ISAIAH 60:3 - BUKUIT NE TILIIL Sireet ne Dutero Kanon

³ Ak kobwonji pororyosyek lapkeiyeng'ung', ak kobwonji laitorinik kaluunetap choruneng'ung'.

Bukuit Ne Tilil

³ Ak kobwonji pororyosyek lapkeiyeng'ung', ak kobwonji laitorinik kaluunetap choruneng'ung'.

BUKUIT NE TILIL

³ Ak kobwanji bororiosiek lapkeiyeng’ung’, ak kobwanji laitorinik kaluunetab choruneng’ung’.

ISAIAH 60:3 Iomraidhean Croise

TAUNET 49:10

Ma istoegei Judah kirokto ne po pounateet, ak ma petei ne igoitoi ng'atuutik eng' iyotennyi, agoi koit Shiloh; ak kase iit piik tugul ineendet.

TIENWOGIKAL 102:16

Teechei `Kamuktaindet ne Toroor Zion, taagu inee eng' toroornatennyi.

TIENWOGIKAL 102:22

Ye kagoyumgei piik, ak laitornatosyek, si koboisyechi Kamuktaindet ne Toroor.

TIENWOGIKAL 138:4

Koonin kongoi laitorinik tugul che po ng'wony, ee Kamuktaindet ne Toroor, amu ki kogas ng'aleegap kuting'ung'.

TIENWOGIKAL 2:10

Nooto anyun, osich utaatyet, okweek laitorinik; oneetkei, okweek kirwoogigap ng'wony.

TIENWOGIKAL 22:27

Tuun ibwaati Kamuktaindet ne Toroor ole poochin ng'wony tugul ak koweekyigei ineendet; tuun kutung'jinin inyee ortinwek tugul che po pororyosyek.

TIENWOGIKAL 68:29

Ibun laitorinik kagoochinoik Amu hekalung'ung' eng' Jerusalem.

TIENWOGIKAL 72:11

Ee, ibutyin keelyekyik laitorinik tugul: Otei ineendet pororyosyek tugul.

ISAIAH 11:10

Cheeng'ei pororyosyek eng' peetuunooto tigityotap Jesse, ne tononi koegu songolyetap piik; ak egu toroornatet ole imuung'ee.

ISAIAH 42:6

Ki aguurin, anee Kamuktaindet ne Toroor eng' imanda, ak anam eung'ung' ak ariibin, ak agoonin iegu arorutyetap piik, iegu lapkeiyetap Pororyosyek;

ISAIAH 45:14

Mwaei Kamuktaindet ne Toroor kole, nyonjinin poisyetap Misiri, kobooto tuguugap mung'areetap Kush, ak piigap Sabe, piik che kooen, ak punjinin; isubun; pwonjinin ko ratotiin; ak kobutyi keelyeguk, kosoomin, kole, Iman mi Kamuktaindet kobooten; ama mi age, ma mi Kamuktaindet age.

ISAIAH 45:22

Onyala, si kesorwok, okweek tabanwek tugul che po ng'wony: amu aa Kamuktaindet, ama mi age.

ISAIAH 49:12

Ogeero, punu chu ole loo: ak ogeero, punu chu murot kaataam ak cherongo; ak punu chu emetap Sinim.

ISAIAH 49:23

Ak koek laitorinik kwanisyeguk che iguin, ak koek osotigap laitorinik kametwogiguk che iguin: kutung'jinin icheek kot koit togoochikwak ng'wony, ak komel temburyek che mi keelyeguk; ak inai ile aa Kamuktaindet ne Toroor, ma ililandos icheek che igeno.

ISAIAH 56:8

Mwaei Kiptaiyat Kamuktaindet ne Toroor ne iyumi che kigetimda che po Israel, kole, ta ayumjini alak ineendet, che siirei chechiik che ki kiyum.

ISAIAH 60:10

Ak koteech toek irimoiguk, ak koboisyeun laitorinikwak: amu ki abirin eng' nereegekyuk, ago ki ariirenen amu chamennyu.

ISAIAH 60:16

Ichuchuni kogeny cheegap pororyosyek, ak irerye kinaigap laitorinik: si kobiit inai ile anee Kamuktaindet ne Toroor, ko aa yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 62:2

Ak kogeer pororyosyek imandang'ung', ak kogeer laitorinik tugul toroornateng'ung': ak keguurenen kainet ne leel, ne tuun kuurenen Kamuktaindet ne Toroor.

ISAIAH 66:12

Amu mwaei Kamuktaindet ne Toroor kole ogeero, atesyini kaalyeet ko uu aineet, ak atesyi toroornatetap pororyosyek ko uu kereruut ne ing'irtogei, ak ochuchun; ki isyinok usia, ak ketinyok kigaigaak.

AMOS 9:12

Si kobiit konam `icheek piik che ki ng'et che po Edom, kobooto pororyosyek tugul che kimwaitoe kainennyu, mwaei Kamuktaindet ne Toroor ne yaei ng'olyoondoniito.

SEKARIA 2:11

Ak konamgei pororyosyek che chaang' ak Kamuktaindet ne Toroor eng' peetuunooto ak koek piikyuk; ak ameny kwenung'ung'.” Inae niito ile ki iyookwo Kamuktaindet ne Toroor ne po lugoosyek anyo ole imi.

MATAYO 28:19

Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

LUKA 24:47

ak keamdaat eng' pororyosyek tugul siguunet ak nyoetap kaat ne po tengekwogik eng' kainennyi, ki taune Jerusalem.

JOHANA 12:32

Ak ye kiuita eng' ng'wony, amutyige piik tugul.”

POISYONIGAP CHE KIYOKTOI 13:47

Amu king'atech Kiptaiyat ko uu nooto kole, ‘Kaandein iegu lapkeiyet ne po Pororyosyek, si kobiit iegu yetunet agoi tabandap ng'wony.’ ”

POISYONIGAP CHE KIYOKTOI 15:17

si kocheeng' piik che ng'etunotiin Kiptaiyat, ak Pororyosyek tugul che kiguurtoe kainennyu.

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 21:24

Ak kobendoti pororyosyek eng' lapkeiyennyi, ak koibu laitorinigap ng'wony toroornatennywa konyo oriit.