ISAIAH 49:4 - BUKUIT NE TILIIL Sireet ne Dutero Kanon

⁴ Ago ki amwa ale, Ki abirtegei puch, ki aboisyee kimnateennyu puch, ak eng' tangoita; ago iman, mi kirwoogennyu eng' Kamuktaindet ne Toroor, ak mi yaaktaennyu eng' Kamuktaindennyu.

Bukuit Ne Tilil

⁴ Ago ki amwa ale, Ki abirtegei puch, ki aboisyee kimnateennyu puch, ak eng' tangoita; ago iman, mi kirwoogennyu eng' Kamuktaindet ne Toroor, ak mi yaaktaennyu eng' Kamuktaindennyu.

BUKUIT NE TILIL

⁴ Ago kiamwa ale, Kiabirtege buch, kiaboisie kimnatennyu buch, ak eng’ tangoita; ago iman, mi kiruogennyu eng’ Jehovah, ak mi yaaktaennyu eng’ Kamuktaindennyu.

ISAIAH 49:4 Iomraidhean Croise

1 LAITORINIK 19:10

Ki le ineendet, “Ki koama ng'etkong' miising' agobo Kamuktaindet ne Toroor, Kamuktaindetap lugoosyek, amu ki kobagakta piigap Israel kayomiseng'ung', kobut kaptisisyosyeguk ak kobar maotiguk eng' rotwetap chok. Ki ang'etu anee, aneege; ak nguno ko cheeng'ei icheek saboondanyu kobar.”

KALEWANAIK 29:26

Cheeng'ei che chaang' myeeindo eng' pounindet, ago punu Kamuktaindet ne Toroor kirwoogetap chii.

ISAIAH 25:1

Ee, Kamuktaindet ne Toroor, ii Kamuktaindennyu; atoroorin, alasu kaineng'ung'; amu ki iyai tuguuk che kikwong'ee, kirwoogutik che po keny, eng' kagesunatetapkei ak eng' imanit.

ISAIAH 35:4

Oleenji icheek che aragendos, “Ogimegitu, amoiyweisye! Keero nyoonei anyun Kamuktaindeng'wong' ak yaaktaetap mugetuut, kobooto kageeretap Kamuktaindet; nyoonei kosarwok.”

ISAIAH 40:10

Ogeero, nyoonei Kiptaiyat Kamuktaindet ne Toroor ko uu ineendet ne kiim, ak kobounisyei eunnyi agobo ineendet; mi melektanyi kobooto ineendet, ak mi yaaktaennyi tainnyi.

ISAIAH 40:27

Amu nee si ile inyee Jakobo, ak ing'alaali, ee Israel, ile, Ung'aat ooreennyu eng' Kamuktaindet ne Toroor, ki kosiirto kirwoogennyu ama mage kiy Kamuktaindennyu?

ISAIAH 57:21

Mwaei Kamuktaindennyu kole, ma mi kaalyeet eng' kiptengeginik.

ISAIAH 59:18

Yaakyin icheek ko uu poisyonikwak, nereegek che ng'woneen eng' puunikyik, yaaktaet eng' puunikyik; yaakyin ngeguusyek ko uu ye nyoljin.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 62:11

Ogeero, kagomwaita Kamuktaindet ne Toroor agoi tabandap ng'wony, kole, oleenji cheptap Zion, Keero, nyoonei yetuneng'ung'; keero, mi melektanyi kobooto ineendet ak mi yaaktaennyi tainnyi.

ISAIAH 65:2

Ki aitoochi eunekyuk peet komugul piik che ingeleldos, che pendote ooreet ne ma karaaran, che pendote kabwaatutikwak;

ISAIAH 65:23

Ma poisyei puch, ama ichin nyalil, amu icheeget ko iyoteetap che iberuurotin che po Kamuktaindet ne Toroor, kobooto lagokwak.

EZEKIEL 3:19

Ago ngot iteechi kiptengekyot, ama week chiichooto kometo yaityennyi, anan kometo ooreennyi ne ya, komeei eng' tengektanyi; ago kaisaru saboondang'ung'.

ATEPTAP LAWIK 26:20

Oboisyee puch kimnateeng'wong', amu ma koonu emeng'wong' rurateet, ak ma iitos keetiigap emet logoekwak.

MATAYO 17:17

Ki wol Jeso kole, “Ee ibinda ne ma tinyei kayaneet ak komaasat, atebye ak okweek kot kotyanit? Amuitoi kot kotyanit agobo okweek? Imutwaa ineendet.”

MATAYO 23:37

“Ee Jerusalem, Jerusalem, ne parei maotik ak kolage koik icheek che ki kiyookyi! Ki amach konyil ata ayum lagoguk ko uu ye iyumi ngokyet aarekyik eng' kebebaikyik, ago ma ocham!

LUKA 24:26

Ki ma nyoljin Kristo konyalil eng' tuguuchu, si komong'ji toroornatennyi?”

JOHANA 1:11

Ki nyoonji chechiik, ak ki ma taach ineendet `piikyik.

ROMANIK 10:21

Ago mwaei agobo Israel kole, “Ki aitoochi eunekyuk eng' peetuut komugul piik che ma kase iit ak che ngelelik.”

2 KORINTOEK 12:15

Ak abaibai miising' aboisyee chechuuk ak keboisena agobo saboonwekwok. Ngot achamok miising' kosiir, ko tos ki chama kitigin?

2 KORINTOEK 2:15

Amu kinyamdutyet ne anyiny ne po Kristo eng' Kamuktaindet, eng' icheek che kisaru, ak eng' icheek che lustos;

GALATYEK 4:11

Aiyweisyei agobo okweek, si ma egu ne ki abirtegei puch eng' oor age tugul agobo okweek.

PILIPIK 2:16

oboortoi ng'olyootap saboondo; si kobiit anyoor ne alasunegei eng' peetuutap Kristo, ale ki ma alabat puch anan aboisye puch.

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.