ISAIAH 64:4 - BUKUIT NE TILIIL Sireet ne Dutero Kanon

⁴ Amu tomo kogas piik kobooch keny, anan koguiyo eng' itiik, anan kogeer eng' konyekwak Kamuktaindet age ne ma inyee, ne yaei poisyet agobo chiito ne igeni ineendet.

Bukuit Ne Tilil

⁴ Amu tomo kogas piik kobooch keny, anan koguiyo eng' itiik, anan kogeer eng' konyekwak Kamuktaindet age ne ma inyee, ne yaei poisyet agobo chiito ne igeni ineendet.

BUKUIT NE TILIL

⁴ Amu tomo kogas bik koboch keny, anan koguiyo eng’ itik, anan kogeer eng’ konyekwak Kamuktaindet age ne ma inye, ne yaei boisiet agobo chito ne igeni inendet.

ISAIAH 64:4 Iomraidhean Croise

TAUNET 49:18

Ki agen yetuneng'ung', ee Kamuktaindet ne Toroor.

EZRAH 9:7

Ki keegu kiptengegiinik miising' kobooch peetuusyegap kwanisyekyok agoi rani, ak ki kindeech eunegap laitorinik che po emotinwek agobo tengekwogikyok acheek, laitorinikyok ak tisiikyok, kebarech eng' rotwetap chok, keluulech, ng'emisyet ak kalilanet, ko uu rani.

TIENWOGIKAL 103:18

eng' icheek che riibei kayomisennyi, ak kobwaati koyai ng'atuutikyik.

TIENWOGIKAL 130:5

Ageni Kamuktaindet ne Toroor, igenisyei saboondanyu, ak amang'u ng'olyoondennyi.

TIENWOGIKAL 31:19

Ee, oo ne tya myeeindong'ung', ne ki igonorchi icheek che iywein! Ne ki iyachi icheek che imang'un eng' taitap weeriigap piik!

TIENWOGIKAL 62:1

Igeni Kamuktaindet kityo saboondanyu, punu yetunennyu ineendet.

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

ISAIAH 40:31

ago nyooru kimnateet ne leel icheeget che igeni Kamuktaindet ne Toroor; togostoi kotirirendos ko uu kipsichinik; rwaei, ama ng'etos; pendoti, ama nyaluldos.

ISAIAH 59:12

Amu ki kotesagis pistaosyekyok eng' taing'ung', ak paoryanjinech tengekwogikyok: amu mi kobootech pistaosyekyok, ak kingen tengekwogikyok:

ISAIAH 66:8

Ki kogas ng'oo ng'olyoot ne uu ni? Ki kogeer ng'oo tuguuk che uu chu? Tos kisichei emet eng' peetuut agenge? Tos kisichei pororyet eng' sait ne matya? Amu ki sich `Zion lagokyik, eng' sainooto ki nyoorunee ng'wanindo.

HOSEA 7:7

Peelei piich icheek tugul ko uu kapkoima ak koamei kirwoogikwak; ki kobutyo laitorinikwak tugul: ma mi eng' icheek ne kuura.

SEKARIA 10:9

Ak agool icheek eng' kwenutap pororyosyek; ak kobwaata komi emotinwek che looen: ak komeng'iis kobooto lagokwak, ak koweigei.

MATAYO 25:34

“Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

LUKA 2:25

Ogeero, ki mi chiito age Jerusalem, ne ki kiguure Simion; ak ki chiito ne po iman ak kigonyiti Kamuktaindet, ne ki igeni kagaigaetap Israel: ak ki tebee `Kabuuset ne Tiliil ineendet.

JOHANA 14:3

Ak ye awe achobwok kooret, anyoone kogeny amutok; si ole ami omite ak okweek.

ROMANIK 8:19

Amu igeni miising' ak koganyei yaeet komugul ng'ang'et ne po weeriigap Kamuktaindet.

1 KORINTOEK 1:7

si moletu eng' konunotyot age tugul; ogeni ng'ang'utyetap Kiptaiyandennyo Jeso Kristo.

1 THESSALONIKEK 1:10

ak ogeni Weeriinnyi ne punu kipsengwet, ne ki ing'eet komong' eng' che ki pek, ineendet Jeso, ne sarwech eng' nereeknateet ne nyoonei.

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

HEBRANIK 11:16

Ago machei kot nguno emet ne karaaran kosiir nooto, nooto ko, ne po kipsengwet: nooto anyun ma keerei Kamuktaindet kalilanet agobo icheek keguure Kamuktaindet nenywa: amu Ki kochopchi icheek nganaseet.

JAKOBO 5:7

Omuite anyun, che kitupche, kot koit nyonunetap Kiptaiyat. Ogeero, igeni chiitap ko po mbareet logoek che myachen che po ng'wony, ak komuitoi agobo chooto, kot konyoor ropta ne po tai ak ne po let.

1 JOHANA 4:10

Niito chamyet, ma keele ki kicham Kamuktaindet, ago ki chamech ineendet ak koyook Weeriinnyi koek tiseiywot agobo tengekwogikyok.