ISAIAH 49:1 - BUKUIT NE TILIIL Sireet ne Dutero Kanon

¹ Ogasa, ee ngeguusyek; ak oep iit, okweek pororyosyek che omi ole loo; kiguura Kamuktaindet ne Toroor kobooch ami moo; ki mwa kainennyu kobooch ami moetap kamennyu:

Bukuit Ne Tilil

¹ Ogasa, ee ngeguusyek; ak oep iit, okweek pororyosyek che omi ole loo; kiguura Kamuktaindet ne Toroor kobooch ami moo; ki mwa kainennyu kobooch ami moetap kamennyu:

BUKUIT NE TILIL

¹ Ogasa, ee ngegusiek; ak oeb it, okwek bororiosiek che omi ole loo; kiguura Jehovah koboch ami mo; kimwa kainennyu koboch ami moetab kamennyu:

ISAIAH 49:1 Iomraidhean Croise

TIENWOGIKAL 22:10

Ki kiwiircha oldang'ung' kobooch ami moo; kobooch ami moetap kamennyu, ko ii Kamuktaindennyu.

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 24:15

Otoroor anyun Kamuktaindet ne Toroor eng' kong'asiis, otoroor kainetap Kamuktaindet ne Toroor, Kamuktaindetap Israel, eng' ngeguusyegap nyanjet.

ISAIAH 33:13

Ogas, okweek che oo looen, kiit ne kaayai; ak okweek che oo neegit, ong'aany kamugennyu.

ISAIAH 41:1

Osisye eng' tainnyu, ee ngeguusyek; ingonyoor pororyosyek kimnateennywa ne leel: ingorik; yeityo kong'alaalso: ongeriigu tugul ye mi kirwooget.

ISAIAH 42:12

Ingogoochi Kamuktaindet ne Toroor toroornatet, ak komwaita kalasunennyi eng' ngeguusyek.

ISAIAH 44:2

Mwaei Kamuktaindet ne Toroor ne kiyain, ne kimimiin eng' moet, ne toretin, kole, meiywei, ee otwogindennyu Jakobo; ak inyee Jesurun, ne ki alewen.

ISAIAH 44:24

Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

ISAIAH 45:22

Onyala, si kesorwok, okweek tabanwek tugul che po ng'wony: amu aa Kamuktaindet, ama mi age.

ISAIAH 45:3

ak agoonin konoraigap mesundeito, ak mogornatosyek che ung'ootiin che po komoswegap ung'oot, si kobiit inai ile aa Kamuktaindet ne Toroor ne ki aguurin eng' kaineng'ung', Kamuktaindetap Israel.

ISAIAH 46:3

Oepcha iit, ee kootap Jakobo, ak tugul che ng'etunotiin che po kootap Israel, che ki ageseni kobooch ko kagisich, che ki kigeseni kobooch komi moo:

ISAIAH 49:12

Ogeero, punu chu ole loo: ak ogeero, punu chu murot kaataam ak cherongo; ak punu chu emetap Sinim.

ISAIAH 49:5

Mwaei anyun Kamuktaindet ne Toroor ne kimimia kobooch ami moo aek otwogindennyi, si kobiit amutyi ineendet Jakobo kogeny, ak kiyumji Israel ineendet: (amu aa konyitot eng' taitap Kamuktaindet ne Toroor, ak kagoek Kamuktaindennyu kimnateennyu:)

ISAIAH 51:5

Neegit imandanyu, kamong' yetunennyu, ak korwookyi piik eunekyuk; igeno ngeguusyek, ak komang'u eunnyu.

ISAIAH 52:13

Ogeero, poisyee otwogindennyu ng'omnateet, kieeti ak kitoroori, ak kotororit miising'.

ISAIAH 55:3

Oep iit, ak obwanjo, ogas, si kosapcho saboonwekwok: ak kiyomisyige ak okweek kayomiset ne po koigeny, nooto rireenosyek che po iman, che po Daudi.

ISAIAH 57:19

Ayae logoegap kutusweek: Kaalyeet, kaalyeet eng' ineendet ne mi ole loo ak ineendet ne mi ole neegit ak asoop icheek.

ISAIAH 60:9

Igeno iman ngeguusyek, ak sip kogeno melisyek che po Tarsis, si kobiit komut weeriiguk eng' ole loo, koibu fedhaisyekwak ak thahabusyekwak, agobo kainetap Kamuktaindet ne Toroor Kamuktaindeng'ung', ak agobo Ineendet ne Tiliil ne po Israel, amu ki kotoroorin.

ISAIAH 66:19

Ak ande kaboorunet kwenunnywa, ak ayookte che chilildos eng' icheek koba pororyosyek, koba Tarsis, Pul ak Lud, che ng'iei kwanget, agoi Tubal ak Javan, agoi ngeguusyek che looen, che tomo kogas agobo kalasunennyu, anan kogeer toroornatennyu; ak komwaita toroornatennyu eng' pororyosyek.

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 1:5

“Ye kitom amimiin eng' moet, ko ki angenin, kotom kesichin, ko ki atabaanin, ki andein iegu maotyot eng' pororyosyek.”

SEPANIA 2:11

Egu Kamuktaindet ne Toroor kamuiset eng' icheek; amu iteenyi `ineendet kamuktaik tugul che po ng'wony, ak kolas piik tugul ineendet, ilasu chii age tugul eng' oldanyi, kobooto ngeguusyek tugul che po pororyosyek.

LUKA 1:15

Amu tuun egu ne oo eng' taitap Kiptaiyat, ama eei divai anan maiyo che ng'woneen; ago kinyiiti Kabuuset ne Tiliil, kobooch komi moetap kamet.

LUKA 1:31

Ak keero, imanachi, ak isich weeriit, ak tuun iguure kainennyi Jeso.

JOHANA 10:36

tos omwae agobo ineendet, ne kiitabaan Kwanda ak koyookto kwo ng'wony, oleenjini, ichotisyei; amu ki ale, ‘Aa Weeriitap Kamuktaindet?’

GALATYEK 1:15

Ago ye kingo cham Kamuktaindet, ne kiitabaana, kobooch moetap kamennyu, ak koguura eng' myeeindonyi,

EPESOEK 2:17

Ak ki nyo koamwok kaalyeet okweek che ki oo looen, ak kaalyeet eng' icheek che kineegiten:

HEBRANIK 12:25

Ogeer, amoeesye ineendet ne ng'alaali. Amu ngot ko ki ma chililyo icheek ye kingo eesyo ineendet ne kiga koteeita eng' ng'wony, kesiire ne tya anyun acheek ngot keistoegei ineendet ne iteu eng' kipsengwet:

1 PETERO 1:20

ne kisip konaam iman kotom kelumda ng'wony, ago ki king'aany eng' peetuusyek che po let agobo okweek,