JAKOBO 5:13 - BUKUIT NE TILIIL Sireet ne Dutero Kanon

¹³ Mi chii eng' okweek ne nyalili? Ingosa. Mi ne paibai? Ingotyen kalasunet.

Bukuit Ne Tilil

¹³ Mi chii eng' okweek ne nyalili? Ingosa. Mi ne paibai? Ingotyen kalasunet.

BUKUIT NE TILIL

¹³ Mi chi eng’ okwek ne nyalili? Ingosa. Mi ne baibai? Ingotien kalosunet.

JAKOBO 5:13 Iomraidhean Croise

1 ATEPTAP PEETUUSYEK 16:9

Otyenji, otyenji kalasunoik; ong'alaale poisyonikyik che kikwong'ee!

Kitabuutap JOB 33:26

Saaei Kamuktaindet ak kogasyi ineendet; kot konyo tainnyi eng' poiboiyet, ak koweekyi chiito imandanyi.

TIENWOGIKAL 105:2

Otyenji, otyenji kalasunoik; ong'alaale poisyonikyik che kikwong'ee.

TIENWOGIKAL 118:5

Ki aguur Kamuktaindet ne Toroor eng' pichiindanyu; ki wolwo Kamuktaindet ne Toroor ak kondea ole paraa.

TIENWOGIKAL 18:6

Eng' pichiindanyu ko ki aguur Kamuktaindet ne Toroor, ki ariirchi Kamuktaindennyu ale kotoreta. Ki kas kutinnyu eng' hekalunnyi, ak kiit itiikyik riirekyuk.

TIENWOGIKAL 50:15

Kuura eng' peetuutap nyalilda; asi asaruun, ak iloswa.

TIENWOGIKAL 91:15

Kuura, ak aitenji; kitebyei tuwai eng' nyalilda, asaru ineendet ak agoonyit.

TIENWOGIKAL 95:2

Ongebwa tainnyi keeweekyi kongoi, Ongetyenji ineendet eng' kutitap poiboiyet eng' tyenwogigap kalasunet.

ISAIAH 65:14

ogeero, tyendos otwogikyuk amu poiboiyetap mugulelwekwak, ago orirtosi eng' arageneetap muguleldo, oteitosi amu ng'wanindap muguleldo.

HOSEA 6:1

“Obwa, keeweekyigei Kamuktaindet ne Toroor: amu ki kogereerech ak konyaech; ki kobirech ak inyaech.

JONAH 2:2

Ak ki le, “Eng' nyalildanyu ko ki aguur Kamuktaindet ne Toroor, ak ki wolwo; ami ye mi che ki kobek ko ki aguurse, ak ki igas kutinnyu.

JONAH 2:7

Ye ki tanui saboondanyu, abwaat anyun Kamuktaindet ne Toroor; ak ki it ole imi saaennyu, agoi hekalung'ung' ne tiliil.

MIKAH 4:5

Amu wendoti pororyet age tugul eng' kainetap kamuktaindennyi, ak kibendotee acheek kainetap Kamuktaindet ne Toroor Kamuktaindennyo koigeny ak koigeny.

MATAYO 26:30

Ye kingo kagotyen tyendo, komanda koba tulweetap Mseituni.

LUKA 22:44

Ak ye ki mi ineendet nyalilda ne ng'waan, kotes kosa miising': ak ki kergeitu kaotikyik ak korotiik che sachin ng'wony.

LUKA 23:42

Ak ki le, “Jeso, ibwaata ye tuun inyone eng' laitornateng'ung'.”

1 KORINTOEK 14:15

Nee anyun? Asaae eng' Kabuuset ne Tiliil, ak asaae eng' ng'omnateet agine; atyeni eng' Kabuuset ne Tiliil, ak atyeni eng' ng'omnateet agine.

1 KORINTOEK 14:26

Nee anyun, che kitupche? Ye oyumgei, kotinyei age tugul tyendap kalasunet, ak kaneetisyet, ak ng'ang'utyet, ak kutit ne ma kigasei, ak kaweegetap ng'aleek. Ingoyaogis tuguuk tugul koteegogis.

EPESOEK 5:19

ong'alaaljinigei eng' tyenwogigap kalasunet ak tyenwogik che ki kisir ak tyenwogigap saboon, otyeni tyendo ne rurei eng' mugulelwekwok eng' Kiptaiyat;

HEBRANIK 5:7

Ne ki eng' peetuusyek che kimi eng' poorto, ko kagogoito saautik ak soomutik eng' riirek che eecheen ak peegap kong', koriirchin ineendet ne ki imuuchi kosar eng' meet, ak kingo kagegasyi amu kaiyweisyennyi ne kiywei Kamuktaindet.

JAKOBO 5:10

Tupchosyechu, obwaat maotik che ki ng'alaal eng' kainetap Kiptaiyat, koek karogutyetap nyalilda ak muitaet.

NG'ANG'UTYET 14:3

ak kotyeni tyendo ne leel eng' taitap ng'echereetap laitornatet, ak eng' taitap tyong'ik ang'wan che saptos ak poisyek. Ma mi chii ne imuuchi koneetkei tyenooto kobatee pichooto eliphuusyek pogol ak artam ak ang'wan, icheeget che ki kial eng' ng'wony.

NG'ANG'UTYET 7:10

Kimwaei eng' kutit ne oo koleen, “Po Yetunet Kamuktaindet nenyo ne tebee ng'echereetap laitornatet, ak ko po Aarwet.”