JEREMIA 33:4 - BUKUIT NE TILIIL Sireet ne Dutero Kanon

⁴ Amu mwaei Kamuktaindet ne Toroor, Kamuktaindetap Israel, agobo kooriigap nganasani, ak agobo kooriigap laitorinigap Judah, che kigebut koek che riibegei eng' taitap karurugutigap ng'ung'unyek, ak eng' rotwetap chok: mwaei kole:

Bukuit Ne Tilil

⁴ Amu mwaei Kamuktaindet ne Toroor, Kamuktaindetap Israel, agobo kooriigap nganasani, ak agobo kooriigap laitorinigap Judah, che kigebut koek che riibegei eng' taitap karurugutigap ng'ung'unyek, ak eng' rotwetap chok: mwaei kole:

BUKUIT NE TILIL

⁴ Amu mwaei Jehovah, Kamuktaindetab Israel, agobo gorikab nganasani, ak agobo gorikab laitorinikab Juda, che kigebut koek che ribegei eng’ taitab karurugutikab ng’ung’unyek, ak eng’ rotwetab chok: mwaei ko u ni kole:

JEREMIA 33:4 Iomraidhean Croise

ISAIAH 22:10

Ak oiit kooriigap Jerusalem, ak obut kooriik si kobiit ogimiit irimeet.

ISAIAH 32:13

Piitos katook che toorei piich ak che rutei piich eng' emetap piikyuk; ee, eng' kooriik tugul che po poiboiyet eng' nganaseet ne paibai.

ISAIAH 32:14

Amu kibagaaktoi kootap laitoryat; kiue nganaseet ne mi piik che chaang'; tulweet ak teekseet ne kooi ne kitabendoe, ko egu kebenonik koigeny ole poiboitune sigirok che po timiin, koek ole agete keechiirek;

JEREMIA 32:24

Ogeero karurugutigap ng'ung'unyek ole punu piik kobwanei koluulei nganasani; ak kagigoochi nganasani eutap Kaldeik che paregei ak nganasanooto, amu rotwetap chok, ak rubeet, ak koroito: ak kagosulda nooto ki imwa; ak keero, igeere nooto.

JEREMIA 6:6

Amu kagomwa Kamuktaindet ne Toroor ne po lugoosyek kole, Oluul, oep keetiik ak owasyi ng'ung'unyek Jerusalem, amu niito nganaseet ne kebirei, sastaet ineegei ne mi kwenunnyi.

RIREKAB JEREMIA 2:7

Ki kotiimda Kiptaiyat kaptisisyennyi, ak ki kometo oldanyi ne tiliil. Ki konde eutap puunyoot irimoigap kooriikyik che po laitorinik. Ki kobolyo eng' kootap Kamuktaindet ne Toroor, ko uu eng' peetuutap tuiyet ne ki king'at.

EZEKIEL 21:22

Ki mi eunnyi ne po tai ng'oorset agobo Jerusalem, si konde injinisyek che kibutisye, si koseng'eng'ji parisyet, ak kowaach miising', konde injinisyek taitap ormariichok, kowasyi ng'ung'unyek, koteech irimoik.

EZEKIEL 26:8

Pare rotwetap chok tiibiiguk che mi emet: ak koteech irimoik kotokyin, ak koruruuch ng'ung'unyek kotokyin, ak konamji parak long'eet ne oo kotokyin.

EZEKIEL 4:2

ak iyiem, ak iteech irimoik iyieme, ak iwasyi ng'ung'unyek, ak iteech kooriik kotokyigei, ak inde komoswek tugul injinisyek che kibute nganaseet.

HABAKUK 1:10

Ee, chotei laitorinik, roryot pounik eng' ineendet: rorechin irimeet age tugul; amu iyumi temburyek, ak koip.

NG'ATUTIK 20:20

Ago keetiik che ingen ile ma ki amei, iluul anyun keetichooto ing'em ak ing'ote irimeet nganasanooto obaregei agoi koluul.”