kobookyine ineendet aonok, ko uu piik che ebei keetiik.

BUKUIT NE TILIL

²² Wendi kutinnyi ko u erenet; amu bendi ak luget, ak kobokyine inendet aonok, ko u bik che ebei ketik.

JEREMIA 46:22 Iomraidhean Croise

TIENWOGIKAL 74:5

Ki uu icheek piik Che namjin parak aonok, komachei koep keetiigap sondiit.

ISAIAH 10:15

“Tos ichaugei aiywet eng' ineendet ne ebisye? Tos ieetegei musumeneet eng' ineendet ne tilisye? Ko uu nda itumdumi kirokto ne namei, anan nda namjin parak kirokto ineendet ne ma keetit!”

ISAIAH 14:8

Ee, poiboitu piribirinik eng' inyee, ak taragonigap Lebanon, koleen, “Kobooch ngap iru, koma ebech chii.”

ISAIAH 29:4

Ak kinyeratin, ak ing'alaal imi ng'ung'unyek, ak kinyerat ng'aleeguk komang'une temburyek; ak kogergeit tweguuneng'ung' ak chiito ne poisyee oik, ne mang'une ng'ung'unyek, ak ichaam ng'aleeguk eng' temburyek.

ISAIAH 37:24

Koichot Kiptaiyat eng' otwogiguk, ak koile, Anyoone kot aitu paragutap tuloonook kobooto chaang'indap kariisyekyuk, kot aitu oriit eng' Lebanon; ak aluul taragonikyik che kooen, ak piribirinikyik che korooron: ak achute komosta Ne Toroor Miising', timdap mbareennyi ne rurei.

JEREMIA 46:21

Uu kogeny piikyik che kesirei che mi kwenunnyi moek che neryootiin; amu kagoweigei let ak icheek, kagomwei tugul, ma tononso: amu kanyonji icheek peetuutap nyalildanywa, peetuut ne kibirei.

JEREMIA 46:23

Iluuli osnennyi, mwaei Kamuktaindet ne Toroor, agot ngo ma kimuuchi kisyach; amu chaang' kosiir chereng'enyinik, ama iitoksei.

MIKAH 1:8

Ateei ak awaache amu niito, awendi ko kagireegunena ngoroik ak ami aach ngor: ateei ko uu lelwek, ak ariire ko uu tyong'igap songolik.

MIKAH 7:16

Keerei pororyosyek ak kolilaanso amu kimnateennywa tugul: kere eunekwak kutusweekwak, ak kotimogis itiikwak.

SEKARIA 11:2

Waach, ee piribiryoni, amu kagobut tarakwet, amu kageng'em che korooron: owaach, ee keetiigap Bason, amu kagoluul osneet ne kiim.

JOSHUA 9:21

Ki leenji `pounik icheek, “Obagaach kosapcho.” Ki ek anyun pichooto che petei kweenik ak koramjin peek tuiyet komugul ko uu ye ki kamwachi pounik.