JAKOBO 2:19 - BUKUIT NE TILIIL Sireet ne Dutero Kanon

¹⁹ Iyani ile agenge Kamuktaindet; iyae ne myee: iyani ak icheek oik, ak kobotandos.

Bukuit Ne Tilil

¹⁹ Iyani ile agenge Kamuktaindet; iyae ne myee: iyani ak icheek oik, ak kobotandos.

BUKUIT NE TILIL

¹⁹ Iyani ile agenge Jehovah; iyae ne mie: iyani agichek oik, ak kobotandos.

JAKOBO 2:19 Iomraidhean Croise

ISAIAH 43:10

Oo paorinikyuk, mwaei Kamuktaindet ne Toroor, ak otwogindennyu ne ki alewen; si kobiit onai ak oyana, ak oguiye ole aa ineendet; ma mi Kamuktaindet age ne kisip keyai eng' anee, ama kobiitu age eng' let.

ISAIAH 44:6

Mwaei Kamuktaindet ne Toroor, Laitoryatap Israel, ak ko katyagindennyi Kamuktaindet ne Toroor ne po lugoosyek, kole, aa ne po tai ak ne po let; ama mi Kamuktaindet age kobatena.

ISAIAH 44:8

Amoiywei, anan oaragense: tos ma amwaun niito keny, aboorun? Oo paorinikyuk. Tos mi Kamuktaindet age kobatena? Ee, ma miitei Rwandet; mangen age.

ISAIAH 45:6

si kobiit konai icheek kobooch ko kachor asiis, ak kobooch cherongo, kole ma mi age kobatena: aa Kamuktaindet ne Toroor, ama mi age.

ISAIAH 46:9

Obwaat tuguuk che po tai che po keny; amu aa Kamuktaindet, ama mi age; aa Kamuktaindet, ama mi age ne kegerge;

JONAH 4:4

Ak ki le Kamuktaindet ne Toroor, “Tos iyae ne myee nginereech?”

JONAH 4:9

Ki leenji `Kamuktaindet Jona, “Tos iyae ne myee nginereech agobo silangwet?” Ak ki le, “Kayai ne myee nganereechi, anereechi agot agoi meet.”

SEKARIA 14:9

Ak koek Kamuktaindet ne Toroor laitoryatap ng'wony komugul: egu agenge Kamuktaindet ne Toroor eng' peetuunooto, ak koek agenge kainennyi.

MATAYO 8:29

Ak ogeero, kiwaach, kole, “Kiting'egei nee ak inyee, Weeriitap Kamuktaindet? Kenyo yu inyalilech kotom koit peetuut?”

MARIKO 1:24

kole, “Kiting'egei nee ak inyee, Jeso ne po Nazareth? Kenyo ing'emech? Angenin ale, ii Ne Tiliil ne po Kamuktaindet.”

MARIKO 12:29

Kowolji Jeso koleenji, “Ne po tai ko ni, ‘Ogaso ee Israel; Kiptaiyat Kamuktaindet ne Toroor nenyo ko Kiptaiyat agenge.

MARIKO 5:7

ak kowaach eng' tuugeet ne oo kole, “Iting'eno nee inyee Jeso, Weeriitap Kamuktaindet Ne Toroor Miising'? Asoomin eng' Kamuktaindet ale amenyaliila.”

MARIKO 7:9

Ki leenji icheek, “Oeesyoi iman ng'atuutyetap Kamuktaindet si kobiit oriip piteeng'wong'!

LUKA 4:34

kole, “Pagaaktech! Kiting'egei nee ak inyee, Jeso ne po Nazareth? Kenyo inyee si ibarech? Kaanain inyee ale ii Ne Tiliil ne po Kamuktaindet.”

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

POISYONIGAP CHE KIYOKTOI 16:17

Ki isubot Paulo kebendi tugul, ak komwaei eng' kutit ne oo koleen, “Pichu ko otwogigap Kamuktaindet Ne Toroor Miising', che mwaiwok ooreetap yetunet.”

POISYONIGAP CHE KIYOKTOI 19:15

Ak ki wolji tamirmiryet ne ya icheek, koleenji, “Angen Jeso, ak angen Paulo; ago okweek ko oo ng'oo?”

POISYONIGAP CHE KIYOKTOI 24:25

Ak ye kita kong'alaali agobo imanda, ak riibetapkei, ak kirwooget ne nyoonei, koiyweis Felix, ak kowol kole, “Ui korook; ak ye tuun anyooru poroindo ne myee, aguurin.”

ROMANIK 3:30

ko uu ye agenge Kamuktaindet, ak koiityin imanda eng' kayaneet che ki kimuratan, ak koiityin imanda eng' kayaneet che ma kimuratan.

1 KORINTOEK 8:4

Nooto anyun eng' ameet ne po tuguuk che kieng'jin kanamonik, kingen keele ma mi kanamwet ne kiy eng' ng'wony, ama mi Kamuktaindet age kobatee agenge.

1 KORINTOEK 8:6

ago eng' acheek komiitei Kamuktaindet agenge, ineendet Kwanda, ne punu tuguuk tugul ak acheek eng' ineendet; ak Kiptaiyat agenge, Jeso Kristo, ne mi tuguuk tugul amu ineendet, ak acheek eng' ineendet.

GALATYEK 3:20

Katuiyoindet anyun koma po agenge; ago Kamuktaindet ko agenge.

NG'ATUTIK 6:4

Ogaso ee Israel! Kamuktaindet ne Toroor Kamuktaindennyo, ko Kamuktaindet ne Toroor agenge;

1 TIMOTEO 2:5

Amu miitei Kamuktaindet agenge, katuiyoindet agenge agine kwenutap Kamuktaindet ak piik, nooto chiito, Kristo Jeso,

JAKOBO 2:8

Ago ngot osulde Ng'atuutyetap kaplaitoryat, ko uu ye mwaei siruutik kole, “Cham chiitap kokweng'ung' ko uu ye ichamdoige,” oyae ne myee;

JUDA 1:4

Amu mi piik alak che ki chut oriit eng' ung'oot, icheek che ki kichopchi kirwoogoni kobooch keny, piik che ma iywei Kamuktaindet, che walei myeeindap Kamuktaindet nenyo koek mageet ne ya, ak koesyoi Laitoryandennyo, ne ineegei, ak ko Kiptaiyandennyo Jeso Kristo.

JUDA 1:6

Ak ki inde malaikaisyek che ki ma riip pounatennywa, ago ki pagaakta meng'ooteet ne ki nenywa, ki inde kotebee ratisyosyek che po koigeny eng' mesundeito kot koit kirwooget eng' Peetuut ne oo.

NG'ANG'UTYET 20:10

Ak ki kiwiirchi chesawilyet ne ki iberber icheek araraitap maat ak koik che laldos, ole miitei ak icheek tyondo ak maotyot ne po lembech; ak kinyaliili peet ak kemoi agoi koigeny ak koigeny.