ISAIAH 52:1 - BUKUIT NE TILIIL Sireet ne Dutero Kanon

¹ Ng'eet, ng'eet, ilaach kimnateng'ung', ee Zion; ilaach ngoroiguk che korooron, ee Jerusalem, nganaseet ne tiliil: amu kobooch nguno koma kobwanjinin che ma kimuratan ak che ma tiliileen.

Bukuit Ne Tilil

¹ Ng'eet, ng'eet, ilaach kimnateng'ung', ee Zion; ilaach ngoroiguk che korooron, ee Jerusalem, nganaseet ne tiliil: amu kobooch nguno koma kobwanjinin che ma kimuratan ak che ma tiliileen.

BUKUIT NE TILIL

¹ Ng’eet, ng’eet, ilaach kimnateng’ung’, ee Sion; ilaach ngoroiguk che kororon, ee Jerusalem, nganaset ne tilil: amu koboch nguno ko ma kobwanjinin che ma kimuratan ak che ma tililen.

ISAIAH 52:1 Iomraidhean Croise

1 ATEPTAP PEETUUSYEK 16:29

Ogoochi Kamuktaindet ne Toroor toroornatet ne nyoljin kainennyi; Oibu kagoochinet, ak obwa tainnyi; ogutung'ji Kamuktaindet ne Toroor eng' karaaranindap tiliilindo.

NEEMIA 11:1

Ki meny anyun Jerusalem `kandoigap piik, ak ki iseer parbareek piik che ki ng'et si komut kebeberta agenge eng' taman ne po piik komeny Jerusalem, nganaseet ne tiliil ak kebeberwek sogool eng' taman ne po piik, komeny nganasook alak.

TIENWOGIKAL 110:3

Chamdogei piiguk eng' peetuutap kimnateng'ung': eng' karaaranindap tiliilindo, ye machei koeech. Itinye rewootap ming'inateng'ung'.

KOMONG'U 28:2

Napchi Aron ng'eetap komet ngoroik che itabaanatiin che po teegisto ak korooronindo.

KOMONG'U 28:40

“Eng' weeriigap Aron inapchini ngoroik che kooen, pirenaik ak chepkuloik che mengeechen che po teegisto ak kororindo.

ISAIAH 1:21

Kaegundo ano chepkugoniot nganaseet ne ko po iman, ne kotinyei kirwooget ne po iman! Komenyei imanda nganasanooto, ago nguno komi rumiik.

ISAIAH 1:26

Aweegu kirwoogiguk ko uu eng' tai, ak aweegu kotigoniguk ko uu eng' tai. Ye ibata nooto keguurenen Nganaseetap Imanda, nganaseet ne kiyani.

ISAIAH 26:2

Oyat ormariichok, si kobiit kobun kwo oriit pororyet ne po iman, ne riibei imanit.

ISAIAH 35:8

Ak kobiit ooreet ne oo eng' olooto, ak kiguure oranooto Ooreetap Tiliilindo. Ma punei oranooto che ma tiliileen ama tyechei oranooto agot che perber.

ISAIAH 4:3

Ak tuun kiguure ne itabaanat ineendet ne ki ng'et eng' Zion, ak Jerusalem, chiito age tugul ne ki kisir eng' che saptos eng' Jerusalem.

ISAIAH 48:2

Amu mwaei kole ki po nganaseet ne tiliil, ak kotiegei Kamuktaindetap Israel: kainennyi ko Kamuktaindet ne Toroor ne po lugoosyek.

ISAIAH 49:18

Ing'eet met ak igeer komoswek tugul: iyumigei chuuto tugul, ak kobwonjin. Mwaei Kamuktaindet ne Toroor kole, ko uu ye asabe, iman, ilaachi tuguuchooto tugul ko uu kiit ne po lelesta, ak igermenegei icheek, ko uu ye kermenigei murereet.

ISAIAH 51:17

Ng'eet, ng'eet, tonon, ee Jerusalem, ne ki iee kigombetap nereegek che koroomen che po Kamuktaindet ne Toroor eng' eunnyi; ki iee eng' kigombet ne oo, icholool, kigombet ne yaei piik koterteeryot.

ISAIAH 51:9

Ng'eet, ng'eet, ilaach kimnateet, ee, eutap Kamuktaindet ne Toroor; ng'eet, ko uu peetuusyek che po keny, ibinwegap peetuusyek che po keny. Tos ma inyee ne kiitonaton Rahab, ne kiitoor maswetit?

ISAIAH 60:1

Ng'eet, iluu; amu kagoit lapkeiyeng'ung', ak kagochorchin toroornatetap Kamuktaindet ne Toroor.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

ISAIAH 64:10

Ki koek ong'ateet nganasoguk che tiliileen, koek Zion surkwen, koek Jerusalem karaatya.

JEREMIA 31:23

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ta komwaei kogeny icheek ng'aleechu eng' emetap Judah ak eng' nganasookyik, ye tuun aweech kogeny eng' ole ki kimut kole: Ingoberuurin Kamuktaindet ne Toroor, ee meng'ootetap imanda, ee tulweetap tiliilindo.

EZEKIEL 44:9

Mwaei Kiptaiyat Kamuktaindet ne Toroor kole ma wendi oldanyu ne tiliil toondet age tugul ne Pororyosyek che ma kimuratan muguleldo ak poorto, agot toondet age tugul ne mi kwenutap piigap Israel.

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

NAHUM 1:15

Ogeero! Mi tuloonook kelyegap ineendet ne ibu logoiywek che myach, inee ne mwaitoi kaalyeet. Riip igoorweguk, ee Judah, yai kaarortaosyeguk kosulda, amu ma kobookyinin kiptengekyot kogeny; ki parei ineendet ne matiny.

HAGGAI 2:4

Nyiganitu, ee Zerubabel,’ mwaei Kamuktaindet ne Toroor. ‘Nyiganitu, ee Joshua weeriitap Jehosadak tisiindet ne oo. Onyiganitu okweek piik tugul che po emet,’ mwaei Kamuktaindet ne Toroor, ‘ak oboisye; amu ami kobootok,’ mwaei Kamuktaindet ne Toroor ne po lugoosyek.

SEKARIA 3:4

Ak ki wol ineendet koleenji icheek che kitonone tainnyi, Oreegune ineendet ngoroikyik che murwonen. Ak ki mwachi ineendet koleenji, Keero, kaistoenen tengektong'ung', ak alaagun ngoroik che korooron.

MATAYO 4:5

Yeityo komut chesawilyet ineendet kwo nganaseet ne tiliil; ki imut kwo kimonjogut ne po Hekaluut,

LUKA 15:22

Ago ki leenji kwanda otwogikyik, Oibu ochogune ngoryeet ne karaaran ne siirei tugul, ak olaakyi; ak ondechi peteiyot mornennyi, ak olaakyi kweonik:

ROMANIK 13:14

Ago olach Kiptaiyat Jeso Kristo, amochopchi poorto poroindo, si oyai maguutikyik.

ROMANIK 3:22

agot imandap Kamuktaindet ne mi eng' kayaneet eng' Jeso Kristo eng' icheeget tugul che iyani; amu ma mi kabesyet;

EPESOEK 4:24

ak olaach chiito ne leel, ne ki kiyai eng' Kamuktaindet eng' imanda ak tiliilindo ne po iman.

EPESOEK 5:14

Nooto anyun, mwaei ineendet kole, “Kosu, inyee ne irue, ak ing'eet eng' che ki kobek, ak kokwenyin Kristo.”

EPESOEK 6:10

Ne po let anyun, oegu che kiimeen eng' Kiptaiyat, ak eng' kimnateetap kamugennyi.

NG'ANG'UTYET 11:2

Ago pagakte, amat ikwa seremut ne miitei Hekaluut saang'; amu ki kigoochi Pororyosyek: ak kotyechei eng' keelyekwak nganaseet ne tiliil eng' arawek artam ak aeng'.

NG'ANG'UTYET 19:14

Ak ki isubi ineendet lugoosyek che mi kipsengwet che ketei paraisisyek che leelach, kolaachi katanisyek che korooron che leelach kot ak ko tiliileen.

NG'ANG'UTYET 19:8

Ki kigoochi ineendet kolaachkei eng' katanit ne karaaran, ne leel kot ak ko tiliil.” Amu katanit ne karaaran ko poisyonigap imanda che po piik che tiliileen.

NG'ANG'UTYET 21:2

Ki ageer nganaseet ne tiliil, Jerusalem ne leel, kochoorugei eng' kipsengwet kobunu Kamuktaindet, ko kagechop ko uu murereet ne kagelelesonjinechi manong'otyondennyi.

NG'ANG'UTYET 21:27

Ak ma koi wo oriit kiy age tugul ne murwoon, anan ko ne yaei kiy ne kiwechei, ak lembeita, kobatee icheek che ki kisirchi bukuitap saboondo ne po Aarwet.