ISAIAH 59:7 - BUKUIT NE TILIIL Sireet ne Dutero Kanon

⁷ Ruachin keelyekwak yaityet, ak kochoktoi kotumda korotiik che ma tinyei tengek: kabwaatutikwak ko kabwaatutigap tengekto; mi ortinwekwak kubernateet ak ng'emisyet.

Bukuit Ne Tilil

⁷ Ruachin keelyekwak yaityet, ak kochoktoi kotumda korotiik che ma tinyei tengek: kabwaatutikwak ko kabwaatutigap tengekto; mi ortinwekwak kubernateet ak ng'emisyet.

BUKUIT NE TILIL

⁷ Ruachin kelyekwak yaitiet, ak kochoktoi kotumda korotik che matinyei tengek: kabwatutikwak ko kabwatutikab tengekto; mi ortinwekwak kubernatet ak ng’emisiet.

ISAIAH 59:7 Iomraidhean Croise

KALEWANAIK 1:16

Amu rwochin keelyekwak yaityet, ak choktoi kotumdoi korotiik.

KALEWANAIK 15:26

Chobutik che yaacheen ko tuguuk che kiwechei eng' Kamuktaindet ne Toroor, ago tiliileen ng'aleek che iboiboi piich.

KALEWANAIK 24:9

Tengekto kabwaatutigap ne perber; ak wechei `piik chotindet.

KALEWANAIK 6:17

konyegap menoteet, ng'elyepta ne mwaei lembech, ak eunek che tumdoi korotiik che ma tinyei tengek,

KALEWANAIK 6:18

muguleldo ne chobei kabwaatutik che yaach, keelyek che chepchep korwochin yaityet,

ISAIAH 15:5

Riirei muguleldanyu amu Moab; mwechin Zoar piik che mweoti mwechin agoi Eglatselisiya. Amu togostoe Luhit koriiryoti; amu iteitos kateiyet ne po ng'emisyet eng' ooreet ne wendi Horonaim.

ISAIAH 32:6

Amu ng'alaali ne perber kaberberisyet, ak koyai muguleldanyi tengekto, kochombilis, komwa ne ya agobo Kamuktaindet ne Toroor, kometo puch saboondo ne amei rubeet, ak koete koee ne amei melel.

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

ISAIAH 59:3

Amu murwonen eunekwok eng' korotiik, ak ko murwonen morikwok eng' tengekto; kogomwa kutusweekwok lembechek, ng'alaali ng'elyebwekwok yaityet.

ISAIAH 60:18

Ma kegasei kogeny koroomnateet eng' emeng'ung', anan kobiit kubernateet ak ng'emisyet eng' kiwotosyeguk; ago tuun iguure irimoiguk Yetunet, ak iguure ormariichoguk Kalasunet.

ISAIAH 65:2

Ki aitoochi eunekyuk peet komugul piik che ingeleldos, che pendote ooreet ne ma karaaran, che pendote kabwaatutikwak;

ISAIAH 66:18

Amu angen poisyonikwak ak kabwaatutikwak: nyoonei peetuut, ye ayumi pororyosyek tugul ak kutusweek tugul; ak kobwa ak kogeer toroornatennyu.

ISAIAH 66:4

alewenjini anyun kaberberisyosyekwak, ak aipchi icheek kaiyweisyosyekwak; amu kinga kuurse, koma wol chii; ye kinga ng'alaal, koma kas icheek: ago ki yai tuguuk che yaach eng' tainnyu, ak kolewen tuguuk che ma abaibaitune.

JEREMIA 22:17

Ago matokyingei konyeguk ak muguleldang'ung' kiy age kobatee tuguugap ng'wen, ak tumdaetap korotiik che ma tinyei tengek, ak sastaet, ak koroomnateet, koyai chooto.

JEREMIA 41:7

Ak kingo kagoit kwenutap nganaseet, kobar Ishmael weeriitap Netania pichooto, ak kowiirchi keriinget, ineendet ak murenik che ki mi ak ineendet.

RIREKAB JEREMIA 4:13

Ki piit ko uu niito amu tengekwogigap maotikyik, ak yaitwogigap tisiikyik, che kitumda korotiigap piik che po iman eng' kwenunnyi.

EZEKIEL 18:12

ne ki koyachi ne ya kibananiat ak ne ma tinyei kiy, ne ki korebis eng' koroomnateet, ne tomo koweekta kiit ne ki kiname pesendo, ak ki kotokyi konyekyik kanamonik, ne ki koyai kiit ne kiwechei,

EZEKIEL 22:6

Ogeero, pounigap Israel, mi age tugul eng' kimnateennyi, eng' kwenung'ung', si kobiit kotumda korotiik.

EZEKIEL 9:9

Koleenjo anyun, Oo kot tengektap kootap Israel ak ne po Judah, kanyi emoni korotiik, ak kanyi nganasani kamaaset ne po kirwoogutik: amu mwaei kole ki kometo Kamuktaindet ne Toroor emoni, ama keerei Kamuktaindet ne Toroor.

MIKAH 7:2

Ki kobet chii ne iywei Kamuktaindet ne Toroor eng' emet, ama mi agot agenge ne po iman eng' piik. Saptoi tugul kotumdoi korotiik, riichei chii age tugul mesteet agobo ng'eetap kamet.

MATAYO 2:16

Kingo keer Herod kole king'al `ng'oomotik ineendet, konereech miising' ak koyookto kebar lagok tugul che weeriik che po kenyiisyek aeng' ak korek eng' Bethlehem ak eng' tabanwekyik tugul kosuupkei ak peetuut ne kiginee piik che ng'oomen.

NG'ANG'UTYET 17:6

Ak ki ageer kwonyooto ko kagobogit eng' korotiigap piik che tiliileen, ak eng' korotiigap paorinigap Jeso. Ye kinga keer ineendet, akwong' eng' kwong'eet ne oo.