JEREMIA 1:16 - BUKUIT NE TILIIL Sireet ne Dutero Kanon

¹⁶ Ak amwa kirwoogutikyuk agirindae icheek, agobo yaityennywa tugul amu ki kometa, ki kobeelji nyamdutik kanamonik che teer, ak kolas poisyonigap eunekwak.

Bukuit Ne Tilil

¹⁶ Ak amwa kirwoogutikyuk agirindae icheek, agobo yaityennywa tugul amu ki kometa, ki kobeelji nyamdutik kanamonik che teer, ak kolas poisyonigap eunekwak.

BUKUIT NE TILIL

¹⁶ Ak amwa kiruogutikyuk agirindae yaitienywa tugul; amu kigometa, ak kigobeelji nyamdutik kanamonik che ter, ak kolos boisionikab eunekwak.

JEREMIA 1:16 Iomraidhean Croise

2 LAITORINIK 22:17

Amu kimetaa icheek ak kobeelji nyamdutik kamuktaik ak kotacha anereech eng' poisyonikwak tugul che po eunekwak, eng' nooto anyun, kolaldos nereegekyuk agobo koroni, ama kimisi.’

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 28:2

Ago kiwendote ortinwegap laitorinigap Israel, ak ki itang'ji kogeny Baalik kanamonik.

2 ATEPTAP PEETUUSYEK 34:25

amu ki kometa, ak ki kobeelji nyamdutik kanamonik, si kobiit kotacha anereech eng' poisyonik tugul che po eunekwak; nooto anyun, karoong'jigei nereegekyuk yuto, ama kimisi.

2 ATEPTAP PEETUUSYEK 7:19

Ago ngot omaaste, ak olakte kaneetisyosyekyuk ak ng'atuutikyuk che ki ande taing'wong', obe oot kanamonik ak ogutung'ji,

ISAIAH 2:8

Nyiitaat emennywa kogeny kanamonik; ilasu poisyonigap eunekwak, che kiyaei eunekwak.

ISAIAH 37:19

ak ki kowiirchi ma kanamonikwak: amu ki ma ko kamuktaik, ago kiboisyetap eunegap piik, keetit ak koik; king'em anyun icheek tuguuchooto amu nooto.

ISAIAH 44:15

Egu anyun keetoto ne ilaali chiito; ak ibei kweenikyik, ak kwo koyu; ee, ilaali, ak kobeele magatiinik: ee, yaei kamuktain, ak kosa; yaei koek kanamwet ne kiwaei, ak kogutung'ji.

ISAIAH 65:3

piik che tacha kimni kotugul, koeng'sei eng' mbareenik, ak kobeelei nyamdutik eng' matubaruuk parak;

JEREMIA 10:15

Puch chooto, poisyetap ng'aalseet; petos eng' peetuut ne ityin pirennywa.

JEREMIA 10:3

Amu tangoita pitonwegap piik, ebei age keetit eng' timiin, ak chobei komyee musogindet aiywet koboisyee aiywet.

JEREMIA 11:12

Eng' yooto anyun kobendi nganasoogap Judah ak piik che menyei Jerusalem, kobendi koriirchin kanamonik che igoochin nyamdutik. Ago ma saru icheek agot kitigin eng' peetuutap nyalildanywa kanamonichooto.

JEREMIA 11:17

Amu kagomwa Kamuktaindet ne Toroor ne po lugoosyek, ne kiminin, yaityet agobo inyee, amu yaityetap kootap Israel ak ne po kootap Judah, che ki koyachigei kotacha anereech amu ki igoochi Baal nyamdutik.

JEREMIA 15:6

Ki oeesya, mwaei Kamuktaindet ne Toroor, ak ki ochuchuige. Ara achuule anyun eunnyu atokyin, asi ang'emin, amu kaang'et eng' muitaet.

JEREMIA 16:11

Ileenji anyun icheek, Amu ki kometa kwanisyekwok, mwaei Kamuktaindet ne Toroor, ak kosubot kanamonik che teer, ak koot ak kolas, ak kometaa, ama riip ng'atuutikyuk;

JEREMIA 17:13

Ee Kamuktaindet ne Toroor, inyee ne ii kamang'unetap Israel, kiyaei kolililan icheek tugul che metoin; kisirchin ng'wony icheek che istoenagei, amu ki kometa Kamuktaindet ne Toroor, kondametutap peek che saptos.

JEREMIA 18:15

Amu kigoutyeno piikyuk, ki kobeelji nyamdutik tuguuk che ma tilei kiy; ak ki konach icheek eng' ortinwekwak, eng' ortinwek che po keny, si kobunoot ortinwek che mi taban, eng' ooreet ne ma ki yai;

JEREMIA 19:4

Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

JEREMIA 2:13

Ki koyai piikyuk yaitwogik aeng': ki kometo anee ne aa kondametutap peek che saptos, ak kobaljigei keriingonik, keriingonik che ki koterogis, che ma imuuchi kotebee peek.

JEREMIA 2:17

Tos ki ma icheeng'jige niito, amu ki imete Kamuktaindet ne Toroor Kamuktaindeng'ung', ye ki imutin eng' ooreet?

JEREMIA 2:19

Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

JEREMIA 2:28

Mi ano kanamonik, che ki iyachigei? Ingong'eetyo icheek, ngot komuuchi kosaruun eng' peetuusyegap nyalildang'ung'. Amu ko uu ole tee koitetap nganasoguk, ko uu nooto kanamoniguk, ee Judah.

JEREMIA 4:12

Nyonjino usoonet ne oo ne punu tuguuchuuto. Arwookyini anyun `agane icheek.

JEREMIA 4:28

Riirei emet amu niito, ak ko tuitu kipsengwet. Amu kaamwa ak kaachop, ak tomo awal kiit ne abwaati, amaweechigei let eng' ng'olyoondoniito.

JEREMIA 44:17

Ago kiyae iman ng'olyoot age tugul ne kagemwa, keele kibeeljini nyamdutik laitoryatap kipsengwet, ne kwondo, ak keroong'jini ineendet kagoochinoik che kieei, ko uu ye ki keyai, acheek ak kwanisyekyok ak laitorinikyok, ak pounikyok, eng' nganasoogap Judah, ak eng' ortinwek che po Jerusalem: amu ki kitinye eng' peetuusyechooto amitwogik che chaang', ak ki kichamegei, ama ki keer yeityo.

JEREMIA 5:29

Tos manyone abire icheeget agobo tuguuchuuto? Mwaei Kamuktaindet ne Toroor, tos mayaaktochinigei mugetuut eng' pororyet ne uu ni?

JEREMIA 5:9

Tos manyone abire agobo tuguuchuuto? Mwaei Kamuktaindet ne Toroor; ak tos mayaaktochinigei mugetuut eng' pororyet ne uu ni?

JEREMIA 51:17

Kergeitu chiito age tugul ak tyondo ne ma tinyei naet; ililane kitang'indet age tugul ne po thahabu kanamwennyi ne ki kiwai: amu lembeita kanamwennyi ne ki kitany, ama tinyei kabuset.

JEREMIA 7:17

Tos megeere tuguuk che yaei eng' nganasoogap Judah ak eng' ortinwegap Jerusalem?

JEREMIA 7:18

Iyumi lagok kweenik, ilali maat kwanisyek, kokwonykwonyi magatiinik kwonyiik, si kobeelji osotyotap laitoryat ne po kipsengwet ak koroong'ji kagoochinoik che kieei, kamuktaik, si kobiit kotacha anereech.

JEREMIA 7:9

Tos nyolu ochoorsei, orumisyei, oyaei ibeetapkei, oyosye eng' lembech, obeelji nyamdutik Baal ak osubote kamuktaik che teer che mongen,

EZEKIEL 16:18

ak ki ip ngoroiguk che ki kinde lelesta, ak ituge tuguuchooto, ak ki inde tainnywa mwanikyuk ak nyamdutikyuk che kibeelei.

EZEKIEL 24:14

Kamwae anee Kamuktaindet ne Toroor ng'olyoondoniito, isuldoi ak ayae nooto; ma weechigei let, amarira moo, amawale kabwaatutikyuk. Arwoogun icheek ko uu ortinweguk ak ko uu poisyoniguk, mwaei Kiptaiyat Kamuktaindet ne Toroor.

HOSEA 11:2

Kinga testai aguur icheek, ko testai koistoenagei; ki eng'ji Baalik, ak kobeelji nyamdutik kanamonik che ki kiwai.

HOSEA 8:6

Amu ki punu niito Israel; kiyaei musogindet, ama Kamuktaindet: ee, kitonatoni moitap Samaria.

JOEL 2:11

Ak kotwek Kamuktaindet ne Toroor eng' taitap lugeennyi; amu oo kabuureitanyi; amu kiim ineendet ne yaei ng'olyoondennyi kosulda; amu oo peetuutap Kamuktaindet ne Toroor ak komuisei miising'; ng'oo ne imuuchi komuita?

POISYONIGAP CHE KIYOKTOI 7:41

Ki yai anyun moita eng' peetuusyechooto, ak koipchi tiseiywot kanamwonooto, ak koboiboitu eng' poisyonigap eunekwak.

NG'ATUTIK 28:20

“Iyogun Kamuktaindet ne Toroor chubisyet, nyalilda ak kereetap kong' eng' tugul che iyae euneguk agoi kong'emin ak agoi ilus ichakte, amu yaityetap poisyoniguk ne kigoonin ibagaakta.

NG'ATUTIK 31:16

Yeityo koleenji `Kamuktaindet ne Toroor Musa, “Keero, neegit si iru kobooto kwanisyeguk. Ago ye iru, kong'eetyo pichu koibotkei ak kanamonik che po pororyosyek alak che po emet ole pendi kotebee kwenunnywa, kobagaakta ak kobut kayomisennyu ne ki kiyomiske ak icheek.

JOSHUA 24:20

Ngot omete Kamuktaindet ne Toroor ak oot kamuktaik che too, koweeksei anyun ak koyaiywok ne ya ak kogeswok, ago kiga koyaiywok ne myee.”

NG'ANG'UTYET 9:20

Ak ma sik piik che kiga ng'et, che ki ma ki par eng' korotwechooto eng' poisyonigap eunekwak; ak ma meto kosa oik, ak kanamonigap thahabu, ak che po fedha, ak che po sugunonik, ak che po koik, ak che po keetiik; kanamonik che ma imuuchi kogeerto, anan kogasta anan kobendat.