JEREMIA 23:5 - BUKUIT NE TILIIL Sireet ne Dutero Kanon

⁵ Ogeero, pwoonei peetuusyek, mwaei Kamuktaindet ne Toroor, che ang'eetyini Daudi Temet ne po iman, ak kolaitoran ko laitoryat, ak kobois eng' ng'omnateet, ak koyai kirwooget ak imanda eng' emet.

Bukuit Ne Tilil

⁵ Ogeero, pwoonei peetuusyek, mwaei Kamuktaindet ne Toroor, che ang'eetyini Daudi Temet ne po iman, ak kolaitoran ko laitoryat, ak kobois eng' ng'omnateet, ak koyai kirwooget ak imanda eng' emet.

BUKUIT NE TILIL

⁵ Ogeero, bwanei betusiek, mwaei Jehovah, che ang’eetyini Daudi Temet ne bo iman, ak kolaitoran ko laitoriat, ak kobois eng’ ng’omnatet, ak koyai kiruoget ak imanda eng’ emet.

JEREMIA 23:5 Iomraidhean Croise

2 SAMUEL 23:3

Ki ng'alaal Kamuktaindetap Israel, ki ng'alaalwo Rwandetap Israel kole: “Ineendet ne pou piik eng' imanda, ko ingoboi eng' kaiyweisyetap Kamuktaindet,

TIENWOGIKAL 45:4

Eng' etunateng'ung' iwendote eng' katerteerisyet, agobo imanit ak iriip imanda. Ak ineetin eung'ung' ne po tai poisyosyek che imuisei.

TIENWOGIKAL 80:15

Ak keetit ne ki imiine eung'ung' ne po tai, Ak temeet ne ki igimityige.

TIENWOGIKAL 99:4

Chamei kimnateetap laitoryat kirwooget; Igimiiti imanda, Iyae kirwooget ak imanda eng' Jakobo.

ISAIAH 33:5

Toroor Kamuktaindet ne Toroor; amu menyei parak, ki konyiit Zion kirwooget ak imanda.

ISAIAH 4:2

Korooronitu ak kotorooritu eng' peetuunooto temetap Kamuktaindet ne Toroor, ak ko telunotin ak ko korooron logoegap emet eng' icheek che kichililso eng' Israel.

ISAIAH 42:6

Ki aguurin, anee Kamuktaindet ne Toroor eng' imanda, ak anam eung'ung' ak ariibin, ak agoonin iegu arorutyetap piik, iegu lapkeiyetap Pororyosyek;

ISAIAH 45:24

Leenjino age, Mi eng' Kamuktaindet ne Toroor ineegei imanda ak kimnateet: pwaanjin `piik ineendet ak kolilaandos icheek tugul che ki nereekyi ineendet.

ISAIAH 52:13

Ogeero, poisyee otwogindennyu ng'omnateet, kieeti ak kitoroori, ak kotororit miising'.

ISAIAH 53:10

Ago ki cham Kamuktaindet ne Toroor koguoten ineendet; ki igoochi arageneet; ye tuun iyai saboondanyi koek kagoochinet agobo tengekto, tuun keerei iyotennyi, tuun tesei peetuusyekyik, ak kotesak chametap Kamuktaindet ne Toroor eng' eunnyi.

ISAIAH 53:2

Amu tuun eetu eng' tainnyi ko uu keetit ne ng'arng'ar, ak eetu ko uu tigityot eng' emet ne yaamaat: ma tinyei itoon anan korooronindo; ak ye kigeere ineendet koma mi korooronindo kot kecham.

ISAIAH 9:5

Amu kibeelei kweonik tugul che po chiitap lugeet eng' wasetapkei, ak ngoroik che ki isegei korotiik, egu tugul che laldos.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

JEREMIA 22:15

Tos ilaitoran, amu igiiligei ibelisye eng' taragonik? Tos ki ma amis kwandang'ung' ak koeeiso, ak koyai kirwooget ak iman? Kimyeeit anyun eng' ineendet.

JEREMIA 22:3

Mwaei Kamuktaindet ne Toroor kole: Oyai okweek kirwooget ak imanda, ak osaru ne ki kiluul komong' eng' eutap usiindet: amat oyai ne ya, anan koroomnateet, oyachi toondet, anan ne ma tinyei sigiik, anan mosoget, amotumde korotiik che ma tinyei tengek, eng' olito.

JEREMIA 22:30

Mwaei Kamuktaindet ne Toroor kole, osir chiichi ole ma tinyei lakwa, chiito ne maborei eng' peetuusyekyik: amu maborei chii ne po iyotennyi, ne tebee ng'echereetap laitornatet ne po Daudi, ak koboi kogeny eng' Judah.

JEREMIA 23:6

Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

JEREMIA 29:11

Amu angen kabwaatutik che abwaati agobo okweek, mwaei Kamuktaindet ne Toroor, kabwaatutigap kaalyeet, ma che po yaityet, si agoonok kamang'unet eng' peetuusyekwok che po let.

JEREMIA 30:3

Keero, pwoonei peetuusyek, mwaei Kamuktaindet ne Toroor, che awale luuleetap piikyuk Israel ak Judah, mwaei Kamuktaindet ne Toroor: ak agoochi icheek koweek kobwa emet ne ki agoochi kwanisyekwak, ak kobunji.

JEREMIA 30:9

Ago otei Kamuktaindet ne Toroor Kamuktaindennywa, ak Daudi laitoryannywa, ne ang'eetyini icheek.

JEREMIA 31:27

Ogeero, pwoonei peetuusyek, mwaei Kamuktaindet ne Toroor, che agooljini kootap Israel ak kootap Judah iyoteetap chii ak iyoteetap tyony.

EZEKIEL 21:27

Agabui, agabui, agabui; ma kobiitu nooto kogeny, kot konyo ne nyoljin kobunji; si agoochi ineendet.

EZEKIEL 34:16

Acheeng'e ne ki pet, ak amutu kogeny ne ki kioon, ak arop ne ki il, ak agimiit ne kimyani: ak abar ne neraat kobooto ne kiim: abae icheek kirwooget.

EZEKIEL 34:29

Ak achopchi icheek mbareet ne tagunoot, ama kobarei rubeet icheek eng' emet, ama koiboti kalilanet ne punu pororyosyek.

EZEKIEL 45:8

Punjin ineendet emonooto eng' Israel. Ama kousei kogeny pounikyuk piikyuk; ago igoochin emet kootap Israel kobee pororyosyekwak.

HOSEA 1:11

Iyumigei piigap Judah ak piigap Israel, ak kolewenjigei kandoindet agenge; ak paraitu ak konyoor keljiin eng' emonooto; amu egu peetuut ne oo peetuutap Jezreel.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

AMOS 9:11

Ang'eeti eng' peetuunooto emaitap Daudi ne ki kobut, ak agerate ole kibutok; ak atuuru karatwekyik, ak ateech koigei ne ki po peetuusyek che po keny.

MIKAH 5:3

Igoitoi anyun ineendet icheek kot koit peetuut ne sigisyei ineendet ne tinyei ng'wanindo: tuun weekyingei anyun che ki ng'et che po tupchosyekyik, piigap Israel.

SEKARIA 3:8

Kas anyun nguno, ee Joshua tisiindet ne oo, inyee kobooto choronoguk che ibuuri eng' taing'ung'; amu kaboorunet pichooto: amu, keero, amutu otwogindennyu ne Temet.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

MATAYO 2:2

koteeboti kole, “Mi ano ineendet laitoryatap Yahudik ne ko ki sich? Kogigeer kecheiyandennyi eng' kong'asiis, ak kagibwa kilasu ineendet.”

JOHANA 1:45

Ki nyoor `Philipu Nathanael ak koleenji, “Kagenyooru ineendet ne ki sir Musa eng' Ng'atuutyet ak kosir maotik, nooto Jeso ne po Nazareth weeriitap Joseph.”

JOHANA 1:49

Kowolji Nathanael kole, “Rabbi, ii Weeriitap Kamuktaindet; ii Laitoryatap Israel!”

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

HEBRANIK 8:8

Amu ye kingo nyoorchi lelutik icheek, komwa kole: “Ogeero, pwoonei peetuusyek, mwaei Kiptaiyat kole, che tuun kiyomisyinige kayomiset ne leel ak kootap Israel ak kootap Judah.

NG'ANG'UTYET 19:11

Ak ki ageer koyaatak kipsengwet, ak ogeero, paraisiit ne leel, ak ineendet ne kitebee, ko ki kiguuree Ne Kiyani ak ko Iman; ak korwoochi ak koyaei lugeet eng' imanda.