JEREMIA 32:39 - BUKUIT NE TILIIL Sireet ne Dutero Kanon

³⁹ ak agoochi icheek muguleldo agenge ak ooreet agenge, si komuuch koiywea koigeny; si konyoor myeeindo ak lagokwak che isubi icheek:

Bukuit Ne Tilil

³⁹ ak agoochi icheek muguleldo agenge ak ooreet agenge, si komuuch koiywea koigeny; si konyoor myeeindo ak lagokwak che isubi icheek:

BUKUIT NE TILIL

³⁹ ak agochi ichek muguleldo agenge ak oret agenge, si komuch koiywea koigeny; si konyor mieindo ak lagokwak che isubi ichek:

JEREMIA 32:39 Iomraidhean Croise

TAUNET 17:7

Ak agimiiti kayomisennyu anee ak inyee, ak iyoteng'ung' ne piitu let ak ibinwekwak tugul, si koek kayomiset ne wendi agoi koigeny, ak aegu Kamuktaindet eng' inyee ak iyoteng'ung'.

TAUNET 18:19

Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”

TAUNET 22:12

Koleenji, “Ametwaa lakweet, ameyachi kiy tugul, amu kaanai nguno ale igonyiti Kamuktaindet, amu ma ieteno weeriing'ung', ne weeriing'ung' ne ineegei.”

2 ATEPTAP PEETUUSYEK 30:12

Ki mi kogeny eutap Kamuktaindet Judah si kogoochi icheek muguleldo agenge koyai ng'atuutyetap laitoryat ak pounik eng' ng'olyootap Kamuktaindet ne Toroor.

TIENWOGIKAL 112:1

Olasu Kamuktaindet ne Toroor! Paibai chii ne iywei Kamuktaindet ne Toroor, ne poiboitune miising' ng'atuutikyik.

TIENWOGIKAL 128:6

Ee, tuun igeere mochogoroniguk. Ingotebee kaalyeet Israel!

TIENWOGIKAL 86:11

Ineeta oreng'ung', ee Kamuktaindet ne Toroor; si awendotee imandang'ung': Ituiye muguleldanyu si koywei kaineng'ung'.

KALEWANAIK 23:17

Amat koam ng'etkong' muguleldang'ung' agobo kiptengeginik, ago konyit Kamuktaindet ne Toroor peetuut komugul.

ISAIAH 35:8

Ak kobiit ooreet ne oo eng' olooto, ak kiguure oranooto Ooreetap Tiliilindo. Ma punei oranooto che ma tiliileen ama tyechei oranooto agot che perber.

ISAIAH 52:8

Kutitap riibiguk! Waachei icheek, tyendos kibagenge; amu tuun keerei icheek togoch eng' togoch, ye weeksei Kamuktaindet ne Toroor konyonei Zion.

ISAIAH 65:23

Ma poisyei puch, ama ichin nyalil, amu icheeget ko iyoteetap che iberuurotin che po Kamuktaindet ne Toroor, kobooto lagokwak.

JEREMIA 24:7

Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul.

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

JEREMIA 32:40

ak kiyomisigei ak icheek kayomiset ne po koigeny, ale matuktochini patai icheek ago ayachini ne myee; ak ande kaiyweisyennyu mugulelwekwak, si ma istoenagei.

JEREMIA 6:16

Mwaei Kamuktaindet ne Toroor kole, otononie eng' ortinwek ak ogeerte, oteep ortinwek che po keny, ole mi ooreet ne myee, ak obendate nooto, si osich kamuung'et eng' saboonwekwok. Ago ki wol kole, “Ma kibendote ortinwechooto.”

EZEKIEL 36:26

Agoonok kogeny muguleldo ne leel, ak andeok sabeet ne leel: ak aiste muguleldo ne uu koita eng' poorwekwok, ak agoonok muguleldo ne po panyeek.

EZEKIEL 37:22

Ak ayai icheek koek pororyet agenge eng' emet, eng' tuloonoogap Israel: ak koek laitoryat agenge laitoryannywa eng' icheek tugul: ak ma koegu kogeny pororyosyek aeng', ama kepchei icheek kogeny koek pounatosyek aeng' agoi.

EZEKIEL 37:24

Ak koek otwogindennyu Daudi laitoryannywa; ak konyoor icheek tugul mestowot agenge: ak kobendatee kirwoogutikyuk ak koriip ng'atuutikyuk ak koyai.

EZEKIEL 37:25

Ak komeny emet ne ki agoochi Jakobo otwogindennyu, ole ki menyei kwanisyekwok; ak komeny olooto icheeget, kobooto lagokwak, ak lagogap lagokwak, agoi koigeny: ak koek Daudi otwogindennyu, pounindennywa koigeny.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

JOHANA 17:21

si kobiit koek icheek tugul agenge; ko uu ye imi inyee Abba, eng' anee, ak anee eng' inyee, si kobiit kotep icheek eng' acheek: si kobiit koyan ng'wony kole ki iyookwo.

POISYONIGAP CHE KIYOKTOI 13:33

ko uu ye kigosuldochi `Kamuktaindet lagokyok nooto, amu ki ing'eet Jeso; ko uu ye siraat eng' Tyendap Kalasunet ne po aeng', kole, ‘Ii weeriinnyu, kaasichin rani.’

POISYONIGAP CHE KIYOKTOI 2:39

Amu neng'wong' kayomisoni, ak lagokwok, ak tugul che mi ole loo, ak tugul che ta koguurei Kiptaiyat Kamuktaindet nenyo kobwonji ineendet.”

POISYONIGAP CHE KIYOKTOI 3:26

Ak ye kingo kagong'eet Kamuktaindet kiboityondennyi, koyokwok okweek korook si koberuurok, ak koistoe chii age tugul eng' okweek tengekwogikyik.”

POISYONIGAP CHE KIYOKTOI 4:32

Ak ki po muguleldo agenge ak saboondo agenge tuiyet ne kiga koyan. Ma mwa chii agot agenge kole nenyi kiy age tugul ne ki tinyei, ago ki yamdoi tuguukwak tugul.

POISYONIGAP CHE KIYOKTOI 9:31

Konyoor anyun kamuung'et kaniset eng' emet komugul ne po Judea, Galilaya ak Samaria ak koteegak. Ak ye kibendoti eng' kayweetap Kiptaiyat ak eng' kagaigaet ne po Kabuuset ne Tiliil, kotesak.

ROMANIK 11:16

Ak ngo tiliil tongoaniat, ko tiliil kiit komugul agine: ak ngo tiliil tigityot, ko tiliileen ak icheek mooriik.

1 KORINTOEK 7:14

Amu kitiliili manong'otyot ne ma iyanaat eng' osotyot, ak kitiliili osotyot ne ma iyanaat eng' manong'otyot: nda ma uu nooto ta ma tiliileen lagokwok; ago tiliileen icheek nguno.

2 KORINTOEK 13:11

Ne po let anyun, che kitupche, ko saisere. Oegu che chobootiin; oegu che po kagaigaet; oegu che po kabwaatet agenge; otebi eng' kaalyeet: ak mi Kamuktaindet ne po chamyet ak kaalyeet kobootok.

NG'ATUTIK 5:29

Kata myee anyun nda tinyei kotugul muguleldo ne uu nooto si koiywea ak koriip ng'atuutikyuk tugul si komyeeit eng' icheek ak eng' lagokwak agoi.

NG'ATUTIK 6:2

si kobiit igonyit Kamuktaindet ne Toroor Kamuktaindeng'ung', inyee ak weeriing'ung' ak mochogoreng'ung' eng' peetuusyeguk tugul kotee isabe. Ak iriip kaneetisyosyekyik tugul ak ng'atuutikyik che ang'atiin, si kochang'a peetuusyeguk.

NG'ATUTIK 6:24

Ki ng'atech anyun `Kamuktaindet ne Toroor keyai kaneetisyosyechu tugul, kiywei Kamuktaindet ne Toroor, Kamuktaindennyo si ketepte myeeindo kotugul, si koriibech kesapchee ko uu ra.

HEBRANIK 10:20

eng' ooreet ne leel ak kosabei, ne ki yaatwech, ne chutei angeet ne ki kioiye, ne nooto ko poortanyi;