JEREMIA 12:11 - BUKUIT NE TILIIL Sireet ne Dutero Kanon

¹¹ Ki koyai koek karaatya; riirchino, amu karaatya; ki keyai emet komugul koek karaatya, ak ma mi chii ne ibwaati emonooto.

Bukuit Ne Tilil

¹¹ Ki koyai koek karaatya; riirchino, amu karaatya; ki keyai emet komugul koek karaatya, ak ma mi chii ne ibwaati emonooto.

BUKUIT NE TILIL

¹¹ Kigoyai koek karatia; rirjina, amu karatia; kigeyai emet komugul koek karatia, amu mami chi ne ibwati emonoto.

JEREMIA 12:11 Iomraidhean Croise

AMDOINDET 7:2

Kaigai keba koot ne kiteiye, kosiir keba koot ne mi igoorta. Amu nooto kagesunetap piik tugul, ak konori nooto eng' muguleldanyi chiito ne sabei.

ISAIAH 42:25

Kiroong'ji anyun nereegekyik che koroomen, ak kimnateetap lugeet; ak koyieme maat ineendet, ago ma nai kora ak kobeel ineendet, ago ma chut muguleldanyi.

ISAIAH 57:1

Pegu che po iman, ama iiti chii; ak kimuti piik che tinyei riirge, ama ibwaati chii kole, kimuti che po iman si ma keer yaityet ne nyoonei.

JEREMIA 10:22

Ogaso! Kigasei ng'aleek kobwanei, ak kirgirenet ne oo komang'une emetap murot kaataam, si kobiit koyai nganasoogap Judah koek karaatya, ole menyei lelwek.

JEREMIA 10:25

Rong'ji nereegeguk che ng'woneen pororyosyek che ma ingenin, ak ortinwek che maguurei kaineng'ung'; amu kigoam Jakobo, ee, kigoam ineendet kogees ak Ki kong'em meng'ootennywa.

JEREMIA 14:2

Ki mwa kole, itei Judah ak nyaluldos ormariichokyik, tebyei piikyik koteitos, ak kotogosta riiregap Jerusalem.

JEREMIA 19:8

Ak ayai nganasani koek kwong'eet ak ne kireenyei; kwong'ei age tugul ne siirtoi eng' yooto ak koreeny amu korotwek tugul che po olooto.

JEREMIA 23:10

Amu nyiitaat emet piik che yaei ibeetapkei; amu riirei emet amu kayasyoet; ki koyaam ole agete akwotisyek eng' surkwen; ya pandanywa, ak ma po iman kimnateennywa.

JEREMIA 25:11

Ak koek karaatya emoni komugul, ak kwong'eet; ak koot pororyosyechu laitoryatap Babilon kenyiisyek tamanwogik tisap.

JEREMIA 4:20

Kagosuup `ng'emisyet ng'emisyet, kagong'emak emet komugul. Kagechea keng'em emaisyekyuk, ak angookyuk eng' sainooto.

JEREMIA 4:27

Amu mwaei Kamuktaindet ne Toroor kole, egu emet tugul karaita; ago magesu.

JEREMIA 4:28

Riirei emet amu niito, ak ko tuitu kipsengwet. Amu kaamwa ak kaachop, ak tomo awal kiit ne abwaati, amaweechigei let eng' ng'olyoondoniito.

JEREMIA 6:8

Kas kergong', ee Jerusalem, si ma istoenegei saboondanyu; ak si ma yain iegu karaatya, nooto emet ne ma menyei chii.

JEREMIA 9:10

Amu ariire ak atei agobo tuloonook, ak amosiseni agobo ole agete tuguuk eng' surkwen, amu kagolalyo, kot koma kobunei chii; ama komuuchi kogas piik kautetap tuuga; kogomwei toriitigap parak ak tyong'ik.

JEREMIA 9:11

Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

JEREMIA 9:9

Tos manyone abire icheek agobo tuguuchu? Mwaei Kamuktaindet ne Toroor. Tos mayaaktachinigei mugetuut eng' pororyet ne uu ni?

JOEL 1:10

Kagong'emak mbareet, riirei emet; amu kageng'em peek, kagoyaamyo divaik che leelach, kagorarta mwanik.

ATEPTAP LAWIK 26:32

Ak ayai emet koek surkwen ak kokwong'yo puunikwok che menyei olooto.

SEKARIA 7:5

ng'alaalji piik tugul che po emet ak tisiik, ileenji ye kingo rugutkei ak oriirye eng' arawetap muut ak ne po tisap, eng' kenyisyechooto tamanwogik tisap, ko tos ki orugutkei agobo anee, aneendet?

MALAKI 2:2

Ngot ko momache ogas, ak ngot ko momache ogonoree mugulelwekwok, si kobiit otoroor kainennyu, mwaei Kamuktaindet ne Toroor ne po lugoosyek, ayookwok anyun chubisyet, ak achup perurwogikwok. Ee, kaachup, amu mogonoree ng'atuutyonooto mugulelwek.

ROMANIK 8:22

Amu kingen keele tigeni ak kogasei ng'wanindo yaeet komugul kobootech agoi nguno.