ISAIAH 57:19 - BUKUIT NE TILIIL Sireet ne Dutero Kanon

¹⁹ Ayae logoegap kutusweek: Kaalyeet, kaalyeet eng' ineendet ne mi ole loo ak ineendet ne mi ole neegit ak asoop icheek.

Bukuit Ne Tilil

¹⁹ Ayae logoegap kutusweek: Kaalyeet, kaalyeet eng' ineendet ne mi ole loo ak ineendet ne mi ole neegit ak asoop icheek.

BUKUIT NE TILIL

¹⁹ Ayae logoekab kutuswek: Kalyet, kalyet, eng’ inendet ne mi ole loo ak inendet ne mi ole negit, mwaei Jehovah; ak asoob inendet.

ISAIAH 57:19 Iomraidhean Croise

ISAIAH 26:12

Inyee Kamuktaindet ne Toroor ne ing'atwech kaalyeet amu inyee ne ki iyaiywech kogeny poisyonikyok tugul.

ISAIAH 26:3

Iriibe ineendet kotebee kaalyeet ne ititaat, ineendet ne tienengei kabwautuikyik, amu imang'un.

ISAIAH 32:17

Ak koek poisyetap imanda kaalyeet; ak kobiitune imanda kamuung'et ak kamang'unet koigeny.

ISAIAH 50:4

Ki koono Kiptaiyat Kamuktaindet ne Toroor ng'elyepta ne po icheeget che ki kineet, si kobiit anai ole agimiititoi eng' ng'aleek ineendet ne ng'etat: ing'eetisyei karonet age tugul, ing'eeta si kobiit agas ko uu che ki kineet.

ISAIAH 51:16

Ak kiande ng'aleekyuk kuting'ung', ak ki atugenen urwetap eunnyu, si kobiit amin kipsengwet, ak alume lumeiywegap ng'wony, ak aleenji Zion, ii pororyennyu.

ISAIAH 59:21

Ni anyun kayomisennyu ne kiyomisyinige ak icheek, mwaei Kamuktaindet ne Toroor: ma istoegei kuting'ung' Kabuusennyu ne miten ak ng'aleeguk che kiande kuting'ung', anan eng' kutitap iyoteng'ung', anan eng' kutusweegap mochogoroniguk, mwaei Kamuktaindet ne Toroor, kobooch nguno agoi koigeny.

ISAIAH 6:7

Ak kitwae kutinnyu, ak kole, “Keero, kagotwa kuting'ung' niito; kageisto tengektong'ung', ak kagiundo ng'oogistong'ung'.”

JEREMIA 30:17

Amu asaabin, ak anyaa mooguk, mwaei Kamuktaindet ne Toroor; amu kigoguurenen ne ki kitimda, kole Zion niito, ne ma mage kiy chii.

JEREMIA 33:6

Ogeero, anyaai ak asoobi, ak asoobi icheek; ak ang'aang'ji icheek chaang'indap kaalyeet ak imanda.

HOSEA 14:2

Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.

HOSEA 14:5

Aigeitu rewoot eng' Israel: yiei ineendet ko uu taapteet ne karaaran, ak kowakta tigitikyik ko uu Lebanon.

SEPANIA 3:9

Amu tuun aweekyini anyun piik eng' peetuunooto kutit ne myee, si koguur tugul kainetap Kamuktaindet ne Toroor, ak koboisyechi eng' mageet agenge.

SEKARIA 9:10

Ak ang'em chepkichutitap lugeet eng' Ephraim, kobooto paraisiit eng' Jerusalem, ak kigees kwangetap pooryeet; ak komwachi pororyosyek kaalyeet; ak pochitu pounatennyi nyanjet age agoi nyanjet age, ak koboochit aineet agoi ole poochin ng'wony.

MATAYO 10:13

Ak ngo nyolu koyooto, ongotebee kalyeng'wong'; ago ngo ma nyolu, ko ingoweekyogei kalyeng'wong'.

MARIKO 16:15

Ak ki leenji, “Oba ng'wony komugul, oamjinote logoiywek che myach piik tugul.

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

LUKA 21:15

amu agoonok kutit ak utaatyet, ne ma imuuchi puunikwok tugul kota kowol kiy anan kogirindaak.

POISYONIGAP CHE KIYOKTOI 10:36

Ng'olyoot ne ki iyookyi ineendet piigap Israel, ko koamda ng'aleek che myach che po kaalyeet eng' Jeso Kristo, ineendet ko Kiptaiyat ne po tugul.

POISYONIGAP CHE KIYOKTOI 2:39

Amu neng'wong' kayomisoni, ak lagokwok, ak tugul che mi ole loo, ak tugul che ta koguurei Kiptaiyat Kamuktaindet nenyo kobwonji ineendet.”

EPESOEK 2:13

Ago nguno eng' Kristo Jeso okweek che ki oo looen eng' peetuusyek alak, ko kagegoonok ooriigu eng' korotiigap Kristo.

EPESOEK 6:19

Ak agobo anee, si kobiit kegoono tweguunet, ayaat kutinnyu, abarta eng' nyiganateet ung'ootyet ne po logoiywek che myach,

HEBRANIK 13:15

Nooto anyun ongigoochi Kamuktaindet eng' ineendet korosyotap kalasunet kotugul, nooto ko logoiyatap kutusweek che ng'aanyei kainennyi.