JEREMIA 16:7 - BUKUIT NE TILIIL Sireet ne Dutero Kanon

⁷ ama putuli piik magatiinik agobo icheek amu riirek, si kogaigai icheek amu piik che kabek; ama igoochin koe kigombetap kagaigaet agobo kwanisyekwak ak kametisyekwak.

Bukuit Ne Tilil

⁷ ama putuli piik magatiinik agobo icheek amu riirek, si kogaigai icheek amu piik che kabek; ama igoochin koe kigombetap kagaigaet agobo kwanisyekwak ak kametisyekwak.

BUKUIT NE TILIL

⁷ ama butuli bik makatinik agobo ichek amu rirek, si kogaigai ichek amu bik che kabek; ama igochin koee kikombetab kagaigaet agobo kwanisiekwak ak kametisiekwak.

JEREMIA 16:7 Iomraidhean Croise

Kitabuutap JOB 42:11

Kobwa weeriik tugul che tupcho, chepkametwagik tugul ak piik tugul che ki ingengei ak koamisye koonnyi kobooto ineendet. Ki riirchi ak kogaigai ineendet agobo yaityet tugul ne ki ipchi `Kamuktaindet ne Toroor ineendet. Ki igoochi chii age tugul fedhaiyat ak kogoochi chii age tugul peteitap thahabu.

AMDOINDET 4:1

Ki aweege anyun ak ageer usiisyosyek tugul che kiyaei eng' kurereetap asiista. Mi riiregap che ki kius, ama tinyei kagaigaindet, ak ki tinyei kimnateet usiikwak, ago ki ma kotinyei kagaigaindet.

JEREMIA 22:10

Amoriirchi ne ki kome, anan ote agobo ineendet: ago orir miising' agobo ineendet ne mandoi; amu ma koweeksei ineendet kogeny, anan kogeer emennyi ne ki kisikyin.

RIREKAB JEREMIA 1:9

Ki mi simdanyi ngoroikyik; ma ibwaat kagesunennyi ne po let. Katururgei anyun eng' kwong'eet; ma tinyei kagaigaindet: Ee Kamuktaindet ne Toroor, keero nyalildanyu; amu kogotoroorgei puunyoot.

EZEKIEL 24:17

Tigen, ago ma miising'; ametechi che ki kobek, taae meting'ung' angeet, ak ilaach kweoniguk, ametuch kuting'ung', ameam amitwogigap piik.

HOSEA 9:4

Ma roong'jin Kamuktaindet ne Toroor kagoochinoigap divaik, ama iboiboi ineendet: uu tiseiywekwak eng' icheek amitwogigap piik che riirtos; king'waniti icheek tugul che amei: po amitwogikwak magennywa; ma ki ibu kobwa kootap Kamuktaindet ne Toroor.

NG'ATUTIK 26:14

Ma aam tuguuchooto eng' riirekyuk ama aiste alak eng' chooto aboisyee eng' poisyet ne ma tiliil, ama agoite amu che ki kobek, ago ki agas iit kutitap Kamuktaindet ne Toroor Kamuktaindennyu ak ki ayai ko uu tugul che ki ing'ata.