JEREMIA 17:9 - BUKUIT NE TILIIL Sireet ne Dutero Kanon

⁹ Kaberberin muguleldo kosiir tuguuk tugul, ak ko ya miising': ng'oo ne imuuchi konai?

Bukuit Ne Tilil

⁹ Kaberberin muguleldo kosiir tuguuk tugul, ak ko ya miising': ng'oo ne imuuchi konai?

BUKUIT NE TILIL

⁹ Kaberberindet muguleldo kosiir tuguk tugul, ak ko ya mising’: ng’o ne imuchi konai?

JEREMIA 17:9 Iomraidhean Croise

TAUNET 6:5

Ki keer Kamuktaindet ne Toroor kole, oo miising' tengektap kimugulmet eng' ng'wony, ak kabwaatutik tugul che po muguleldanyi ko tengekto kityo peetuut age tugul.

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

2 SAMUEL 11:15

Ki sir eng' parwaanooto kole, “Onde Uriah tai eng' lugeet ne ng'waan miising', ak ochuchuigei obagaakte ineendet si kobiit kebar kome.”

TIENWOGIKAL 51:5

Keero, ki kisikta tengekto; ak kimanakta kamennyu chalwok.

TIENWOGIKAL 64:7

Ago mwogei Kamuktaindet icheek; ak koguoten eng' yooto.

KALEWANAIK 28:26

Perber ineendet ne imang'ugei; ago kisaru age tugul ne wendotee utaatyet.

AMDOINDET 9:3

Niito ko yaityet eng' tugul che kiyaei eng' kurereetap asiista, mi kiit agenge ne ityin tugul: ee, nyiitaat mugulelwegap weeriigap piik, yaitwogik, ak mi iywek mugulelwekwak kotee kosaptos, ye ibata, koba ole mi che ki kobek.

ISAIAH 1:5

Amu nee si kota kebirok, kot obistoe miising' kosiir? Myani metit komugul, ki kotanui muguleldo komugul.

ISAIAH 1:6

Ma mi ole sabei kobooch keldebesyet agoi metit; ago tinyei mook ak kaneerutik, ak mook che inenderi; ma kiuun, ama kirat, ama kinuur eng' mwaita.

ISAIAH 6:10

Yai mugulelwegap pichu konyigiisitu, ak kotimogis itiikwak, ak kogerogis konyekwak, si ma keertoe konyekwak, ama kastoe itiikwak, anan koguiyo eng' mugulelwekwak, ak kowalogis, ak kisoop.

JEREMIA 16:12

ak ki oyai yaityet kosiir kwanisyekwok; amu, ogeero, wendoti age tugul eng' okweek kosubi uuindap muguleldanyi ne ya, kot koma oepcha iit:

JEREMIA 7:24

Ago ma kas, ama ep iit, ago kibendatee kirwoogutikwak ak uuindap mugulelwekwak che yaacheen. Kituitui koba let, ma pa tai.

MATAYO 13:15

Amu kwalilenotin mugulelwegap pichu, ak ma kastoi komyee iitiikwak, ak ki kogeer konyekwak, si ma keer eng' konyekwak, anan kogas eng' iitiikwak, anan koguiyo eng' mugulelwekwak, si koweek kogeny ak asoop icheek.’

MATAYO 15:19

Amu kabwaatutik che yaach, rumisyosyek, ibeetapkei, soksosyek, choorsosyek, paornatosyegap lembech, ng'aleek che yaacheen ko mang'une muguleldo.

MARIKO 2:17

Ye kingo kas Jeso koleenji icheek, “Ma machei che chamegei chepkerichot kobatee icheek che myandos. Ki ma anyo aguur che tiliileen, ago ki anyo agobo kiptengeginik.”

ROMANIK 1:21

amu kingo kagonai Kamuktaindet, koma kolas ko uu Kamuktaindet, anan koweekyi kongoi; ago ki perberitu eng' kabwaatutikwak, ak ki imenitu mugulelwekwak che ma tinyei naet.

ROMANIK 7:11

amu kinyoor tengek poroindo eng' ng'atuutyet kong'ala, ak kobara eng' nooto.

EPESOEK 4:22

ale oregu chiito ne po keny, nooto atebeeng'wong' ne po atkinye, ne ng'emaksei ko uu maguutik che yaach che po keniisyet;

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei: