ISAIAH 5:12 - BUKUIT NE TILIIL Sireet ne Dutero Kanon

¹² Mi eng' igoorwekwak ketubet ak kibugandet, sugutit ne ming'in ak ndurerut, ak maiyek. Ago ma iiti icheek poisyetap Kamuktaindet ne Toroor anan kobwaat poisyonigap eunekyik.

Bukuit Ne Tilil

¹² Mi eng' igoorwekwak ketubet ak kibugandet, sugutit ne ming'in ak ndurerut, ak maiyek. Ago ma iiti icheek poisyetap Kamuktaindet ne Toroor anan kobwaat poisyonigap eunekyik.

BUKUIT NE TILIL

¹² Ak ketubet ak kibugandet, ak sugutit ne ming’in ak ndurerut, ak maiyek, mi choto igorwekwak: ago maiiti ichek boisietab Jehovah, anan kobwat boisionikab eunekyik.

ISAIAH 5:12 Iomraidhean Croise

TAUNET 31:27

Kilya si imweu iung'anugei ak ing'ala, ne ma imwaiwo, si kobiit aunden iwe eng' poiboiyet ak tyenwogik, ak sugutit ne ming'in ak ketubet;

2 SAMUEL 19:35

Aa po rani kenyiisyek tamanwogik sisiit. Tos ta amuuchi abesyo ne myee ak ne ya? Ta komuuchi otwogindeng'ung' kogas kiit ne chamu tuguuk che aame anan ko che aee? Ta amuuchi agas cheetap murenik che tyendos ak kwonyiik che tyendos? Amu nee anyun si kota koek mileet otwogindeng'ung' kogeny, eng' kiptaiyandennyu laitoryat?

Kitabuutap JOB 34:27

amu kimasta, ma isup ineendet, ama ibwaat age tugul eng' ortinwekyik.

TIENWOGIKAL 28:5

Amu ma mage kiy poisyonigap Kamuktaindet ne Toroor, anan poisyetap eunekyik, putei `Kamuktaindet ne Toroor icheek ama koteechei kogeny.

ISAIAH 22:13

Ak ogeero, poiboiyet ak kagasetapkei, eng'seetap keechiirek ak ne po tuuga, oame panyeek ak oee divaik. “Ongeamisye ak keeise, amu kibegu mutai.”

ISAIAH 24:8

Siisei kagasetapkei ne po sugutit ne ming'in, igeesugei polatetap icheeget che poiboi, siisei poiboiyetap ketubet.

ISAIAH 29:1

Pwo eng' Jerusalem, Jerusalem, nganaseet ne ki menyei Daudi! Otes kenyiit eng' kenyiit; ingorubatkei igoorwek.

ISAIAH 5:19

che mwaei kole, “Ingochaakta ineendet, kochokyi poisyennyi, si kobiit kegeer. Ingorik konyo kirwoogetap Ineendet ne Tiliil ne po Israel, si kobiit kenai!”

ISAIAH 56:12

Mwaei kole, obwa, si aip divaik, si kee maiyek konyiiech; ak kergeitu peetuuni ak mutai; peetuut ne oo, ne siirtoot.

EZEKIEL 26:13

Ak ageesu cheetap tyenwogiguk; ama kegasei kogeny cheetap ketubosyeguk.

LUKA 16:19

Ak ki mi chii anum ne ki mogoryo ne ki ilaachi ngoroik che arusen ne piriir, ak che po katanit ne karaaran, ak kibaibai peetuut age tugul, ak kotalbisi:

1 KORINTOEK 14:7

Agot tuguuk che masaptos, che cheitos, anan ndurerut anan ketubet, ngo ma ibesyo cheosyekwak, kenaitoi ano ne kiguutei anan ne kibutei?

JUDA 1:12

Pichuuto ko rwandosyek che ung'ootiin eng' igoorwekwok che po chamyet ye oamisyei tugul, mestoweek che amisyei icheegei ama iyweisyei. Icheek ko poolik che ma tinyei peek, che ibooti usoonaik; keetiik che ma tinyei logoek, che ki kobek konyil aeng', che ki kitut ak tigitik;

1 SAMUEL 12:24

Ne siirei tugul, ko oiywei Kamuktaindet ne Toroor kityo ak oot ineendet eng' imanit, eng' mugulelwekwok tugul, ak obwaat olete tuguuk che eecheen che ki koyaiywok.