JEREMIA 22:22 - BUKUIT NE TILIIL Sireet ne Dutero Kanon

²² Paei usoonet mestoweguk tugul, ak keluul chamaniguk: ililan iman anyun ak itoptoben agobo yaityeng'ung' tugul.

Bukuit Ne Tilil

²² Paei usoonet mestoweguk tugul, ak keluul chamaniguk: ililan iman anyun ak itoptoben agobo yaityeng'ung' tugul.

BUKUIT NE TILIL

²² Baei usonet mestoweguk tugul, ak keluul chamaniguk: ililan iman anyun ak itoptoben agobo yaitieng’ung’ tugul.

JEREMIA 22:22 Iomraidhean Croise

ISAIAH 64:6

Amu ki kiige tugul chii ne po simdo, ak uu imandanyo tugul ngoryeet ne murwoon: ak kirestosi acheek tugul ko uu sogoot; ak onech yaitwogikyok ko uu ye onsei usoonet.

ISAIAH 65:13

Mwaei anyun Kiptaiyat Kamuktaindet ne Toroor kole, ogeero, tuun amisyei otwogikyuk, ago amok rubeet: ogeero, tuun eeisei otwogikyuk, ago amok melel: ogeero, tuun paibaitu otwogikyuk, ago olilandosi:

JEREMIA 10:21

Amu kigoigei mestoweek tyong'ik, amata koteepse `icheek Kamuktaindet ne Toroor. Amu nooro, ko mata konyoor anyun kaberuret, ak kagiyesta keechiirekwak tugul.

JEREMIA 12:10

Kigong'em mbareennyu ne po sabibuk mestoweek che chaang', ki kotyegat kebebertanyu, ki koyai kebebertanyu ne karaaran koek surkwen ne ma mi kiy.

JEREMIA 2:36

Amu nee si iombenote, iwalawali pandang'ung'? Kigoonin ililan agobo Misiri, ko uu ye ki kigoonin ililan agobo Assyria.

JEREMIA 2:37

Imandoe ineendet agine, inamoti meting'ung'. Amu ki koeesyo Kamuktaindet ne Toroor kamang'unosyekwok, ak meboree chooto.

JEREMIA 2:8

Ma teep tisiik kole, mi ano Kamuktaindet ne Toroor?” Ma naa icheek che tinyei ng'atuutik. Ki ingelelja pounik ak icheek, ak ki maotensee maotik Baal, ak kobendatee tuguuk che ma ki nyoorunee kelunet.

JEREMIA 20:11

Ago mi Kamuktaindet ne Toroor kobooto ko uu ineendet ne kiim ak komuisei: kinachi anyun usiikyuk, ama iterteerisyei: ililandos kot, amu ma yai eng' ng'omnateet, ak ma koi kiutye teweernatennywa ne po koigeny.

JEREMIA 30:14

Kigoutyenen chamaniguk tugul: ma cheeng'in: amu kaaguotenin eng' kaguotenetap puunyoot eng' katigonetap ineendet ne koroom; amu ooindap yaityeng'ung', amu kitesagis tengekwogiguk.

JEREMIA 4:30

Ak inyee, ne kigeng'emin, iyae nee? Amu nee si ilaachi ngoroik che piriireen? Amu nee si ilelesanegei tuguuk che po thahabu? Agot ngibaraae konyeguk saleiywek, ko puch korooronindo ne iyachinigei. Sasin chamaniguk, cheeng'ei saboondang'ung'.

JEREMIA 5:13

Maotik koma kiy ago usoonet kityo, ama mi ng'olyoot eng' oriitinnywa. Ara anyun ingeyachi icheeget ko uu ye mwaei.

JEREMIA 7:19

Tos tachei ng'oo pichooto konereech? Tos anee? Mwaei Kamuktaindet ne Toroor. Tos matachegei icheegei, si kogoochigei kalilanet eng' togoochikwak?

HOSEA 12:1

Paegei Ephraim usoonet, ak kosuboti usoonetap kong'asiis; tesei kotugul lembechek ak ng'emisyet; ak koyomisegei kobooto Assyria, ak keip mwanik koba Misiri.

HOSEA 13:15

Agot ngo nyoor perurto ineendet eng' kwenutap tupchosyekyik, konyonei usoonetap kong'asiis, togosu kabuusetap Kamuktaindet ne Toroor eng' surkwen, ak koteeny kondanyi ne po peek, ak koteeny kondametunnyi: luulei konorwetap tuguukyik tugul.

HOSEA 4:19

ki kotuch usoonet ineendet eng' kebebaikyik; ak ililandos amu tiseiywekwak.

SEKARIA 11:17

Pwo! Mestowot ne ma tilei kiy ne pagaktoi akweet! Ingooep rotwetap chok eunnyi ak kobol kondanyi ne po tai, ingoyaamei eunnyi ak kogor kondanyi ne po tai.

SEKARIA 11:8

Ak ki ang'em mestoweek somok eng' arawet agenge; amu kigong'et saboondanyu agobo icheek, ak kowecho kogeny saboonwekwak.