JEREMIA 23:8 - BUKUIT NE TILIIL Sireet ne Dutero Kanon

⁸ Ago, mwaei kole, ko uu ye sabei Kamuktaindet ne Toroor, ne ki imut iyoteetap kootap Israel komong' eng' emet ne po murot kaataam, ak eng' emotinwek tugul ole kigaonji icheek, ak komeny emennywa.

Bukuit Ne Tilil

⁸ Ago, mwaei kole, ko uu ye sabei Kamuktaindet ne Toroor, ne ki imut iyoteetap kootap Israel komong' eng' emet ne po murot kaataam, ak eng' emotinwek tugul ole kigaonji icheek, ak komeny emennywa.

BUKUIT NE TILIL

⁸ Ago, mwaei kole, Ko u ye sobei Jehovah, ne kiimut iyotetab gotab Israel komong’ eng’ emet ne bo murot ne bo katam, ak eng’ emotinwek tugul ole kigaonji ichek, ak komeny emenywa.

JEREMIA 23:8 Iomraidhean Croise

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

JEREMIA 16:14

Nooto anyun, ogeero, pwoonei peetuusyek, mwaei Kamuktaindet ne Toroor, ne ma kemwaei kogeny keele, Ko uu ye sabei Kamuktaindet ne Toroor, ne ki imut piigap Israel komang'une emetap Misiri;

JEREMIA 16:15

ago, kileen, Ko uu ye sabei Kamuktaindet ne Toroor, ne ki imut piigap Israel eng' emetap murot kaataam, ak eng' emotinwek tugul che kiga koonji icheek: ak amutu icheek kogeny kobwa emennywa ne ki agoochi kwanisyekwak.

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 29:14

Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.

JEREMIA 30:10

Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

JEREMIA 30:3

Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji.

JEREMIA 31:8

Keero, amutu icheek eng' emet ne po murot kaataam, ak ayum icheek eng' ole poochin ng'wony, kobooto ne koraat ak ne ing'wali, kobooto kwondo ne tamono, ak ineendet ne machei kosigiis: weeksei olito, ko tuiyet ne oo.

JEREMIA 32:37

Ogeero, ayumi icheek komong' eng' emotinwek tugul che kigaonji icheek amu nereegekyuk, ak eng' nereegekyuk che ng'woneen, ak eng' nereegek che eecheen, ak amutu icheek kogeny kobwa olito, ak agoochi komeny eng' chametapkei.

JEREMIA 8:3

Igaigai kolewen meet kosiir sabeet piik tugul che ng'etu, che ng'etune koiito ya, che ng'etu eng' komoswek tugul che ki aoonji, mwaei Kamuktaindet ne Toroor ne po lugoosyek.

EZEKIEL 28:25

Mwaei Kiptaiyat Kamuktaindet ne Toroor kole: Ye tuun kaayum kootap Israel komang'une pororyosyek ole kiga kiyestoochi, ak aegu ne itabaanat eng' icheek eng' taitap pororyosyek, komeny anyun emennywa ne ki agoochi otwogindennyu Jakobo.

EZEKIEL 34:13

Ak amutu komong' eng' pororyosyek, ak ayumu eng' emotinwek, ak amutu kobwa emennywa; ak abai icheek eng' tuloonoogap Israel, eng' ole neegitee kereruusyek, ak eng' komoswek tugul che ki menyei eng' emonooto.

EZEKIEL 36:24

Amu amutwok omang'une pororyosyek, ak ayumak omong'u eng' emotinwek tugul, ak amutwak obwa emeng'wong'.

EZEKIEL 36:35

Ak tuun mwaei kole, kaigei emoni kiga koguber, mbareetap Eden; ak kageng'ot ak kemeny nganasook che kiga koek karatwek, ak koguber, ak kong'emak.

EZEKIEL 37:25

Ak komeny emet ne ki agoochi Jakobo otwogindennyu, ole ki menyei kwanisyekwok; ak komeny olooto icheeget, kobooto lagokwak, ak lagogap lagokwak, agoi koigeny: ak koek Daudi otwogindennyu, pounindennywa koigeny.

EZEKIEL 39:28

Ak konai icheek kole aa Kamuktaindet ne Toroor Kamuktaindennywa, amu ki agoite icheek keluul koba pororyosyek, ak koayumji icheek emennywa: ama abagakyini agot agenge olooto kogeny;

JOEL 3:7

ogeero, ang'eeti icheek komong' eng' ole ki oaldochi, ak aweekwok konyo meting'wong' kioto ogeerunena;

MIKAH 7:15

Aboorchini ineendet tuguuk che kikwong'ee ko uu eng' peetuusyek che ki imong'u eng' emetap Misiri.

SEPANIA 3:20

Amutwok eng' peetuusyechooto, ak ayumak eng' peetuusyechooto: amu ayaok onaage ak olasunage eng' kwenutap pororyosyek tugul che po ng'wony, ak tuun aweekwok poroteet ogeere, mwaei Kamuktaindet ne Toroor.