ISAIAH 61:6 - BUKUIT NE TILIIL Sireet ne Dutero Kanon

⁶ Ago kiguurenok tisiigap Kamuktaindet ne Toroor: kuurenok piik kiboitinigap Kamuktaindennyo: oame mogornatosyegap pororyosyek, ak olasunegei toroornatennywa.

Bukuit Ne Tilil

⁶ Ago kiguurenok tisiigap Kamuktaindet ne Toroor: kuurenok piik kiboitinigap Kamuktaindennyo: oame mogornatosyegap pororyosyek, ak olasunegei toroornatennywa.

BUKUIT NE TILIL

⁶ Ago kiguurenok tisiikab Jehovah: kuurenok bik kiboitinikab Kamuktaindennyo: oame magornatosiekab bororiosiek, ak olosunege torornatenywa.

ISAIAH 61:6 Iomraidhean Croise

KOMONG'U 19:6

Oegu eng' anee laitornatetap tisiik ak pororyet ne itabaanat. Chuuto ng'aleek che iwendi imwachini piigap Israel.’ ”

ISAIAH 23:18

Ak koek mung'arennyi ak melektanyi tiliilindo eng' taitap Kamuktaindet ne Toroor: ma kigonori ama kibasei, amu punjin mung'arennyi icheek che menyei taitap Kamuktaindet ne Toroor, si koam kobiyong'so, ak kolaach ngoroik che po telunateet.

ISAIAH 54:3

Amu inaktoi komostap eutap tai ak ne po kaataam; ak konyaban iyoteng'ung' pororyosyek, ak kogoochi kemeny kogeny nganasook che kiga kelakta.

ISAIAH 56:6

Amutu kogeny toek che namegei ak Kamuktaindet ne Toroor, si koboisyechi ineendet ak kocham kainetap Kamuktaindet ne Toroor, koek otwogikyik, age tugul ne riibei sabato ne ma imurwoni, ak konamei miising' arorutyennyu;

ISAIAH 66:12

Amu mwaei Kamuktaindet ne Toroor kole ogeero, atesyini kaalyeet ko uu aineet, ak atesyi toroornatetap pororyosyek ko uu kereruut ne ing'irtogei, ak ochuchun; ki isyinok usia, ak ketinyok kigaigaak.

ISAIAH 66:21

Ak ande alak eng' icheek kogeny koek Tisiik ak Lawiik, mwaei Kamuktaindet ne Toroor.

JEREMIA 33:18

ama petyin chii tisiik Lawiik eng' tainnyu ne igoitoi kagoochinoik che kibeelei, ak kobeel kagoochinoigap peek che ng'ootiin, ak kogoito tiseiywek kotugul.

EZEKIEL 14:11

si ma ta koombenot kogeny kootap Israel kometaa, anan kong'wanitkei kogeny eng' pistaosyekwak tugul; ago si koek piikyuk, ak aegu Kamuktaindennywa, mwaei Kiptaiyat Kamuktaindet ne Toroor.

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

1 KORINTOEK 3:5

Nee anyun Apolo? Ko nee Paulo? Kiboitiinik che ki koonok oyan; ak ko uu ye ki igoochi Kiptaiyat age tugul.

1 KORINTOEK 4:1

Ingoitech anyun chii kole ki kiboitinigap Kristo, ak riibiik che po ung'ootigap Kamuktaindet.

2 KORINTOEK 11:23

Tos kiboitinigap Kristo icheek? (Ang'alaali ko uu chii ne amei iywek) aa siirtoot; eng' pirtaosyegapkei che siirtoot, eng' korgorosyek miising', eng' pirutik che ma kirarei, eng' meosyek konyil che chaang'.

2 KORINTOEK 6:4

ago eng' tuguuk tugul kiboortoige, ko uu kiboitinigap Kamuktaindet, eng' muitaet ne oo, eng' pichiinwek, eng' kagiigosyek, eng' tiritinwek,

NG'ATUTIK 18:2

Ma nyooru poroteet eng' tupchosyekwak amu porotennywa Kamuktaindet ne Toroor ko uu ye ki mwachi.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

NG'ANG'UTYET 1:6

ak koyaech keegu laitornatet, tisiik che poisyechin Kamuktaindet nenyi ak ko Kwanda; nenyi toroonatet ak kimnateet koigeny ak koigeny. Amen.

NG'ANG'UTYET 20:6

Paibai ak ko tiliil ne tinyei yamdaet eng' ng'eetyeet ne po tai. Mabou icheek meet ne po aeng'; ago egu icheek tisiigap Kamuktaindet ak ko po Kristo, ak kolaitoran ak ineendet kenyiisyek eliphuut agenge.

NG'ANG'UTYET 5:10

Ki iyai icheek koek pororyet ak tisiik eng' Kamuktaindet nenyo, ak tuun laitorani icheek eng' ng'wony.”