JEREMIA 23:25 - BUKUIT NE TILIIL Sireet ne Dutero Kanon

²⁵ Ki agas kiit ne ki mwa maotik, che maoteni lembechek eng' kainennyu kole, koarwotyi, koarwotyi.

Bukuit Ne Tilil

²⁵ Ki agas kiit ne ki mwa maotik, che maoteni lembechek eng' kainennyu kole, koarwotyi, koarwotyi.

BUKUIT NE TILIL

²⁵ Kiagas kit ne kimwa maotik, che maoteni lembechek eng’ kainennyu kole, Koaruotyi, koaruotyi.

JEREMIA 23:25 Iomraidhean Croise

TAUNET 37:5

Ki irwotyi Joseph karwotitoet, ak ye kingo mwachi weeriik che tupcho, ko kites icheek kowech ineendet kosiir.

TAUNET 37:9

Ki irwotyi karwotitoet age kogeny, ak komwachi tupchosyekyik koleenji, “Ogeero, koarwotyi kogeny karwotitoet: koing'uruukyoo asiista ak arawet ak kecheik taman ak agenge.”

TIENWOGIKAL 139:2

Ingen ye atebye ak ye ang'eete, ingen kabwaatutikyuk agot ngimi ole loo.

TIENWOGIKAL 139:4

Amu ma mi ng'olyoo ng'elyeptannyu, keero, ingen inyee tugul, ee Kamuktaindet ne Toroor.

JEREMIA 13:27

Ki ageer tuguuguk che kiwechei, ibeetapkei neng'ung' ak kateeng'ung' ne po mageet, tengektap kugoinateng'ung' eng' tuloonook che mi kewanin. Pwo eng' inyee, ee Jerusalem! Memache itiliiliitu, yaaksei niito kot kotyanit?

JEREMIA 14:14

Ago ki leenjo anyun Kamuktaindet ne Toroor, maoteni maotik lembechek eng' kainennyu. Ma ayookte icheek, ama ang'at icheek anan ang'alaalji. Maotenwok ng'ang'utyet ne po lembech, kobooto ng'oorset ak kiit ne po puch ak kaberberisyetap mugulelwekwak.

JEREMIA 16:17

Amu ageere emotinwekwak tugul: ma ung'ootiin eng' tainnyu, ama ung'aat tengektonywa si ma keer.

JEREMIA 23:28

Ingomwa maotyot karwotitoet ne koirwotyi; ak ineendet ne tinyei ng'olyoondennyu komwa eng' imanda. Ting'egei nee meteteek ak nganuuk? Mwaei Kamuktaindet ne Toroor.

JEREMIA 23:32

Mwaei Kamuktaindet ne Toroor kole, ogeero, agirindoi icheek che maoteni karwotitaosyegap lembech, komwaita, ak kogoochi piikyuk kolel amu lembechekwak, ak eng' kachaunennywa pogei ne po puch: ago ma ayookte, anan ang'at icheek; ama toreti pichu agot kitigin, mwaei Kamuktaindet ne Toroor.

JEREMIA 27:10

amu maotenwok lembeita, si koistook olooegitu eng' emeng'wong'; kole si aoonak olusye.

JEREMIA 27:15

Amu ma ayoogu icheek, mwaei Kamuktaindet ne Toroor, ago maoteni lembechek eng' kainennyu kole si aoonak, ak olusye, okweek ak maotik che maotenwok.

JEREMIA 29:23

amu ki koyai perberyo eng' Israel, ak koyai ibeetapkei ak osotigap piigap kokwennywa, ak ki komwa ng'aleek che po lembech eng' kainennyu, che ki ma ang'at icheek; ak ko aneendet ne angen, ak ko aa paoryat, mwaei Kamuktaindet ne Toroor.

JEREMIA 29:8

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Among' koberberak maotik che mi kwenung'wong', ak piikwok che ng'oorsei, anan oyan karwotitaosyekwok che orwotyini.

JEREMIA 8:6

Ki aep iit agas, ago ma ng'alaal icheek che po iman. Ma mi chii ne sigu eng' yaityennyi, kole, ‘Koyai nee? Isubi chii tugul ooreennyi, ko uu paraisiit ye labati kochutei lugeet.

RIREKAB JEREMIA 2:14

Ki kogeer maotiguk ng'ang'utik agobo inyee che po tangoita ak perberyo; ak tomo kong'aany kotook tengektong'ung', si koweechin kogeny eng' ole ki kiluuljin, ago ki kogeer agobo inyee lautik che po puch ak ng'aleek che po kamaaset.

EZEKIEL 22:28

Ak ki komalse maotikyik taartaarik che ma myachen, komalsechi icheek, kogeerei tangoita, ak kong'orchin icheek lembechek, koleenjin, Mwaei ko uu ni Kiptaiyat Kamuktaindet ne Toroor, ye ma mwa kiy Kamuktaindet ne Toroor.

JOEL 2:28

Ak ye ibata chooto, ko tuun aroong'jini Kabuusennyu piik tugul; ak komaoten weeriikwok ak tiibiikwok, irwotyin poisyekwok karwotitaosyek, keerei murenikwok ng'ang'utik:

SEKARIA 13:3

Ak ngot ko tuun komaoten age tugul, koleenji anyun kwanda ak kamet che kisichei chiichooto, Mesabe; amu imwae lembechek eng' kainetap Kamuktaindet ne Toroor: ak kotoor ineendet kwanda ak kamet che kisichei ineendet, ye kamaoten.

KAITOSYEK 12:6

Ki leenji anyun Kamuktaindet ne Toroor, “Ogas anyun ng'aleekyuk: Ngo mi maotyot kwenung'wong', aboorchinigei anee Kamuktaindet ne Toroor eng' ng'ang'utyet, ang'alaaljini eng' karwotitoet.

MATAYO 1:20

Ago ye kingo ta kobwaati tuguuchu, ogeero, ki mong'ji ineendet malaikaiyatap Kiptaiyat eng' karwotitoet kole, “Joseph weeriitap Daudi, ameiywei imutyigei Maria koek osotyondeng'ung' amu managaat ineendet eng' Kabuuset ne Tiliil.

LUKA 12:3

Amu kiy age tugul ne omwae eng' mesundeito kotun kegasei eng' ole lapkei; ak che ki ochaamji itit eng' koot oriit kotun kemwaitoi eng' koot parak.

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

HEBRANIK 4:13

Ama mi kiy age tugul ne ki kiyai ne ma taagu eng' tainnyi: ago ng'ang'otin ak yaatatin tuguuk tugul eng' taitap koonyek che po ineendet ne tuun kitetyini atebosyekyok.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.