JEREMIA 27:22 - BUKUIT NE TILIIL Sireet ne Dutero Kanon

²² ki ibei koba Babilon, ak tebee olooto, agoi peetuut ne arutochini icheek, mwaei Kamuktaindet ne Toroor; aibu anyun aweegu kobwa olito.

Bukuit Ne Tilil

²² ki ibei koba Babilon, ak tebee olooto, agoi peetuut ne arutochini icheek, mwaei Kamuktaindet ne Toroor; aibu anyun aweegu kobwa olito.

BUKUIT NE TILIL

²² Kiibei koba Babulon, ak tebe oloto, agoi betut ne arutochini ichek, mwaei Jehovah; aibu anyun aweegu kobwa olito.

JEREMIA 27:22 Iomraidhean Croise

2 LAITORINIK 25:13

Kitui Kaldeik tolochigap sugunonik che ki mi kootap Kamuktaindet ne Toroor, ng'echerok che ki tebee ak nyanjet ne po sugunwet che ki mi kootap Kamuktaindet ne Toroor, ak koip sugunonigap tuguuchooto koba Babilon.

2 ATEPTAP PEETUUSYEK 36:21

si kosulda ng'olyootap Kamuktaindet ne Toroor ne ki mwa eng' kutitap Jeremiah, agoi kogasegei emet sabatoisyekyik: amu ki riip sabatoisyekyik eng' peetuusyechooto ki ma komenyei chii, kot kosulda kenyiisyek tamanwogik tisap.

EZRAH 1:11

Tereenik tugul che po thahabu ak fedha, ko ki ek eliphuusyek muut ak pogol ang'wan. Ki ip Sesbasar chuuto tugul kotogos, ye ki kimutu luulenik kotogos kobunu Babilon kobwa Jerusalem.

EZRAH 7:19

Igoite eng' taitap Kiptaiyat Kamuktaindetap Jerusalem tereenik che kigoonin agobo otisyetap kootap Kamuktaindeng'ung'.

EZRAH 7:9

Ki katoi kotogos eng' Babilon eng' peetuut ne po tai ne po arawet ne po tai ak eng' peetuut ne po tai ne po arawetap muut, koit Jerusalem ko uu ye ki mi ak ineendet euut ne myee ne po Kamuktaindennyi.

KALEWANAIK 21:30

Ma mi utaatyet, anan kaguiyet, anan kirwooget, ne kirindoi Kamuktaindet ne Toroor.

JEREMIA 20:5

Ak agoite kogeny mogornatosyek tugul che po nganasani, ak kelunaikyik tugul, ak tuguukyik tugul che po kamanuutyet, ee konoraik tugul che po laitorinigap Judah, koba eunegap puunikwak, che luulei tuguuchooto, ak konam, ak koip koba Babilon.

JEREMIA 27:21

Ee, mwaei Kamuktaindet ne Toroor ne po lugoosyek, Kamuktaindetap Israel, agobo tereenik che ki ng'et eng' kootap Kamuktaindet ne Toroor, ak eng' kootap laitoryatap Judah ak eng' Jerusalem, kole,

JEREMIA 27:7

Ak koot pororyosyek tugul ineendet ak weeriitnnyi, agoi koit peetuusyegap emennyi: ak koyae anyun pororyosyek che chaang' ak laitorinik che eecheen ineendet koek otwogindennywa.

JEREMIA 29:10

Amu mwaei Kamuktaindet ne Toroor kole, ye ibata kenyiisyek tamanwogik tisabu omi Babilon, arutochok, ak asuldawok ng'olyoondennyu ne myee, amutwok obwa olito.

JEREMIA 32:5

ak komut Zedekiah kwo Babilon, ak kotebee olooto agoi tuun aityi pireet ineendet, mwaei Kamuktaindet ne Toroor: agot ngo pargei ak Kaldeik, koma kiberuurok?

JEREMIA 34:2

Mwaei Kamuktaindet ne Toroor, Kamuktaindetap Israel kole ui ing'alaalji Zedekiah laitoryatap Judah ileenji, mwaei Kamuktaindet ne Toroor kole, Keero, agoochini nganasani eutap laitoryatap Babilon, ak kobeel eng' maat:

JEREMIA 34:3

amechililee eunnyi, ago kiluulin iman, ak kindein eunnyi, ak igeer laitoryatap Babilon togoch, ak ong'alaal tuwai kimni, ak iwe Babilon.

JEREMIA 34:5

imee eng' kaalyeet; ak peelun icheek ko uu nooto ko uu ye kigebeelji kwanisyeguk, laitorinik che po tai che ki indounenen; ak koriirchin, kole, “Pwo kiptaiyat! Amu kaamwa ng'olyoot,” mwaei Kamuktaindet ne Toroor.