JEREMIA 33:26 - BUKUIT NE TILIIL Sireet ne Dutero Kanon

²⁶ atimdoi anyun agine iyoteetap Jakobo, ak ne po Daudi otwogindennyu, kot koma lewen iyotennyi koek pounik che pou iyoteetap Abraham, Isak, ak Jakobo: amu agoochini koweek eng' ole ki kiluulji, ak ariiree icheek.

Bukuit Ne Tilil

²⁶ atimdoi anyun agine iyoteetap Jakobo, ak ne po Daudi otwogindennyu, kot koma lewen iyotennyi koek pounik che pou iyoteetap Abraham, Isak, ak Jakobo: amu agoochini koweek eng' ole ki kiluulji, ak ariiree icheek.

BUKUIT NE TILIL

²⁶ atimdoi anyun agine iyotetab Jakobo, ak ne bo Daudi otwogindennyu, kot ko malewen iyotennyi koek bounik che bou iyotetab Abraham, Isak, ak Jakobo: amu agochini koweek eng’ ole kigiluulji, ak arire ichek.

JEREMIA 33:26 Iomraidhean Croise

TAUNET 49:10

Ma istoegei Judah kirokto ne po pounateet, ak ma petei ne igoitoi ng'atuutik eng' iyotennyi, agoi koit Shiloh; ak kase iit piik tugul ineendet.

EZRAH 2:1

Chu anyun ko piigap emonooto che kiga togos kobunu ole kiga kiluulji, che kiga iluul Nebukadnezar laitoryatap Babilon koba Babilon; che kiweegis koba Jerusalem ak Judah, kwo chii tugul nganasennyi.

EZRAH 2:70

Ki meny anyun nganasookwak tisiik, Lawiik, piik alak, tyeniik, riibiigap kurgotik, otwogigap Hekaluut ak Israel tugul eng' nganasookwak.

TIENWOGIKAL 126:1

Ye kiweekta Kamuktaindet ne Toroor che kigeluul che po Zion, ko ki kiige che irwotitoi.

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

ISAIAH 54:8

Ki aung'enen togeennyu ne matya eng' nereegek che ing'irtogei; ago ariirenen eng' talasyet ne po koigeny, mwaei Kamuktaindet ne Toroor katyagindeng'ung'.

JEREMIA 3:12

Ui, mwachi ng'aleechu komostap murot kaataam, ileenji, weege, inyee Israel ne ki iweekyigei let, mwaei Kamuktaindet ne Toroor. Ma ageerok eng' nereegek. Amu atinye rireenet, mwaei Kamuktaindet ne Toroor, Manereechi agoi.

JEREMIA 31:20

Tos weeriitnnyu ne achame, Ephraim? Tos ineendet ko lakweet ne kiboiboitune? Amu ye ang'alaali kotugul areenye ineendet, abwaati ineendet miising' kora: iima moennyu amu ineendet; ariiree ineendet iman, mwaei Kamuktaindet ne Toroor.

JEREMIA 31:35

Mwaei Kamuktaindet ne Toroor, ne koonu asiista koek lapkeiyet peet, ak ng'atuutik che ki king'at agobo arawet ak kecheik si koek lapkeiyet kemoi, ne wasei nyanjet, kot komoror mildaennyi pogei; kainennyi ko Kamuktaindet ne Toroor ne po lugoosyek, mwaei kole:

JEREMIA 31:37

Mwaei Kamuktaindet ne Toroor kole, nda kimuuchi kikwa kipsengwet, ak kisyach lumeiywegap ng'wony oriit, aiste anyun agine iyoteet tugul ne po Israel amu tuguuk tugul che ki koyai, mwaei Kamuktaindet ne Toroor.

JEREMIA 33:24

tos mebwaati kiit ne kagomwa pichu kole ki gotimda `Kamuktaindet ne Toroor koorchooto aeng' che ki kolewen? Sasei icheek ko uu nooto piikyuk, si ma koegu kogeny pororyet eng' tainnywa.

EZEKIEL 39:25

Mwaei anyun Kiptaiyat Kamuktaindet ne Toroor kole: Amutu kogeny che ki kiluul che po Jakobo, ak ariiree koot komugul ne po Israel; ak koama ng'etkong' agobo kainennyu ne tiliil.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

HOSEA 2:23

Ak agoole ineendet eng' emet; ak ariiree ineendet ne ki ma ki riiree; ak aleenji icheek che ki ma ko piikyuk, “Oo piikyuk;” ak kole “Ii Kamuktaindennyu.”

SEKARIA 10:6

Ak agimiit kootap Judah, ak asaru kootap Joseph, ak amutu icheek kogeny, amu ariiree icheek; ak koigei ye ki ma amete icheek: amu aa Kamuktaindet ne Toroor kamuktaindennywa, ak agas icheek.

ROMANIK 11:32

Amu ki koratyi Kamuktaindet tugul eng' pistoet, si kobiit koriiree tugul.