ISAIAH 6:11 - BUKUIT NE TILIIL Sireet ne Dutero Kanon

¹¹ Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

Bukuit Ne Tilil

¹¹ Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

BUKUIT NE TILIL

¹¹ Kiateebe anyun, ale, Ee Kiptaiyat, tianitu? Ak kiwol kole, Agoi tun koguber nganasok, ak koguber gorik, ak koek emet kipkubere mising’.

ISAIAH 6:11 Iomraidhean Croise

TIENWOGIKAL 74:10

Ee Kamuktaindet, rosu puunyoot kot kotyanit? Tos chubei puunyoot kaineng'ung' agoi koigeny?

TIENWOGIKAL 79:5

Ee Kamuktaindet ne Toroor, tyanitu, tos inereechi agoi? Tos lalei ng'etkondang'ung' ko uu maat?

TIENWOGIKAL 90:13

Weeguge, ee Kamuktaindet ne Toroor; tyanitu? Ak irireegei kiboitiniguk.

TIENWOGIKAL 94:3

Ee Kamuktaindet ne Toroor, tyanitu, Iterteerisyei kiptengeginik kot kotyanit?

ISAIAH 1:7

Kigoguber emeng'wong', ki kebeel nganasookwok; ibookyin toek emeng'wong' ogeere, kogoguber, ko uu ne kogong'em toek.

ISAIAH 13:12

Ayae chiito koek ne ki cheeng'ei kosiir thahabu che korooron, chiito ne siirei thahabu che tiliileen che po Opir.

ISAIAH 3:26

Ak koriiryo ormariichokyik ak koteiyo; ak koguber ak kotebee ng'wony.

ISAIAH 3:8

Amu kogong'emak Jerusalem, ak kogobut Judah; amu ki ingelelji Kamuktaindet ne Toroor eng' ng'elyebwekwak ak eng' poisyonikwak, koesyoi kimni toroornatennyi.

ISAIAH 32:14

Amu kibagaaktoi kootap laitoryat; kiue nganaseet ne mi piik che chaang'; tulweet ak teekseet ne kooi ne kitabendoe, ko egu kebenonik koigeny ole poiboitune sigirok che po timiin, koek ole agete keechiirek;

ISAIAH 35:1

Ingogaskei surkwen ak melewet, ak kobaibait emet ne ong'ateet, ak koiye ko uu taapteet.

ISAIAH 5:9

Mwaei Kamuktaindet ne Toroor ne po lugoosyek, agase eng' itiikyuk kole: “Iman, kuberi kooriik che chaang', agot kooriik che eecheen che korooron, koma menyei chii.

ISAIAH 60:15

Ak ko uu ye kiga kebagaakten, ak kewechin, kot ko ki ma kota komi chii ne kibunei kwenung'ung', ayain anyun iegu telunateet ne po koigeny, poiboiyetap ibinwek che chaang'.

ISAIAH 64:10

Ki koek ong'ateet nganasoguk che tiliileen, koek Zion surkwen, koek Jerusalem karaatya.

JEREMIA 22:6

Amu mwaei ko uu ni Kamuktaindet ne Toroor agobo kootap laitoryat ne po Judah kole, ii Gilead eng' anee, ak ko ii metitap Lebanon; ago ayain iman iegu surkwen, ak nganasook che ma ki menyei.

JEREMIA 4:7

Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

JEREMIA 44:2

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ki ogeer yaityet tugul ne ki apchi Jerusalem, ak nganasook tugul che po Judah; ak ogeero, karatwek rani nganasochooto, ama mi chii ne menyei olooto;

JEREMIA 52:27

Ak kibir laitoryatap Babilon pichooto, ak kobar eng' Ribla, eng' emetap Hamath. Ki kimut anyun Judah keluul komanda eng' emennyi.

EZEKIEL 6:6

King'emei nganasook eng' meng'otosyekwok tugul, ak koek karatwek komoswek che torooreen; si kobiit keng'em kapkorosusyekwok ak keyai koek karatwek, ak ketui kanamonikwok kobetyo, ak keep kanamonikwok che po asiista, ak kigees poisyonikwok.

ATEPTAP LAWIK 26:31

Ayae nganasookwok koek karotwek, ak ayai oldinwekwok che tiliileen koek kipkuberet, ma achame kong'ucha anyinyindap nyamdutikwok.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

MIKAH 2:4

Mwaei eng' peetuunooto kalewenet agobo inyee, ak koriir eng' riirek che ng'woneen, kole, ka keng'emech kigeswech: walei kebebertap piikyuk: istoena kiito kot koit ano! Pchechin ngelelik mbareenikyok.

MIKAH 5:11

ak abar nganasoogap emeng'ung', ak abut irimoiguk tugul:

MIKAH 6:13

Koabirin anyun aginye eng' mook ne oo, koayain iegu panan amu tengekwogiguk.

MIKAH 7:13

Nganda uu nooto koegu emet karaatya amu icheek che menyei olooto, amu logoegap poisyonikwak.

NG'ATUTIK 28:62

Si ong'etu che ng'ering' eng' che ki aechin chaang'indang'wong' ak kecheigap kipsengwet. Amu ki ma iepchi iit kutitap Kamuktaindet ne Toroor Kamuktaindeng'ung'.

NG'ATUTIK 28:63

Ko uu ye ki paibait Kamuktaindet ne Toroor eng' okweek koyaiywok ne myee ak kotesak, ko uu nooto ko poiboitu Kamuktaindet ne Toroor eng' okweek kolusak, kowong'wok ak kitutok eng' emet ne iwendi iname kobunjiin.