JEREMIA 29:11 - BUKUIT NE TILIIL Sireet ne Dutero Kanon

¹¹ Amu angen kabwaatutik che abwaati agobo okweek, mwaei Kamuktaindet ne Toroor, kabwaatutigap kaalyeet, ma che po yaityet, si agoonok kamang'unet eng' peetuusyekwok che po let.

Bukuit Ne Tilil

¹¹ Amu angen kabwaatutik che abwaati agobo okweek, mwaei Kamuktaindet ne Toroor, kabwaatutigap kaalyeet, ma che po yaityet, si agoonok kamang'unet eng' peetuusyekwok che po let.

BUKUIT NE TILIL

¹¹ Amu angen kabwatutik che abwati agobo okwek, mwaei Jehovah, kabwatutikab kalyet, ma che bo yaitiet, si agonok kamang’unet eng’ betusiekwok che bo let.

JEREMIA 29:11 Iomraidhean Croise

Kitabuutap JOB 23:13

Ne siirei, koma walaksei kabwaatutikyik eng' anee, ak tos ng'oo ne imuuchi kowal ineendet? Ak kiit ne machei saboondanyi koyai, koyaei nooto.

TIENWOGIKAL 33:11

Tonondos ruchinaigap Kamuktaindet ne Toroor koigeny, ak kabwaatutigap muguleldanyi eng' ibinwek tugul.

TIENWOGIKAL 40:5

Ee Kamuktaindet ne Toroor Kamuktaindennyu, ki iyai poisyonik che chaang' che kikwong'ee, kabwaatutik che ibwaate agobo acheek; koma kimuuchi ketetun. Ngot ale amwaita ak ang'alaalee, ko chaang' miising' kot koma kimuuchi kiit.

TIENWOGIKAL 85:9

Iman neegitee yetunennyi icheek che iywei ineendet; Si komeny telunateet emennyo.

ISAIAH 27:4

Ma tinyei nereegek che ng'woneen. Kata myee nda koboryena katook che rutei piich ak che toorei piich! Ta katyegoti icheek, ta kabeele tugul.

JEREMIA 23:5

Ogeero, pwoonei peetuusyek, mwaei Kamuktaindet ne Toroor, che ang'eetyini Daudi Temet ne po iman, ak kolaitoran ko laitoryat, ak kobois eng' ng'omnateet, ak koyai kirwooget ak imanda eng' emet.

JEREMIA 23:6

Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

JEREMIA 24:5

Kamwa Kamuktaindet ne Toroor, Kamuktaindetap Israel, kole: Aitii anyun piik che ki kiluul che po Judah, kogergeit ak logoechu korooron po mogoonik, che ki ayookte koba eng' olito agoi emetap Kaldeik, si konyoor myeeindo.

JEREMIA 30:10

Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

JEREMIA 30:9

Ago otei Kamuktaindet ne Toroor Kamuktaindennywa, ak Daudi laitoryannywa, ne ang'eetyini icheek.

JEREMIA 33:6

Ogeero, anyaai ak asoobi, ak asoobi icheek; ak ang'aang'ji icheek chaang'indap kaalyeet ak imanda.

RIREKAB JEREMIA 3:26

Myee eng' chii komong' ak kogen eng' muitaet yetunetap Kamuktaindet ne Toroor.

EZEKIEL 11:16

mwaa anyun ile, Mwaei Kiptaiyat Kamuktaindet ne Toroor kole: Nganda ki ayestochi icheek ole loo eng' pororyosyek, ak ki aseer icheek koyom emotinwek, kota aegu kora eng' icheek komosta ne tiliil eng' ne matya eng' emotinwek che ki koba.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

MIKAH 4:12

Ago ma naei kabwaatutigap Kamuktaindet ne Toroor, ama iguitos kirwoogennyi; amu ki koyum icheek ko uu ye kiyumjin ratuutigap peek rwanyut ne kiboorsee.

SEKARIA 1:6

Ago tos ki ma ityi kwanisyekwok ng'aleekyuk ak ng'atuutikyuk che ki ang'at otwogikyuk maotik? Ak ki week icheek ak kole, “Ki koyaiywech Kamuktaindet ne Toroor ne po lugoosyek ko uu ye kiga ibwaat kole yaiywech ko uu ortinwekyok, ak ko uu poisyonikyok.”

SEKARIA 13:9

Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.