JEREMIA 15:3 - BUKUIT NE TILIIL Sireet ne Dutero Kanon

³ Ang'atyini icheek tuguuk ang'wan, mwaei Kamuktaindet ne Toroor: rotwetap chok ne parisyei, sesenik che isongiririsyei, toriitigap parak ak tyong'igap ng'wony, si koamis ak kong'emis.

Bukuit Ne Tilil

³ Ang'atyini icheek tuguuk ang'wan, mwaei Kamuktaindet ne Toroor: rotwetap chok ne parisyei, sesenik che isongiririsyei, toriitigap parak ak tyong'igap ng'wony, si koamis ak kong'emis.

BUKUIT NE TILIL

³ Ak ang’atyini ichek tuguk ang’wan, mwaei Jehovah: rotwetab chok ne barisiei, ak sesenik che isongiririsiei, ak taritikab barak ak tiong’ikab ng’ony, si koamis ak kong’emis.

JEREMIA 15:3 Iomraidhean Croise

TIENWOGIKAL 68:23

Si kobiit irooch keeldong'ung' korotiik, Si konyoor ng'elyeptap seseniguk kebebertanyi eng' puunik.

ISAIAH 18:6

Kibagakyin icheek tugul toriitik che koroomen che po tuloonook, ak tyong'igap timiin. Ak koam toriitik che koroomen eng' kemei, ak koam tyong'ik tugul che po timiin eng' peetuusyegap kaitityet.

JEREMIA 12:9

Tos ma igei porotennyu eng' anee toriityon ne legee, ne parisyei? Ne kayiem ineendet toriitik che parisyei? Ara oba anyun ak oyum tyong'ik tugul che po timiin; ogetu kobwa koamis.

JEREMIA 14:12

Agot ye irugutkei icheek, koma kase riirekwak, ak ye igoito kagoochinet ne kibeelei, kobooto kagoochinetap peek che ng'ootiin, ko mataache. Ago ageesu icheek eng' rotwetap chok, rubeet ak koroito.”

JEREMIA 14:16

Ak kewiirchi ortinwek che po Jerusalem piik che ki maotenjin, amu rubeet ak rotwetap chok. Ama piitu chii ne tubei icheek, osotikwak, weeriikwak ak tiibiikwak. Amu aroong'jini icheeget yaityennywa.

JEREMIA 16:4

‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

JEREMIA 7:33

Ak koek muuswegap pichu amitwogigap toriitik che po parak, ak che po tyong'igap ng'wony. Ama piitu chii ne iyestoi.

RIREKAB JEREMIA 3:11

Ki komaas ortinwekyuk ak kotonatona; ki koyaa aek chii ne mi ineegei.

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?

EZEKIEL 33:27

Mwachi anyun pichooto ko uu ni ileenji, mwaei Kiptaiyat Kamuktaindet ne Toroor kole: Ko uu ye asabe, ki pare iman rotwetap chok icheek che mi komoswek che karatwek, ak agoochini koam tyong'ik ineendet ne mi kewanin, ak kobar koroito icheek che mi irimoik ak che mi kebenonik.

ATEPTAP LAWIK 26:16

ayaiywok ni agane: ang'ate kamuiset konyonjok, chebuonit ak eseet, che ng'emei koonyek, ak kogoochi saboondo kosagit. Ogoole kesweekwok puch, amu amei puunikwok.

ATEPTAP LAWIK 26:22

Ayoogu tyong'ik che po timiin kobwa kwenung'wong', che pwoonei korebenok lagokwok ak kobar tuukwok; ak koyaak ong'ering'itu ak koek kipkuberet ortinwekwok.

ATEPTAP LAWIK 26:25

Aibwok rotwetap chok ne yaakwok mugetuut ne po kayomiset. Ye oyumjigei nganasookwok, ayookwok koroito konyo kweng'wong' ak kindeak eunegap puunikwok.

AMOS 5:19

ko uu ye kamwee `chiito ng'etundo, ak kotuiye magalaluut; anan ko uu chii ne kawo ko ak kotiing'e eunnyi inaat, ak kosus ereneet ineendet.

NG'ATUTIK 28:26

Ak koek muustong'ung' amditap toriitik tugul che po parak ak tyong'ik che po ng'wony. Ma piitu chii ne iyestoi.

NG'ATUTIK 32:24

Sagitos eng' rubeet, Kibeelei eng' maat ne koroom, ak ng'emisyet ne ng'waan. Ayookyini kelegap tyong'ik, kobooto ng'wonetap che ichuutegei ng'wony che po temburyek.

NG'ANG'UTYET 6:8

Ki ageer, ogeero, paraisiit ne talelyo! Ak kainetap ineendet ne ki tebee ko ki Meet, ak ki isup ineendet ye mi che ki kobek. Ak ki kigoochi icheek kimnateet koboi kebeberta agenge eng' ang'wan ne po ng'wony, kobaree rotwetap chok, ak rubeet, ak meet, ak tyong'igap timiin che po ng'wony.