ISAIAH 66:14 - BUKUIT NE TILIIL Sireet ne Dutero Kanon

¹⁴ Ak ogeero, ak koboiboitu mugulelwekwok, ak kong'atyo kawekwok ko uu susweek che ng'orng'or: ak konaak eutap Kamuktaindet ne Toroor eng' otwogikyik, ak konereekyi puunikyik.

Bukuit Ne Tilil

¹⁴ Ak ogeero, ak koboiboitu mugulelwekwok, ak kong'atyo kawekwok ko uu susweek che ng'orng'or: ak konaak eutap Kamuktaindet ne Toroor eng' otwogikyik, ak konereekyi puunikyik.

BUKUIT NE TILIL

¹⁴ Ak ogeero, ak koboiboitu mugulelwekwok, ak kong’atyo kowekwok ko u suswek che ng’orng’or: ak konaak eutab Jehovah eng’ otwogikyik, ak konerekyi bunikyik.

ISAIAH 66:14 Iomraidhean Croise

EZRAH 7:9

Ki katoi kotogos eng' Babilon eng' peetuut ne po tai ne po arawet ne po tai ak eng' peetuut ne po tai ne po arawetap muut, koit Jerusalem ko uu ye ki mi ak ineendet euut ne myee ne po Kamuktaindennyi.

EZRAH 8:18

Amu kimi kobootech euut ne myee ne po Kamuktaindennyo, komutwech chiito ne tinyei naet, ne po weeriigap Mali, weeriitap Lawi, weeriitap Israel ak Serebia, kobooto weeriikyik ak tupchosyekyik taman ak sisiit,

EZRAH 8:22

Amu ki alilan asoom laitoryat kweanet ne po kiplugotinik ak piik che ketei paraisisyek si kotoretech kegirindee puunik che mi ooreet. Amu kiga kemwachi laitoryat keleenji, “Mi eutap Kamuktaindennyo kobooto icheek tugul che cheeng'ei ineendet, koyachi ne myee, ago kirindoi kimnateennyi ak nereeknatennyi piik tugul che metoi ineendet.”

EZRAH 8:31

Eng' peetuutap taman ak aeng' ne po arawet ne po tai, keng'etye anyun eng' aineetap Ahaba ak keebe Jerusalem. Ki mi kobootech eutap Kamuktaindennyo ak kisarwech eng' eutap puunyoot ak ne kisapchinech eng' ooreet.

TIENWOGIKAL 107:42

Keerei che po iman ak kogaskei; ak konamak kuut tengekto tugul.

KALEWANAIK 17:22

Kerichek che myach muguleldo ne igasegei, ago iyaami kawek `saboondo ne katanui.

KALEWANAIK 3:8

Egu niito anyun chametapkei ne po mugeng'ung', ak koek mwanik eng' koweguk.

ISAIAH 10:5

Pwo eng' Assyria, kirokto ne po nereegekyuk, kirokto ne po ineendet ne mi nereegekyuk eunnyi!

ISAIAH 13:5

Punu icheek emet ne loo, ole pooch tabandap kipsengwet, ineendet Kamuktaindet ne Toroor, ak kariigap nereegekyik, si kobiit kong'em emet komugul.

ISAIAH 26:19

Tuun saptos cheguuk che ki kobek; ng'eetos muuswekyuk. Ong'eetyee ak otyen, okweek che omenye ng'ung'unyek! Amu uu rewondeng'ung' rewootap ingweek, ak koonu ng'wony che ki kobek.

ISAIAH 26:20

Obwa, piikyuk, mong'ji kooriguk oriit, ak ogerchigei ko. Ounyge ne matya, agoi kosiirto nereegek.

ISAIAH 30:27

Ogeero, punu kainetap Kamuktaindet ne Toroor ole loo, lalei eng' nereegekyik, ak eng' iyeto ne oo ne togostoi; nyiitaat kutinnyi nyitatet, ak uu ng'elyeptanyi maat ne peelsei;

ISAIAH 33:20

Keer Zion, nganaseetap igoorwekyok che ki king'at! Tuun keerei konyeguk Jerusalem, meng'ootetap kamuung'et, emait ne ma kiutoi, ne ma kitutu tigongenikyik agoi, ama ng'etos poroonikyik.

ISAIAH 34:2

Amu tinyei Kamuktaindet ne Toroor nyitatet agobo pororyosyek tugul, ak nereegek che laldos agobo lugosyekwak tugul; Ki kong'em icheek kogees, ki kogoito icheek kebar.

ISAIAH 35:2

Yiei miising', ak kobaibait eng' poiboiyet ak eng' tyendo; kigoochin toroornatetap Lebanon, telunatetap Karmel ak Saron. Keerei icheek toroornatetap Kamuktaindet ne Toroor, telunatetap Kamuktaindennyo.

ISAIAH 41:20

Si komuuch kogeer, ak konai, ak kobwaat, ak koguiyo kibagenge, kole ki yai eutap Kamuktaindet ne Toroor niito, ak ki toi koyai niito Ineendet ne Tiliil ne po Israel.

ISAIAH 42:13

Mandoi Kamuktaindet ne Toroor ko uu chiito ne kiim; ing'eeti nereegek ko uu chiitap lugeet; polei, ee waachei miising'; iboorchin puunikyik kamugennyi.

ISAIAH 58:11

Ak kondoun Kamuktaindet ne Toroor kotugul, ak kogoochi saboondang'ung' kobiyo eng' komoswek che yamyotiin, ak kogimit koweguk; ak iige mbareet ne kibisi, ak iige kereruut ne ma teenyei.

ISAIAH 59:18

Yaakyin icheek ko uu poisyonikwak, nereegek che ng'woneen eng' puunikyik, yaaktaet eng' puunikyik; yaakyin ngeguusyek ko uu ye nyoljin.

ISAIAH 66:5

Ogas ng'olyootap Kamuktaindet ne Toroor, okweek che obotandosi amu ng'olyoondennyi: Ki komwa che otupche icheeget che wechok, che kitimdak agobo kainennyu, kole, ingitoroor Kamuktaindet ne Toroor, si kobiit kegeer poiboiyeng'wong'; ago ililandos.

SEKARIA 10:7

Ak koigei icheek che po Ephraim chiito ne nyigan, ak koboiboitu mugulelwekwak ko uu che kaei divaik: ee, keerei lagokwok nooto, ak koboiboitu; igasegei mugulelwekwak eng' Kamuktaindet ne Toroor.

MALAKI 3:18

Yeityo oweege ak obesye chiito ne po iman ak kiptengekyot, obesye ineendet ne otei Kamuktaindet ak ne maotei.”

JOHANA 16:22

Nooto anyun otinye arageneet nguno: ago ta ageerok kogeny, ak poiboi mugulelwekwok, ama rebenok chii poiboiyeng'wong'.

HEBRANIK 10:27

ago kagenet ne po kirwooget eng' kaiyweisyet, ak koroomnatetap maat ne igeesu puunik.