JEREMIA 22:17 - BUKUIT NE TILIIL Sireet ne Dutero Kanon

¹⁷ Ago matokyingei konyeguk ak muguleldang'ung' kiy age kobatee tuguugap ng'wen, ak tumdaetap korotiik che ma tinyei tengek, ak sastaet, ak koroomnateet, koyai chooto.

Bukuit Ne Tilil

¹⁷ Ago matokyingei konyeguk ak muguleldang'ung' kiy age kobatee tuguugap ng'wen, ak tumdaetap korotiik che ma tinyei tengek, ak sastaet, ak koroomnateet, koyai chooto.

BUKUIT NE TILIL

¹⁷ Ago matokyingei konyeguk ak muguleldang’ung’ kiy age kobate tugukab ng’wen, ak tumdaetab korotik che matinyei tengek, ak sastaet, ak koromnatet, koyai choto.

JEREMIA 22:17 Iomraidhean Croise

1 LAITORINIK 21:19

Ing'alaalji ineendet ileenji, ‘Kamwa Kamuktaindet ne Toroor ko uu ni, kole: Kaibar ak kenam kobunjiin?’ Ak imwachi ileenji, ‘Kamwa Kamuktaindet ne Toroor ko uu ni, kole: Ole kimele sesenik korotiigap Nabot, komele yooto sesenik korotiguk ak icheek.’ ”

2 LAITORINIK 23:37

Ak ki yai yaityet eng' taitap Kamuktaindet ne Toroor, ko uu tugul che kiga yai kwanisyekyik.

2 LAITORINIK 24:4

ak agobo korotiik che ma tinyei tengek che kitumda. Amu ki inyiit ineendet Jerusalem korotiik che ma tinyei tengek, ak ki eesyo Kamuktaindet ne Toroor konyochi kaat.

2 ATEPTAP PEETUUSYEK 36:8

Ak poisyonik che ng'etunotiin che po Jehoiakim, ak tuguuk che kiwechei che ki yai, ak tuguuk che yaach che ki kinyoorchi ineendet, ogeero, siraatiin eng' kitabuutap laitorinigap Israel ak Judah: ak ki laitoran Jehoiakin weeriinnyi kogeer ineendet.

Kitabuutap JOB 31:7

Ngot ko kagomasta kakwaennyu, ak koosup muguleldanyu konyekyuk, ak ngot ko kagonam tisyet age tugul eunekyuk,

TIENWOGIKAL 10:3

Ilasunegei kiptengekyot mageetap muguleldanyi, icheeget che kipkeinik agobo kelunet ko chubei ak kosasei Kamuktaindet ne Toroor.

KOMONG'U 18:21

Nyolu kogeny ilewenote eng' piik tugul piik che kiimeen, che iywei Kamuktaindet, piigap imanit che wechei tuguugap asoya. Inde icheek koboi piik koek pounigap eliphuusyek, che po pogolwogik, che po konomusyek ak che po tamanusyek.

KALEWANAIK 24:2

amu ineetegei mugulwekwak usiisyet, ak mwaei kutusweekwak che yaacheen.

ISAIAH 56:11

Ee, kipkein sesenik, ma piyong'dos agoi; ak chuuto ko mestoweek che ma iguitos kiy: ki komaasta tugul koosup ooreenywa, kigosup chii tugul keljinennyi, eng' komosta age tugul.

JEREMIA 17:11

Ko uu taiywet ne igeenyi aarek che ma chechiik, uu nooto ne nyooru mogornatosyek ama eng' iman; petos kota kosabei ineendet, ak koek ineendet eng' kagesunennyi chiito ne perber.

JEREMIA 19:4

Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

JEREMIA 22:3

Mwaei Kamuktaindet ne Toroor kole: Oyai okweek kirwooget ak imanda, ak osaru ne ki kiluul komong' eng' eutap usiindet: amat oyai ne ya, anan koroomnateet, oyachi toondet, anan ne ma tinyei sigiik, anan mosoget, amotumde korotiik che ma tinyei tengek, eng' olito.

JEREMIA 6:13

Amu kobooch ne ming'in agoi ne oo eng' icheek, ko tinyei age tugul keyandiit, ak kobooch maotyot agoi tisiindet, ko yaei kaberberisyet age tugul.

JEREMIA 6:6

Amu kagomwa Kamuktaindet ne Toroor ne po lugoosyek kole, Oluul, oep keetiik ak owasyi ng'ung'unyek Jerusalem, amu niito nganaseet ne kebirei, sastaet ineegei ne mi kwenunnyi.

JEREMIA 7:6

ngot ko mosastoe toondet, ak ne ma tinyei sigiik, ak mosoget, amotumde korotiik che ma tinyei tengek eng' olito, anan osubote kamuktaik che teer ogoochinegei nyalilda,

JEREMIA 8:10

Agoochini anyun piik alak osotikwak, ak agoochi mbareenikwak piik che namei kobunji, amu kobooch ne ming'in agoi ne oo, kotinyei age tugul kasetap myat, ak yaei age tugul kaberberisyet kobooch maotyot agoi tisiindet.

EZEKIEL 18:12

ne ki koyachi ne ya kibananiat ak ne ma tinyei kiy, ne ki korebis eng' koroomnateet, ne tomo koweekta kiit ne ki kiname pesendo, ak ki kotokyi konyekyik kanamonik, ne ki koyai kiit ne kiwechei,

EZEKIEL 19:6

Ak kiwendote kwenutap ng'etuunyik ak ki ek ng'etundo ne neran: ak ki ineetkei logeet, ki am piich.

EZEKIEL 19:7

Ak ki nai kooriikwak che po laitorinik, ak king'em nganasookwak; ak kiguber emet, ak tuguugap emonooto, amu tuugeetap porisenennyi.

EZEKIEL 19:9

Ak ki inde ineendet korgoreet, ko rataat eng' kombook, ak komutyi ineendet laitoryatap Babilon; ki imut ineendet konyo irimoik, si mata kogas chii kutinnyi eng' tuloonoogap Israel.

EZEKIEL 22:6

Ogeero, pounigap Israel, mi age tugul eng' kimnateennyi, eng' kwenung'ung', si kobiit kotumda korotiik.

EZEKIEL 33:31

Ak kobwonjin ko uu ye pwoonei piik, ak kotep ng'wony eng' taing'ung' ko uu piikyuk, ak kogas icheek ng'aleeguk, ago ma yaei: amu iboortoi chamyet ne oo eng' ng'aleekwak, ago isubi mugulelwekwak kelunennywa.

MIKAH 2:2

Kasei myat mbareenik, ak korep; kobooto kooriik, ak koip: ak kous chiito kobooto koonnyi, chiito kobooto tuguukyik.

MIKAH 3:10

Teege Zion korotiik, ak koteege Jerusalem tengekto.

SEPANIA 3:3

Uu pounikyik che mi kwenunnyi ng'etunyik che porisendos, ak ko uu suigap koskoleny kirwoogikyik, che ma ituuchi kiy agoi koeech.

ROMANIK 1:29

ko nyiitaat tuguuk tugul che ma po iman, sogornateet, kasetap myat, yaityet; nyiitaat ng'etkonda, rumisyet, pooryeet, keniisyet, suryet; chaamik,

1 KORINTOEK 6:10

anan chooriik, anan kipkeinik, anan kibogitinik, anan che chubisyei, anan rebiik, che nyooru laitornatetap Kamuktaindet.

KOLOSAIK 3:5

Obar anyun kebeberwekwok che miitei ng'wony; sokseet, simdo, maguutik che samisen, mageet ne ya, ak kasetap myat, nooto saaetap kanamonik;

JOSHUA 7:21

Kinga keer eng' tuguuk che ki kiluul ngoryeet ne karaaran ne po Babilon ak shekelisyek pogol aeng' che po fedha, ak thahabu ne nyigiisindanyi ko shekelisyek konom, agase myat anyun ak aip. Ung'ootiin tuguuchooto eng' ng'wony eng' kwenutap emainnyu ak ko tabanu ng'wony fedha eng' tuguuchooto.”

2 PETERO 2:14

piik che tinyei koonyek che nyiitootiin ibeetapkei, amaimuuchi kometo tengekto; che ichuuti saboonwek che ma tononiotiin; che tinyei mugulelwek che ki konetkei kasetap myat; lagogap chubeet;

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.

1 SAMUEL 8:3

Ma pendate weeriikyik ortinwekyik, ago kimasta kosup mogornateet eng' ooreet ne ya. Kitaach asoya ak komaas kirwooget.