ISAIAH 51:13 - BUKUIT NE TILIIL Sireet ne Dutero Kanon

¹³ ak ki iutye Kamuktaindet ne Toroor Yaindeng'ung', ne kiito kipsengwet, ak kolumda lumeiywegap ng'wony; ak iyweisyei kotugul, peetuut komugul, amu koroomnatetap usiindet ye chobegei si kong'emis? Mi ano koroomnatetap usiindet?

Bukuit Ne Tilil

¹³ ak ki iutye Kamuktaindet ne Toroor Yaindeng'ung', ne kiito kipsengwet, ak kolumda lumeiywegap ng'wony; ak iyweisyei kotugul, peetuut komugul, amu koroomnatetap usiindet ye chobegei si kong'emis? Mi ano koroomnatetap usiindet?

BUKUIT NE TILIL

¹³ ak kiiutie Jehovah Yaindeng’ung’, ne kiito kipsengwetisiek, ak kolumda lumeiywekab ng’ony; ak iyweisiei kotugul, betut komugul, amu koromnatetab usindet ye chobegei si kong’emis? Mi ano koromnatetab usindet?

ISAIAH 51:13 Iomraidhean Croise

Kitabuutap JOB 37:18

Tos imuuchi iite sengwetyet kobooto ineendet, ne kiim ko uu kioit ne ki kichoot si kitanyi?

Kitabuutap JOB 9:8

Ineendet ineegei ne iitoi kipsengwet, ak kotyechei peek che mildogei che po nyanjet.

TIENWOGIKAL 104:2

Inyee ne itugegei lapkeiyet ko uu ngoryeet; iitoi kipsengwet ko uu ngoryeet,

TIENWOGIKAL 106:13

Ne matyanit koutye poisyonikyik; ma ingen ng'olyoondennyi.

TIENWOGIKAL 76:10

Iman ilasun nereegegap piik: Irategei nereegek che kang'et.

ISAIAH 10:24

Mwaei anyun Kiptaiyat, Kamuktaindet ne Toroor ne po lugoosyek, kole, “Ee piikyuk che menyei Zion, amoiywei Assyria; nganda pirin eng' kirokto, ak konamjin parak agobo inyee, ko uu piteetap Misiri.

ISAIAH 14:4

ile, haa, ki kowong'kei usiindet! Ki kowong'kei koroomnateet!

ISAIAH 16:4

Ingomeny kobooten che kigetimda che po Moab, egu inyee ole ung'egei icheek komwee luulindet.” Ye kagoek puch rebindet, kagogeskei luulset, kagiwong' usiik eng' emet.

ISAIAH 17:10

Amu kiutye Kamuktaindetap yetuneng'ung', ama ibwaat rwandetap kimnateng'ung'; igoole anyun keetiik che korooron, ak keetiik alak che teer;

ISAIAH 40:21

Tos tomo onai? Tos tomo ogas? Tos tomo kemwaiwok kobooch taunet? Tos tomo oguiye kobooch ngap kelumda lumeiywegap ng'wony?

ISAIAH 40:22

Ineendet ko ne tebee ole pooch yiemutyetap ng'wony, ak uu che menyei olooto, talamik; ne iitoi kipsengwet ko uu angeet, ak koiito kipsengwetisyechooto ko uu emait ne ki menyei:

ISAIAH 42:5

Mwaei ko uu nooto Kamuktaindet, Kamuktaindet ne Toroor, ne ki toi koyai kipsengwet ak koiito; ineendet ne kiito ng'wonyuni, ak che mang'une olooto; ineendet ne igoochin kabuuset piik che menyei ng'wony, ak kogoochi `kabuuset icheek che pendote.

ISAIAH 43:1

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

ISAIAH 44:24

Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

ISAIAH 45:12

Ki ayae ng'wony, ak ki atau ayai chiito kotebee olooto: anee, ee, eunekyuk, che kiito kipsengwet, ak ki ang'at lugosyekwak tugul.

ISAIAH 45:18

Amu mwaei Kamuktaindet ne Toroor ne ki toi koyai kipsengwet kole, Ineendet ko Kamuktaindet ne kimimii ng'wony ak koyai; ki igimit, ki ma yai koek puch, ki yai si kobiit kemeny: aa Kamuktaindet ne Toroor; ama mi age.

ISAIAH 48:13

Ee, kilum eunnyu lumeiywotap ng'wony, ak kiito eunnyu ne po tai kipsengwet: ye aguur icheek, kotononso kibagenge.

ISAIAH 49:26

Ak abae icheek che usin poorwekwak; ak kobogityo eng' korotiikwak, ko uu ye pogiti chii eng' divaik che leelachen: si konai piik tugul kole, aa Kamuktaindet ne Toroor yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 54:14

Ki kimiitin eng' imanda; ilooitu eng' nyalilda, amu meiyweisyei; ilooitu eng' kamuiset, amu mariikyinin.

ISAIAH 57:11

Ak ki iywei ng'oo anyun ak itoptoben kot imwa lembech, ak ma ibwaata ama chut ng'olyoondoniito muguleldang'ung'? Ma asiis peetuusyek che chaang' ama iywea?

ISAIAH 7:4

ak ileenji ineendet, riipkei, ak isiis, ameiyweisye, anan kotanui muguleldang'ung', amu kegenganichu aeng' iyendos, amu nereegek che ng'woneen che po Rezin ak Syria, ak che po weeriitap Remaliah.

ISAIAH 9:4

Amu koiiri chogitap lautyennyi, ak kirokto ne po tigikyennyi, ak kirokto ne po usiindennyi, ko uu eng' peetuusyegap Midian.

JEREMIA 2:32

Tos imuuchi chepto koutye tuguukyik che po lelesta? Anan koutye murereet ngoroikyik? Ago kigoutyeno piikyuk eng' peetuusyek che ma iitoksei?

JEREMIA 38:19

Ak ki leenji Zedekiah laitoryat Jeremiah, Aiywei Yahudik che ki konamgei ak Kaldeik, si ma indea eunekwak, ak kochota.

JEREMIA 41:18

amu Kaldeik: amu ki iywei icheek, amu kiga kobar Ishmael weeriitap Netania, Gedalia weeriitap Aikam, ne ki inde laitoryatap Babilon koek pounindetap emet.

JEREMIA 51:15

Ki yai ng'wony eng' kamuktaennyi, ki igimit ng'wonyuni eng' utotyennyi, ak kiito kipsengwet eng' naennyi:

JEREMIA 51:19

Ma uu chuuto kebebertap Jakobo; amu po tai ineendet eng' tuguuk tugul; ak Israel ko pororyetap porotennyi: kainennyi ko Kamuktaindet ne Toroor ne po lugoosyek.

POISYONIGAP CHE KIYOKTOI 12:23

Eng' sainooto anyun kobir ineendet `malaikaiyatap Kiptaiyat, amu ma konyit Kamuktaindet. Ara ki am ineendet kuutik ak kime.

1 KORINTOEK 1:20

Mi ano ne utaat? Mi ano siriindet? Mi ano kiptiyotyot ne po kenyisyechu? Tos ma yai Kamuktaindet ng'omnatetap ng'wonyuni koberberit?

1 KORINTOEK 15:55

Ee, meet, mi ano kabelisyeng'ung'? Ee, meet, mi ano ng'wanindang'ung'?

NG'ATUTIK 32:18

Mebwaati Rwandet ne kwandang'ung', Ki iutye Kamuktaindet ne kisichin.

NG'ATUTIK 6:12

iriipkei anyun si meutye Kamuktaindet ne Toroor ne ki imutun imang'une emetap Misiri eng' kootap otwoknateet.

NG'ATUTIK 8:11

“Riipkei anyun si meutye Kamuktaindet ne Toroor Kamuktaindeng'ung' ak imete ng'atuutikyik, kirwoogutikyik ak kaneetisyosyechooto kang'atiin rani.

HEBRANIK 11:15

Ak nda kiga ibwaat iman emoni ki mang'une, ta kinyooru poroindo koweektagei.

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.

NG'ANG'UTYET 20:9

Ak kotogosta koyom ng'wony ak koyiem ye mi che tiliileen, ak nganaseet ne chamat; ak ki choorgei maat eng' kipsengwet, ak kobeel icheek.