JEREMIA 3:15 - BUKUIT NE TILIIL Sireet ne Dutero Kanon

¹⁵ Agoonok mestoweek che chamei muguleldanyu, che paok eng' naet ak kaguiyet.

Bukuit Ne Tilil

¹⁵ Agoonok mestoweek che chamei muguleldanyu, che paok eng' naet ak kaguiyet.

BUKUIT NE TILIL

¹⁵ Ak agonok mestowek ko u ye chamei muguleldanyu, che baok eng’ naet ak kaguiyet.

JEREMIA 3:15 Iomraidhean Croise

KALEWANAIK 10:21

Paei piik che chaang' kutitap chiito ne po iman, ago pegu che perber amu ma tinyei naet.

JEREMIA 23:4

Ak ande mestoweek che iyagi: ama koiyweisyei kogeny, anan koaragenso, ama piitu chii ne rarchin kiy, mwaei Kamuktaindet ne Toroor.

JEREMIA 31:10

Ogas ng'olyootap Kamuktaindet ne Toroor, ee okweek pororyosyek, ak omwaite niito eng' ngeguusyek che looen, ole, ineendet ne ki iyeesta Israel, koyumi ak koriip, ko uu ye riibei mestowot akweennyi.

EZEKIEL 34:2

Ee, weeriitap chii, maoten agobo mestowegap Israel, maoten, ak ileenji mestowechooto, Mwaei Kiptaiyat Kamuktaindet ne Toroor kole: Pwo! Mestowegap Israel che paegei amitwogik icheegei! Tos ma nyooljin mestoweek kobai keechiirek?

EZEKIEL 34:23

Ak ande mestowot agenge koyaga icheek, ak kobai icheek, nooto ko otwogindennyu Daudi; paei ineendet icheek, ak koek mestowonnywa.

EZEKIEL 37:24

Ak koek otwogindennyu Daudi laitoryannywa; ak konyoor icheek tugul mestowot agenge: ak kobendatee kirwoogutikyuk ak koriip ng'atuutikyuk ak koyai.

LUKA 12:42

Kole anyun Kiptaiyat, Ng'oo anyun riibindet ne kiyani ak ko ng'oom, ne indoi kiptaiyandennyi kotononji koonnyi, ak kogoochi amitwogikwak che yamei eng' peetuut ne makyin?

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

1 KORINTOEK 2:6

Ago kimwae utaatyet eng' kwenutap che ititaatiin: ago utaatyet ne ma po peetuusyechu, anan ne po pounigap peetuusyechu, che machei koek puch:

1 PETERO 2:2

omach miising' cheego che po ng'omnatetap saboon, che ma tinyei ng'aalseet, ko uu manyurunik, si kobiit onerye agoi yetunet;

1 SAMUEL 13:14

Ago nguno koma kotebyei laitornateng'ung' agoi. Kagocheeng'jigei `Kamuktaindet ne Toroor chiito ne iboiboi muguleldanyi, ak kagonde `Kamuktaindet ne Toroor chiichooto koek pounindet ne pou piikyik amu ma iriip ng'olyoot ne king'atin Kamuktaindet ne Toroor.”