ISAIAH 55:11 - BUKUIT NE TILIIL Sireet ne Dutero Kanon

¹¹ uu nooto ng'olyoondennyu ne mang'une kutinnyu: ma weekyinagei puch, ago yaei kosulda kiit ne amache, ak koboorei eng' kiit ne kiayooktochine.

Bukuit Ne Tilil

¹¹ uu nooto ng'olyoondennyu ne mang'une kutinnyu: ma weekyinagei puch, ago yaei kosulda kiit ne amache, ak koboorei eng' kiit ne kiayooktochine.

BUKUIT NE TILIL

¹¹ u noto ng’olyondennyu ne mong’une kutinnyu: maweekyinagei buch, ago yaei kosulda kit ne amache, ak koborei eng’ kit ne kiayoktochine.

ISAIAH 55:11 Iomraidhean Croise

ISAIAH 40:8

Restos susweek ak kobetos taaptook; ago tononi koigeny ng'olyootap Kamuktaindennyo.

ISAIAH 45:23

Ki ayosyechigei, kagomang'une ng'olyoot kutinnyu eng' imanda, ama weechegei, ale, kutung'jino kutundo age tugul, iyastos ng'elyepta age tugul.

ISAIAH 46:10

ne iboortoi kegesunet kobooch taunet, ak koboortoi kobooch peetuusyek che po keny, tuguuk che tomo koyaogis; kole, tononi kirwoogennyu, ak ayae tugul che achame:

ISAIAH 53:10

Ago ki cham Kamuktaindet ne Toroor koguoten ineendet; ki igoochi arageneet; ye tuun iyai saboondanyi koek kagoochinet agobo tengekto, tuun keerei iyotennyi, tuun tesei peetuusyekyik, ak kotesak chametap Kamuktaindet ne Toroor eng' eunnyi.

ISAIAH 54:9

Amu uu niito eng' anee peegap Noa: amu ko uu ye ki ayosye ale ma komarane emet peegap Noa kogeny, kayosye ko uu nooto ale ma nereekyinin kogeny, anan agerin kong'.

ISAIAH 59:21

Ni anyun kayomisennyu ne kiyomisyinige ak icheek, mwaei Kamuktaindet ne Toroor: ma istoegei kuting'ung' Kabuusennyu ne miten ak ng'aleeguk che kiande kuting'ung', anan eng' kutitap iyoteng'ung', anan eng' kutusweegap mochogoroniguk, mwaei Kamuktaindet ne Toroor, kobooch nguno agoi koigeny.

JEREMIA 1:11

Ki nyoonjo ng'olyootap Kamuktaindet ne Toroor, koleenjo, “Jeremiah, igeere nee?” Ak ki awolu ale, “Ageere temeet ne po keetit ne kiguure almond.”

JEREMIA 1:12

Yeityo koleenjo Kamuktaindet ne Toroor, “Kegeer komyee, amu ko uu ye sip koiyei taaptook keetitap almond kosiir keetiik alak, ariibe ng'olyoondennyu asi si ayai kosulda.”

JEREMIA 1:13

Ak ki nyoonjo kogeny ng'olyootap Kamuktaindet ne Toroor ne po aeng', koleenjo, “Igeere nee?” Ak ki ale, “Ageere tereet ne wasegei ak tokyingei teronooto murot tai.”

JEREMIA 23:20

Ma weeksei nereegegap Kamuktaindet ne Toroor, agoi koyai kogees, agoi koyai magutigap muguleldanyi kosulda: oguitosi ng'olyoondoniito komyee eng' peetuusyek che po let.

JEREMIA 25:13

Ak aipchi emonooto ng'aleekyuk tugul che ki amwa agobo olooto, tuguuk tugul che ki kisirchi bukuini, che ki komaoten Jeremiah agobo pororyosyek tugul.

EZEKIEL 24:14

Kamwae anee Kamuktaindet ne Toroor ng'olyoondoniito, isuldoi ak ayae nooto; ma weechigei let, amarira moo, amawale kabwaatutikyuk. Arwoogun icheek ko uu ortinweguk ak ko uu poisyoniguk, mwaei Kiptaiyat Kamuktaindet ne Toroor.

AMOS 6:11

Amu, ogeero, ng'atei Kamuktaindet ne Toroor, kebut koot ne oo kong'emak, ak kebut koot ne ming'in kong'asiagan.

SEKARIA 1:6

Ago tos ki ma ityi kwanisyekwok ng'aleekyuk ak ng'atuutikyuk che ki ang'at otwogikyuk maotik? Ak ki week icheek ak kole, “Ki koyaiywech Kamuktaindet ne Toroor ne po lugoosyek ko uu ye kiga ibwaat kole yaiywech ko uu ortinwekyok, ak ko uu poisyonikyok.”

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

JOHANA 6:63

Kabuuset ne igoitoi saboondo; ma tilei kiy poorto: ng'aleek che kaamwawok ko kabuuset ak saboondo.

ROMANIK 10:17

Nyoonei anyun kayaneet eng' kaseet, ak nyoonei kaseet eng' ng'olyootap Kristo.

1 KORINTOEK 1:18

Amu perberyo ng'olyootap kimurtoiyot eng' icheeget che lustos; ago eng' acheek che kisaru ko kimnateetap Kamuktaindet.

NG'ATUTIK 32:2

Rong'ugei kaneetisyennyu ko uu ropta, ak kosoi ng'aleekyuk ko uu rewoot, ko uu ropta ne inesyin susweek che ng'orng'or, ak ko uu ropta ne robonjin susweegap timiin:

1 THESSALONIKEK 2:13

Kimwachini anyun Kamuktaindet kongoi, amu ng'olyoondoniito, ama kisistosi keele, ye kingo taach ng'olyoot ne ki ogasenech, nooto ng'olyootap Kamuktaindet, ki otaach, ma ko uu ng'olyootap piik, ago ko uu ye mi eng' imanit, ng'olyootap Kamuktaindet, nooto agine ne poisyei eng' okweek che oyani.

HEBRANIK 6:7

Amu emet ne ki koee ropta ne robonjin konyil che chaang' ak koii ingweek che nyoljin icheek che ki kibatyin, konyooru kaberuret eng' Kamuktaindet:

JAKOBO 1:18

Ki isichech eng' magennyi eng' ng'olyootap imanit, si kobiit keegu che tongoanigap yautikyik.

1 PETERO 1:23

amu kigesichok kogeny, ma eng' kesweek che ng'emaksei ago eng' che ma ng'emaksei, eng' ng'olyootap Kamuktaindet, ne sabei ak kotebyei.

1 SAMUEL 3:19

Ki eet Samuel ak ki mi Kamuktaindet ne Toroor kobooto ineendet, ak ki ma komi kiy eng' ng'aleek che kiga komwa Samuel ne ma isulda.