ISAIAH 5:16 - BUKUIT NE TILIIL Sireet ne Dutero Kanon

¹⁶ Ago itoroorot Kamuktaindet ne Toroor ne po lugoosyek eng' kirwoogetap imanda, ak Kamuktaindet ne Tiliil koboortoigei kole itabaanat eng' imanda.

Bukuit Ne Tilil

¹⁶ Ago itoroorot Kamuktaindet ne Toroor ne po lugoosyek eng' kirwoogetap imanda, ak Kamuktaindet ne Tiliil koboortoigei kole itabaanat eng' imanda.

BUKUIT NE TILIL

¹⁶ ago tororitu Jehovah ne bo lugosiek eng’ kiruoget, ak itabanat eng’ imanda Kamuktaindet, Inendet ne Tilil.

ISAIAH 5:16 Iomraidhean Croise

1 ATEPTAP PEETUUSYEK 29:11

Ee Kamuktaindet ne Toroor, neng'ung' ooindo ak kamuktaet, ak toroornatet ak katerteeret ak etunateet, amu cheguuk tuguuk tugul che mi kipsengwet ak che mi ng'wony. Neng'ung' ee Kamuktaindet ne Toroor laitornatet, ii toroorot ak ii metitap tugul.

TIENWOGIKAL 21:13

Tororitu, ee Kamuktaindet ne Toroor, eng' kimnateng'ung'! Tuun ketyen ak kilasu kimnateng'ung'.

TIENWOGIKAL 46:10

“Osisye ak onai ole aa Kamuktaindet! Kitoroora eng' kwenutap pororyosyek, kitoroora eng' ng'wony.”

TIENWOGIKAL 9:16

Kigoboorgei Kamuktaindet ne Toroor, ki korwooch inee; ki konam kiptengekyot poisyetap eunekyik. [Higgaion. Selah]

ISAIAH 12:4

Omwae eng' peetuunooto ole: “Oweekyi Kamuktaindet ne Toroor kongoi, oguur kainennyi, omwaite poisyonikyik eng' pororyosyek, omwa ole kagotororit kainennyi.

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

ISAIAH 2:17

Kiming'ini kaeetetapkei ne po chiito, ak kinyeroti menoteetap piik; Kamuktaindet ne Toroor ineegei ne tororitu peetuunooto.

ISAIAH 2:9

Ing'uruuksei chiito ne nyeraat, ak kiming'ini chiito ne oo, ko uu nooto anyun amenyochi kaat icheek.

ISAIAH 28:17

Ak ayai kirwooget koek kiit ne litit, ak ayai imanda koek porowet ne kilititisye. Ak kobukto koigap ropta ole mwechin ne po lembechek, ak komarane peek ole kiung'egei.

ISAIAH 29:23

Ago ye keer ineendet lagokyik, nooto ko poisyetap eunekyuk, che mi kwenunnyi, kotabaan kainennyu; itabaani Ineendet ne Tiliil ne po Jakobo, ak koywei Kamuktaindetap Israel.

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

ISAIAH 33:10

Mwaei Kamuktaindet ne Toroor kole; “Kang'eet anyun nguno, aeetu nguno; atororitu nguno.

ISAIAH 33:5

Toroor Kamuktaindet ne Toroor; amu menyei parak, ki konyiit Zion kirwooget ak imanda.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 6:3

Ak kitwekyi `age age koleenji: “Tiliil, tiliil, tiliil, Kamuktaindet ne Toroor ne po lugoosyek; nyiitaat ng'wony komugul toroornatennyi.”

ISAIAH 61:8

Amu achame anee Kamuktaindet ne Toroor kirwooget, aweche rebisyet kobooto tengekto; ak ayaakyini icheek eng' imanit, ak kiyomisyige ak icheek kayomiset ne po koigeny.

ISAIAH 8:13

Amu Kamuktaindet ne Toroor ne po lugoosyek ineegei ne ogonyiti; ak ingoek ineendet ne oiywei, ak koek ineendet ne koonok oiyweisye.

EZEKIEL 20:41

Ataachok ko uu nyamdutyet ne anyiny, ye amutwok omang'une pororyosyek, ak ayumak omang'une emotinwek ole ki kiseerchok; ak aegu ne itabaanat eng' okweek kogeerei pororyosyek.

EZEKIEL 28:22

ileenji, mwaei Kiptaiyat Kamuktaindet ne Toroor kole: Keero, aboryenen, ee Sidon; ak kitoroora eng' kwenung'ung': si konai kole aa Kamuktaindet ne Toroor, ye karwookyi ineendet ak aegu ne itabaanat eng' ineendet.

EZEKIEL 28:25

Mwaei Kiptaiyat Kamuktaindet ne Toroor kole: Ye tuun kaayum kootap Israel komang'une pororyosyek ole kiga kiyestoochi, ak aegu ne itabaanat eng' icheek eng' taitap pororyosyek, komeny anyun emennywa ne ki agoochi otwogindennyu Jakobo.

EZEKIEL 36:23

Ak atabaan kainennyu ne oo ne ki kimurwon eng' kwenunnywa; si konai pororyosyek kole aa Kamuktaindet ne Toroor, mwaei Kiptaiyat Kamuktaindet ne Toroor, ye aegu ne kitabaanat eng' okweek eng' tainnywa.

EZEKIEL 38:16

ak obwa obargei ak piikyuk Israel, ko uu pooldet ne tuchei emet; amutun eng' peetuusyek che po let obwa obargei ak emennyu, si kobiit konaa pororyosyek, ye tuun aegu ne itabaanat eng' inyee, ee Gog, eng' tainnywa.

EZEKIEL 38:23

Ak atoroorge, ak atabaangei, ak abartegei eng' taitap pororyosyek che chaang'; si konai icheek kole aa Kamuktaindet ne Toroor.

ATEPTAP LAWIK 10:3

Ki leenji Musa anyun Aron, “Ni kiit ne ki mwa Kamuktaindet ne Toroor kole, ‘Eng' icheek che riikyino aegu ne tiliil, ak eng' taitap piik tugul anyooru toroornatet.’ ” Ak ki siis Aron.

KAITOSYEK 20:13

Po peechu Meribah, amu kiboryo `piigap Israel Kamuktaindet ne Toroor, ak ki ibarta tiliilindanyi eng' tainnywa.

ROMANIK 2:5

Ago eng' uindang'ung' ak muguleldang'ung' ne ma tinyei siguunet, igonorchinigei nereeknateet kobunji peetuutap nereeknateet ak ng'ang'utyetap kirwooget ne po imanda ne po Kamuktaindet;

1 PETERO 1:16

amu ki kisir keele, Oegu che tiliileen; amu aa tiliil anee.

1 PETERO 2:15

Amu uu nooto mageetap Kamuktaindet, ale oger eng' yautik che myach abusnatetap piik che perberen:

1 PETERO 3:15

ago ogonyit Kristo koek Kiptaiyat ne tiliil eng' mugulelwekwok: ak oegu che chobootiin kotugul owolji chii tugul ne teebenok ng'olyoo agobo kamang'unet ne miitei eng' okweek, ago eng' talasyet ak kaiyweisyet:

NG'ANG'UTYET 3:7

“Ak isirchi malaikaiyatap kaniset ne mi eng' Philadephia, ileenji: Mwaei tuguuchu ineendet ne tiliil, ineendet ne po iman, ineendet ne tinyei yaateiwotap Daudi, ineendet ne yaatei, ama kerei chii, ak ne kerei, ama yaatei chii.

NG'ANG'UTYET 4:8

Ak nyiitootiin tyong'ichooto ang'wan saptos koonyek, komoswek tugul ak oriit, kotinyei age tugul kebebaik lo. Ama imuunyi icheek peet ak kemoi, komwaei koleen, “Tiliil, tiliil, tiliil, Kiptaiyat Kamuktaindet, Ne po Kamuktaet, ne ki mi ak komi ak ko tuun nyoonei.”